ऌ لحــــــــظه غريبــــــه ... خلقــت الحب في قلبيـــن ऌ

الحلقة -2-



الدانة ــ انتي للحينج ماخلصتي من سلفة الاسم؟
بدر البدور ـ أكيد ما ارتاح ..قمر مرتاحه بسمها لان لو نادوها بالاسم الاول بس بيكون عادي ..بس انا ..اللي مايناديني بسمي كامل يناديني ببدر بس ...مليت يا عمتي ..
الدانة ــ اسمج حلو ..
بدر البدور ـــ مدري شطرى على ابوي علشان يسميني هالاسم التعبان ..
الدانه ــ والله انج بطرانه ...احمدي ربج ..أنا رايحه لغرفة قمور ..
بدر ــ كالعادة ماتعجبج سوالفي فترورحين لقمر ..والله اني ما احب انطق اسمها عن لاتحسب اني امدحها ..
الدانة ــ ردينا لموال قبل؟؟
بدر ــ اييه ..وانتي بعد لاتنادينها قمر ناديها قهر ..
الدانة ــ جب يا بدر ..

قمر ــ هلا عمتي تعالي ..
دانة ــ اتصلت فيني عبير ..تقول خلينا نمرها نسوي كيك معاها لحفلة اخوها اللي بيرد من السفر بعد يومين ..
قمر ــ خالد؟؟
دانة ــ ياني أكرهه ..أتذكر أيام قبل كله كان يطقني صج حمااااااار ..

**************************

شيماء ــ راح أشتاق لك ..
خالد ـــ أنا بسافر بكره الصبح ..مايمديني اوصل بسرعه للبيت .أبي أفاجأهم ..ولا ياحياتي كان بقيت معاج ..
شيماء ــ اقول لك رح اشتاق لك تقول لي قصة حياتك؟
خالد ــ لا تتبجحين ..تذكريني ببنت عمتي ..أكرهها ...والله اكرهها ..وما أطيق أشوف ويهها ..
شيماء ــ صحيح انك قليل ذوق ..انا وين وانت وين ..قول لي راح أشتاق لج بعد ..شتخسر ..
خالد ــ شيماء ..من تعرفت عليج ..قلت لج ..علاقتنا بتنتهي في اليوم اللي بسافر فيه لهلي ...وأنا خلصت الجامعه ..وتخرجت من شهر ونص ..بس نطرت اضبط اموري . اليوم آخر يوم بيني وبينج ..تقولين لي راح اشتاق لك؟؟
شيماء ــ فكرت ..يمكن تكون وزنت الامور وانك تحبني ..
خالد ــ اليوم عيد ميلادي وين هديتي؟
شيماء ــ مثل عادتك ..كالعادة ...تغير الموضوع ..أنا بروح وانت هاذي هديتك ..باي.

خالد تخرج من كلية الطب ,..وتم لين آخر لحظة يساعد شيماء في الواجبات ...وأخيرا بيرجع لبلاده ....ومن هنا ببدأ اللحظات بأسلوب مختلف 100%....

**********

غيرت ملابسها وفي قلبها غصة ...كلام منيرة جرحها ..للمرة لعاشرة من انتقلت لهنا ومنيرة تقط عليها نغزات كل وحده اقوى من الثانية ...البست عباتها وشيلتها ..وطلعت ... تعبت من هالتشتت بين بيوت أخوانها ..الله يسامحكم ...ليش كان لازم تبيعون البيت وتتركوني ما أحس بأي أمان ..ولا انتماء ..
قمر ــ عمتي ...شفيج؟؟ ...ساكته من طلعنا من البيت ..
ردت ــ أفكر لو بدر يات معانا ..ماكان أحسن؟
قمر ــ بدور ماتعرف تخبز الكيك ولا الحلويات بتقعد تزعجنا بس ..وبعدين عمتي نسيت آخر مرة لما تهاوشت مع عبير ؟؟ مسكينة عبير فوق ماهي متعنية وعازمة بدور تقوم الثانية وتهينها في بيتها ..
ــ برايج ...

((خالد ..ما أقدر أشوفه ..أحس بجبل ثقيل على صدري ..))
رجعت بذاكرتها ليوم عرس صالحة من عشر سنوات ..لما صار اللي صار ....لكن ..
قمر ــ عمتي ...اليوم انتي كله سرحانه ..عندنا اربع ساعات نساعد فيها عبير ..لان لازم ندرس في الليل ..

*

ــ مع السلامة ..
شيماء ــ مع السلامة ...
طلع خالد سلم الطيارة وهو محتار ..طبعا بعد ساعة وشي بيرجع لبيت أهله اللي ماشافهم من أربع سنوات ...بس شلون استقبالهم بيكون له؟؟ بيفرحون بشهادته وانه دكتور وكل هذا بس في قلبه حسره بسبب الموقف اللي صار من اربع سنوات له ..بينسون الموقف ولا بيحاسبونه؟
في الطياره حاول انه يقطع الوقت بالقراءة ..لكنه مل ... طل من الدريشه وغابت أفكاره ....تذكر الموقف السخيف اياه ..مايدري وين كان مخه لما خذ شيماء بيت أهله في أول اجازة ..مايقدر ينسى النظرة اللي ارتسمت على وجوه اهله كأنها خيبة امل ..شيماء لقيطة ..عاشت طول عمرها في ملجأ ..ولما خلصت الثانوية التحقت مثله بجامعة الاردن يدرسون الطب البشري ,,تولع في شيماء وايد ..لدرجة انه خذها لبيت اهله ..طبعا بيت اهله ناس محافظين شيكون شعورهم لمايدخل عليهم ابنهم مع رفيجته؟؟؟
****

((الهموم مالها آخر ..واذا ظل الواحد يفكر فيها بيشيب راسه ..خلينا انسى واستانس بوقتي أحسن لي ..))




قمر ــ عبير لحقي على الكيك كلته العنود ...
عبير ــ عنوووووود ..
العنود ــ شسوي ..مشتهية آكل كيك ..
عبير ــ متى بترجعين بيت ريلج؟؟ لاعت جبدي ماصارت نساة ..
العنود ــ جب جب ..هذي اول مرة أحمل ,,ولازم تقومين فيني ..
عبير ــ انا وراي عرس بعد ست شهور ماني فاضيه لدلعج ....
قمر ــ هو بيرجع بعد ست شهور؟
عبير ــ عنده دورة في الصين.. والله يستر .اذا مالف على وحده ,,
قمر ــ لا شكله ابن ناس ..
عبير ــ شفيها عمتج؟
قمر ــ اليوم امي قالت لها كلام مافهمته بس هي ازعلت ...
عبير ــ شكلامه؟
قمر ــ ما ادري ..مثل ما أذكره ..

***


ــ تاكسي ,,

(( الدوحة تغيرت وايد عن قبل ..اربع سنوات غربة ..بيتفاجأوون فيني لاني قلت لهم اني بوصل بكره ....كلها نص ساعة ..وينتهي هالقلق اللي أمر فيه ))

***



عبير ــــ في ايش سرحانة؟
دانة ــ ولا شي ..
عبير ــ شقالت لج ام قمر اليوم علشان تختبصين جي ؟
دانة ــ ولا شي ..
قمر الهبلة ...أكيدقالت لعبير شي ..

عبير ــ ماقلتي لي لقيتي مدرس انجليزي؟
دانة ــ لاء ..خاص مالقيت واحد زين بس في المعاهد في حصص .وأنا ما أبي حصص لان الي مافهمته شي معقد شوي ..
عبير ـــ لا يا خالد أخليه يدرسج انتي وقمر وبدور ..
دانة ــ كم مرة قلت لج اني ما اطيق اخوج هذا ؟؟.
عبير ــ اسكتي ..امي من درت انه بيي ..حبست عمرها في الغرفة ..بعد سواد الويهه اللي سواه مو عارفين شلون بنقابله ..
دانه ــ عادي كأن ماشي صاير ..
عبير ــ عاد انتي من متى ماشفتيه؟؟
دانه ــ من عشر سنوات لما يا آخر مرة لمي في المستشفى ..الله يرحمها ..اذكر ضربني على راسي وصرخت مخترعة فضربني مرة ثانية فتميت أصيح ...أكرهه الحمار ,..\
عبير ــ حمار ريلج ,,,اتركي اخوي في حاله ..وأخيرا بكره بيي ..قلبي عاد يدق بقوة من زمان ماشفته ..الباب يطق اروح أشوفه ..

ارجعت دانة لهمومها .. الانجليزي ..الفصل الاول يابت كل الدرجات شبه كامله ماعدا لاانجليزي بينها وبين الرسوب نص درجة..
نايف قال بيدور لها على مدرس ..بس الحين موسم الامتحانات بدى ..والثانوية محد بيكون متفرغ ..
****
ربكة غريبة في الصالة ..
ليش ماينفتح الباب؟
فتحت عبير الباب ..عرفها عبير ..بطلت حلجها شكبر حس انها بتبلعه ..
ــ مابتدخليني البيت؟؟
عبير ــ خالد؟؟ ييت ..يماااااااااااااااااااه الحقي خالد يا ..
**
قمر ــ دانة شالربكة اللي في البيت ؟؟
دانة ــ مدري ..
قمر ــ اطلعي شوفي ,,أنا براقب الفرن ..
دانة ــ مالي خلق ...روحي انتي ..
دخلت العنود وبطنها العود يسبقها ..
ــ اخوي خالد يا .
رفعت حواجبها قمر دهشة ودانة حاست بوزها معصبة ..
طلعوا اثنينهم للصالة ..
****
شالجمال اللي يشوفه ولقف جدام عيونه؟؟ اول مرة يشوف وحده بهالجمال ..من هذي ام العيون الناعسه والشعر الحرير اللي نازل على جبهتها ..خدودها التفاح ذاته ..قمر ..قمر ..مستحيل تكون اخته بشاير ولا اخته صالحه اللي هم في السعودية ؟؟...هذي لعنود وهذي عبير ...من هذي؟؟
سمع شهقة من وراه ..كانت امه ..بسرعه باس راسها وضمها لحضنه ..وامه ما مسكت نفسها من الفرح الزغاريد شغالة ...ابنها الدكتور رجع أخييرا ..
***
عيونه تروح وتجي على للي لفتت نظره ...
عبير ــ أخوي ..هذي بنت ابن عمتك ..قمر الزمان ..
خالد ــ قمر ؟؟ ...سبحان الله اسم على مسمى ..
قمر ؟؟ وهي قمر .. قمر حست بنظراته فاستحت ..خالد كان وسيم ,,,رزه ..طويييييييييل ...وعيونه كبيره وحلوة ..

عبير ــ وهذي طبعا مانسيتها دانة ..
التفت خالد لدانة في نفس اللحظة التفتت له ..
خالد شاف وحده يكرهها ما يقدر يطل في ويهها ..

دانة شافت واحد خايس متأكده أنها تكررهه وايد . نذل ..مدت بوزها ا ..وبنفس خايسه ــ مبروك الشهاده ,,

خالد بطريقة مستفزة ــ أكيد مبروك لي... حاصل لج تصيرين دكتورة ..
دانة ــ مستغنية عن وجع الراس ..
دخلت المطبخ معصبة ..ودخلت قمر وراها ..
دانة ــ دخلي شعرج كله طالع ..
قمر ــ هذا ياعمتي اللي كنت تسبينه طول الوقت؟؟ حرام عليج يهبل ..يينن ...ماقدرت على نظرة منه ...
(( دانة حست انه ماتطيق تسمع عنه شي وخصوصا المديح )
دانة ــ قمور جب ...راسي يعورني ..هذي آخر كيكة ونرجع البيت عندي امتحانات لازم نخلصها ..
قمر ـ ياعمتي ,,,علشاني خلينا نيلس ساعة وحده بس لين يي خالج ..
دانة ــ خالي موموجود ..مابيرجع لين المغرب ..
قمر ــ يا عمتي ..شوي بس شوي ..
دانة ــ اوكي اخلص هالكيكة ,, واروح اتمدد في غرفة عبير ...صحيني بعد ساعة ..
قمر ــ من عيوني ..
***
خالد كل قلبه وفكره مع قمر ..واو ..عجيبة ..جمال رباني خارق ..والجسم ولا منيكان ..

**
فتحت عيونها بثقل ..حست ان الغرفة غريبة عليها ... لحظات تذكرت انها في بيت خالها ..لكن ..مافي ضو نهار في الغرفة ..


الساعة كانت ثمان ونص ..

نزلت تحت وتفآجأت بالكل في جلسه سمر ..وبينهم قمر ..
غمزت لها علشان يروحون ...
***
في السيارة ..
ــ انتي ماقلتي لي انج تبي ترجعين تدرسين؟؟ وأنا وصيتج تصحيني بعد ساعه ..أشوفج نسيتيني ثلاث ساعات نايمة ..
قمر ــ عمتي ,,,يا خال ابوي ولزم علي أتعشى .. وبعدين راح الصلاة لو يدري انا ماتعشينا بيزعل ..
دانة ــ الحين شقول لامج لادرت ان خالد رجع؟؟
قمر ــ آآآآآآآآآآه ..خالد ..
دانة ــ شفيج مسبلة عيونج؟؟
قمر ــ يهبل ..يهبل ..أأ÷ ي عمتي ..من كلامج كرهته صج ...لكن اليوم ..غييير ..
دانة ـ ماشاءالله وحكمج هذا استنتجتيه في هالثلاث ساعات اللي قعدتيهم معاه؟؟
قمر ـــ عمتي ..انسان مثقف مهذب وسيم ...
دانة ــ الحمدالله والشكر ...والله مافيه ولا شي من هالقلتيه ..انسان نذل واطي ..ماتعرفين شسوى قبل ..
قمر ــ شسوى؟؟
دانة ــ ماني متكلمة على الريال ..يمكن تغير ..ويمكن الله يكتبه من نصيبج ..ماني قايله ..
قمر ــ ياعمتي فديتج .قولي ياعمتي ...
وتمت تحن لين ارضخت دانة ..

***
نزلت من السيارة وهي منصدمة ...
دانة ندمت انها قالت لها ..
قمر ــ عمتي علشان جي كرهتيه كل هالمدة؟؟
دانة ــ اييه ..بس انتي مالج علاقة في الموضووع ,..هالموضوع صار من زمان أكثر من عشر سنوات ..
قمر ــ بس يا عمتي ..ليش كنتوا تطاققون دايما؟؟ قبل اللي صار ؟
دانة ــ مرة صدته يغازل سحر رفيجة نوير وقلت لخالي ....
قمر ـ هو يكرهج لهالسبب ؟؟؟؟
دانة ــ لا ...هو يكرهني علشان العواقب اللي يات على راسه بعد هالسبب ...مسكين أكل طق وبهدلة ...وفوق هذا خالي حبسه في البيت شهر كامل ومدري شسوى بعد ..

قمر ــواللي صار من عشر سنوات ..لين الحين انتي حاقده عليه مع اني ماظن انه طق وايد .....
دانة ــ هو كسر يدي من الطق ..ولما شافته امي ياتها نوبة قلبية من الخرعة علي ...صراحة ..هو ما غلط بحق امي ...أمي قلبها تعبان ..وماتتحمل ...الله يرحمها ..
قمر ــ الله يرحمها يدتي ...أنا لو مكانج كان ذبحته ..بس يدتي ماماتت الله ستر ..وعاشت بعدها كم سنه ..الله لطف فيه ولا الحين كان الكل يلومه ..
دانة ــ ومن قال لج اني مالومه؟؟ النوبة اللي تعرضت لها امي كان لها مضاعفات ..لولا هالنوبة كان امي معانا الحين ..
قمر ــ عمتي ..ماعرفت لج ساعة تلومينه وساعه لا ...بعدين هذا عمرها ومكتوب لها ..ومحد يقدر يغير اللي صار ..
دانة ــ اسكتي خلاص ...خلينا نتصرف عادي وبعدين نخلص كلامنا ..
قمر ــ عمتي ..أعتقد اني أحب ....خلاص ..أنا متأكده ..
دانة ــ لا تستعجلين ..لاحقة على كل شي ..

لا يستعجل ..مو حلوة ينكب على البنت مرة وحده ..خله ثقيل شوي ..هي لولا عمتها ...كان آخذ راحته معاها ..تمدد على السرير ...ونام ....
***
الدانة في اسوأ حالاتها ..منيرة نازله فيها شتايم وسب ..ونايف مو موجود علشان يسكت منيرة ..
منيرة ــ أنا بنتي ثانوية وعندها دراسة مب شغالتج تآخذينها تخدم بيت خالج ...أنا أتحملتج وايد ..كافي انج مأثرة على بناتي وكله يعصوني ....
على هالمنوال استلمت منيرة الدانة ..
الدانة ــ أنا بريحج مني ..وبروح بيت أخوي ناصر ..
ركضت الدانة لغرفتها وطلعت شنطة حطت فيها كل أغراضها.
قمر ــ أرجوج عمتي لاتزعلين ..لا تتركينا ..
بدر ــ عمتي لا تروحين ...لولاج كان حنا طفشنا من زمان ...أرجوج عمتي انتي ونستنا في البيت ..
الدانة ــ مليت ..أنتوا تبوني علشان أونسكم ..لكن أنا شاللي يحدني على كلام امكم لالي يسم البدن .. أنتوا الحين ماتبوني أظل إلا علشان وناستكم؟؟ كله انتوا تبون تبون ..ولا قد مرة قلتوا عمتي شاللي أفضل لها ..
شلت شنطتها واطلعت من البيت ..
ــ راجو خذني الوكرة ..
راجو ــ زين ماما ..
(راجو سواق ام الدانة ..وماقدرت الدانة تطرده ..فطلبت من ناصر انه يخليه )
قمر ــ عمتي الوكرة بعيده والساعة الحين تسع ..وين رايحه كل هالطريق ..والمدرسة؟
الدانة احتارت ..ــ وين أروح ؟ وين أروح ؟؟
قمر ــ روحي بيت خالج ..أقرب للمدرسة ولبييتنا ..
الدانة طالعت قمر نظرة احتقار ــ تبين تستغليني علشان تشوفينه؟؟
قمر ــ لا والله عمتي ..لاء ...
الدانة ــ أنا رايحة بيت خالي ..بس بعدين بروح الوكرة ...
قمر ــ كلها شهر ونخلص المدرسة ..ومنها خالد يدرسج انكليزي ..
الدانة ــ مع السلامة ..

طبعا ...كان أسوأ شعور مرت فيه الدانة ...مالها ويهه تتكلم وتقول اللي صار ..
أبو خالد ــ الدانة ؟؟ شييايبج هالحزة يابنتي؟؟
الدانة ــ قوة خالي ..بتخليني واقفة عند الباب؟؟
أبو خالد ـ البيت بيتج ..تعالي ..

***

يتبع............





_________

ـــ خالي أنا قلت أيي أدرس هنا لان البنات مثلي ثانوية بس هم قسم علمي وأنا أدبي ...وأنا أبي عبير تساعدني في الانجليزي ..اذا ماعندك مانع ...
ابو خالد ـ أنتي بنت الغاليين أمانع بوجودج في بيتي؟؟ البيت بيتج ..خذي راحتج ....
حست براحة ...لكنها تذكرت أن خالد موجود ...بتتحاشاه ..وبتظل في غرفة العنود طول الوقت ..


دخلت الغرفة ودموعها اللي كبتتها طلعت .. حست أن مالها حظ أبد ...قدرها أنها تشقى ... وتتشحطط ...

طلعت ورقة وكتبت عليها شعورها ...

(( لاتظلميني يالدنيا .ولاتعذبيني .أمي يابتني بالصدفة ...
ولا تحكمين علي بالشقى .ترى النور في حياتي يطفى ...
اتمنى ان الحظ يمشي معاي ..ونية الناس لي تصفى ...
وتصطلح أموري ..والجروح اللي في قلبي تشفى ...))


(( أهم شي ..أحبس نفسي في هالغرفة ,,ولا أحسس حد أني موجودة ..لا أحتك بخالد ..ألتزم دراستي ,,,,وبس !))




**
ــ صباح الخير ,,
خالد ــ صباح النور ..
عبير ــ بتروح للمستشفى من اليوم؟؟
خالد ــ لازم أشوف تعييني ...جهزتي لي ريوق؟؟
عبير ــ الحق عليه لاتخلصه العنود ..صايرة ديناصور ..
ابتسم خالد ..ونزل تحت ..
ــ صباح الخير ..
العنود ـ هلا خلود ..صباح النور بدكتورنا .. اقلط حياك ..
خالد ــ وين عبير؟؟
العنود ــ راحت تصحي دندون ..
خالد ــ دانة؟؟ بنت عمتي؟؟
العنود ــ اييه ...
خالد ــ قطيعه ..وهذي شتسوي هنا؟؟
العنود ــ بتم شهر على قلوبكم ..الله يعينكم ..
خالد ــ الله يجيبك يا طولة البال ..شهر؟؟
العنود ــ ثانوية ..ما بتشوفها وايد .. تراني اليوم انشاءالله بعد الدوام ما بيي البيت ..برجع بيت ريلي ..
خالد ــ كيفج ..
العنود ــ بعد ماخذت غرفتي ما لي خاطر أيلس هني...
خالد ــ أنا ماطيق هالبنت دقيقة ..شلون بتحملها شهر؟
العنود ــ ما أدري .يلا باي الحين .. أسمع صوت سيارة ...أكييد ريلي ..

**



ابتسمت دانة بانكسار ..
ــ صدقيني ماني يوعانة ..وأنا هني أدرس ما ييت علشان أزعجكم ..فانسي اني موجودة ..واذا يعت بخدم نفسي بنفسي ..
عبير ــ دانة ..يلا اهون عليج اتعب في تجهيز الريوق وماتتريقين؟؟
دانة ــ الدريول تحت جاهز ..بروح الحين ..وخشي لي الريوق اذا رجعت بآكل ..لاتخافين ..
تهربت دانة من عبير وتحججت بلبس ملابسها ..

***
العنود ــ هذا دريول بنت عمتك ..مب ريلي ..
خالد ــ كملي ريوقج ...أحسن لج ..متى موعد الولادة؟؟
العنود ــ بعد ثلاث شهور ..انشاءالله ..

نزلت دانة من فوق وحطت غشوتها على ويهها ..
العنود ــ مابتتريقين؟؟
دانة ــ صباح الخير ..أنا مستعيله ..

وأول ما تأكدت أنها طلعت من الباب ..
العنود ــ زين ذكرت تصبح علينا ..
خالد ــ بس مالاحظتي ان محد رد عليها؟؟
عبير ــ مالكم شغل في دانة ..أرجوكم إذا لي خاطر عندكم لاتحسسونها انها غريبة ..
خالد ــ وهي شتسوي هنا ؟؟
عبير ــ شكلها متخانقة مع مرت أخوها ..بس ما ترضى تقولي ...متحججة انها ياية تدرس بهدوء ..
خالد ــ المهم بعد شهر لايكون أشوف ويهها هنا ..
عبير ــ خالد أنت للحينك؟؟
خالد ــ للحين ولبكرة ولبعد سنة ...هالبنت حاولي قد ماتقدرين تطفشينها من هنا ..
عبير ــ هذا وأنا ناوية أطلب منك تدرسها!!
خالد ـ هالبنت لاشفت ويهها أنغث ..تبيني أجابلها ساعتين ولا ثلاث ؟ آسف ماعندي وقت ..
عبير ــ مالكم شغل فيها ...ولا حد يضايقها ..اذا لي عندكم خاطر ...
*****
دخت المدرسة وهي تحاول تبتسم ...
ليلى ــ صباح الخير الدانة ..
دانة ــ صباح النور ..
ليلى ــ وين قمور وبدور ..
دانة ـــ بيتأخرون شوي ..جهزتي لي أوراق الانجليزي؟؟
ليلى ــ جهزتهم لج .. ..بعطيج اياهم بعدين ..
دانة ــ فديتج تسلمين لي ..
ليلى ــ ماسويت شي وانتي تستاهلين ..
دانة ــ عاد يبتي كافي؟؟
ليلى ــ يبت مارس وجلكسي و سنيكرز ...
دانة ــ أنا يبت البرينجلز ...الهوت والسولت والاونيون ..مثل ماطلبتوا ..
ليلى ــ وريموه يابت الميرندا والشاني .. ...ومثل ما اتفقنا قمور بتييب الحب والمكسرات ..سناء المصاص والعلوك ..
دانة ــ اوكي ...في الفرصه نلتقي؟؟
ليلى ــ أكييد ..في الصف القديم ....أوكي؟؟
***

كان الضحك على أقفى من يشيل ..والجلسة كانت روعة ...
سناء ــ عاد بنكرر هالحفلة ..لازم .
ليلى ــ بس المرة الياية مع ميوزك وراب ..
قمر ــ من قال لكم مافي ميوزك وراب ؟؟ شتبون ايمنيم؟؟ لوز يور سيلف ان ميوزك؟؟
سناء ــ عندج سوري ماما؟؟
قمر ــ لا والله . ...بس ..في بيونسيه نايتي قيرل!! وفي بريتني سبيرز اي لوف روك أند رول ..
ريم ــ حطي بريتني ام نوت أقيرل ..
دانة ــ حرام عليكم شتخربطون ما أفهم شتقولون ..لاتحطون شي ما افهمه ..
سناء ــ هالغنية كلنا مانفهمها ...خلي نرقص علبيها .

الدانة ــ انا رايحة البيت ..
ليلى ــ مايصيير تروحين انت وقمر ..
الدانة ـ قمر مابتروح ..بروح بروحي .,,باي ..
الدانة حست انها مزيفة ..تكابر وتضحك بدون صدق ....بس هي محتاجة اشياء ووايد ... طلعت من المدرسة مختبصة ..
(( شفكر فيه ؟؟ أنا هبله؟ وين أروح بيت ناصر ؟ ؟؟ أنا نعسانه ..مو من النوع اللي يتأقلم في مكان غريب ..ماقدرت انام أمس ..وماراح أنام طول الايام اللي يايه ...))
حست بقهر وانزلت دمعة من عيونها ..

ــ اووه اوراق الانجليزي نسيت اعطيج اياهم ..دانة؟؟ ليش تصيحين؟؟
ــ ليلى ..مشكورة ..
ليلى ــ دانه ..ليش دموعج ..ارجوج دانة انت غالية علي ..قولي لي اللي في قلبج ..
دانة ــ مافي شي ..
ليلى ــ دانة ..من ييتي الصبح وانتي مو على بعضج ..شصاير؟؟
دانة ــ رهبة من الامتحانات ...وعقدتي من الانكليزي ..
ليلى ــ لا ..ما أصدق أنتي بحياتج مااهتميتي لهالاشياء ..
دانة ــ قبل غير والحين غيير ...نلتقي بكره؟؟
ليلى ــ تذكري ..أنا موجودة دايم ...اذا حبيتي تفضفضين لي ..
دانة ــ الله يخليج لي ... ولا يحوجني لغيرج ..عن اذنج ..السايق ناطرني ..
****
عند الباب كان موجود ..ترددت الدانة ...وقالت انها مابتدخل قبله ..
***
تنهد بعصبية ..
(( مالي خلق اتواجهه معاها ..هالبنت أتشائم منها ..خليها تدخل أول ))

بعد ربع ساعة ..

(( خليني أدخل اول دامها مانزلت من السيارة ))

(( خليني أنزل تنقعت هنا والسبة هالمغرور ...))

*
وتصادموا ..لفت دانة إلا كتف خالد ملتصق في كتفها ..كانت تتحاشى تطالع له وهو نفس الشي .. واللي صار انه هو هي تصادموا ..


محد اعتذر ومحد تنحى ..وكملوا طريجهم عناد في بعض ..
اركبت للغرفة وهو راح للمطبخ ..
***

ــ بنتلاقى في الصف القديم ..
صكت التلفون ...وابتسمت ..
عبير ــ ماتغديت ولاتريقتي ,,الحين ماتبين تتعشين؟
دانة ــ قلت لج .. لا يعت بخدم نفسي بنفسي ..والان الحين طلبت من ليلى تطلب لي من مكدونالدز وحسبت حسابج في ووجبه ..وبأي لحظة دريولها بيوصلها لنا ..
عبير ــ ليش الاكل من برا ؟؟ وأنا أطبخ زيين ؟؟
دانة ــ يلا بلا تغلي علي ..قلت لج اني في بيتي بآخذ راحتي ...وما أبيج تزعجين نفسج بخدمتي ..
**

حاس بوزه وهو متردد ..

عبير ــ شعندك ؟؟
خالد ـ هذي قمر كم عمرها؟؟
عبير ــ كبر عمتها ..سبعطعش ...
خالد ــ مخطوبة ؟؟
عبير ــ لا ..هنا السالفة شكلها جد ...انت من صجك؟؟
خالد ــ عيل أمزح معاج؟؟ من صجي البنت فلقة قمر ..ما أبيها تطيير من يدي ..
عبير ــ كيفك ...اللي سمعته انه محد خطبها لين الحين ..بس امها متشددة معاها وايد ...هي واختها ..
خالد ــ وهذا هو المطلوب ..وين امي خليني أكلمها ..
عبير ــ في غرفتها ..بس أفضل ماتكلمها اليوم ..
خالد ــ ليش؟؟
عبير ــ استقر أول في شغلك ..داوم فيه ..وبعدين افتح موضوع الزواج ..
خالد ــ رايج وايد في محله ...باي ..
عبير ــ مع السلامة ..

**
ام خالد ــ دانة ..دانة ..
دانة ــ هلا خالتي ..
ام خالد ــ اخوج نايف على التلفون ..
(( هذا نايف ...شقول له الحين لاطلب مني أرجع؟؟ ))
دانة ــ الو ..السلام .
نايف ــ وعليكم السلام ..شلون تطلعين من البيت بدون ماتقولين؟؟
دانة ــ نايف لا تصارخ علي .. أبي مكان أدرس فيه بروحي ..
نايف ـ تروحين تضقين على الناس في بيتها .؟ وشلون تعيشين في مكان فيه ريال غريب .
دانة ــ اي ريال؟
نايف ــ خالد ..
دانة ــ أرجوك عاد هذا ريال؟؟ وينه وين الرياييل ..هذا بزر ..ياهل ..
نايف ــ استحي على ويهج في بيت الريال وتتكلمين عنه جي ؟؟
دانة ــ خلاص نايف فكني من ويع الراس هذا ..
نايف ــ تعالي ردي البيت ..
دانة ــ نايف ..أنا كنت بروح بيت ناصر ولا بيت ثامر ...بس انا عندي امتحانات وهم ساكنين بعيد ماني قادرة على الطريق ..
نايف ــ ردي بيتي ..
دانة ــ نايف ..أنا انهنت في بيتك ...ومرتك ماتبيني .. عندي امتحانات ومالي خلق لعزار الراس أبي أركز ..ولاتخاف علي في بيت خالي أنا هنا في غرفة العنود طول الوقت وصدقني مافي أي احتكاك بيني وبين خالد ..
نايف ــ مالج شغل في منيرة ..وان قالت لج كلمة بعد اليوم مابيصير طيب لها ..ويلا بلا ثقالة دم وارجعي البيت .
دانة ـــ نايف ,,آسفة ..ماني راجعة ..سو اللي اللي تبي ..ماني راجعة ..مع السلامة ..
صكت التلفون في ويهه أخوها وهي تأفف ..

ــ أنا بزر!!!!

عضت دانة على شفايفها ...هالصوت تعرفه ..خالد!!!!
**
خالد كان ماسك أعصابه بالغصب وهو يسمع الدانة شلون تتكلم عنه ...بزر؟؟ ياهل ؟؟؟

خالد ــ ريال عمري خمس وعشرين سنه داخل على الست وعشرين تقولين عني بزر؟ متخرج من كلية الطب في جامعة الأردن بتقدير جيد ..وتقولين عني بزر!!!


الدانة اسكتت .
خالد ــ ماتتكلمين آنسة دانة ..اشوفج انخرستي؟؟
الدانة ــ اييه ...بزر ...عندك اعتراض؟؟ شتبي تسوي تضربني؟؟ تطقني؟؟ ..جرب ...جرب وتشوف من هي الدانة حسن ...

خالد للحظة كان بينسى نفسه ويضربها ...بس مسك نفسه ..كانت ومازالت انسانة قليلة أدب لسانها طويل ..
خالد ــ الدانة حسن ..مشتطة وايد بنفسج ...ماألومج ..عليج لسان ماشفت أطول منه ..
انسحبت الدانة للغرفة ...وهي معصبة..بس شسوت؟؟ مو عدل تسب الريال في بيته ...وبعدين معاه حق ؟؟؟واحد بمكانه ماينقال له بزر ..بس شتسوي ؟؟ تكرهه من كان صغيير ..وللحين مشاعر الكره في قلبها تجاهه ..

**
أما خالد ..فحط نية سودا لدانة ...بس تذكر كلامها ..أنها ثانوية وان زوجة اخوها اهانتها .. فسكت ..وماقال شي ..والا كان شرشحها ...
**
بعد اسبوع من هالموقف ...
قمر ــ قولي لي ...شلونه خالد؟؟
دانة ــ ما أدري .أنا أحبس نفسي في الغرفة طول اليوم وما أطلع إلا في الفير ...أكل وأصلي وأرجع أنام ...
قمر ــ أمانه ..ماسأل عني ؟؟
دانة ــ وأنا شدراني ماسمعتيني من قبل شوي؟؟ أقولج ما أشوفه..
قمر ــ عاد هالاسبوع بنغيب ..ما أدري شلون بتبدرين حالج هناك ..
دانة ــ ماعليج مني ... المهم انتي وبدرو ادرسوا ..
قمر ــ بزورج ..
دانة ــ كيفج ..ادري انج مو ميته علي ..بس تعالي الساعة ثمان يكون توه راجع من المستشفى ..
قمر ــ الساعة ثمان؟؟ شيطلعني من البيت؟؟
دانة ــ مابيكون موجود قبل هالوقت ..عبير قالت لي ..

تدخلت ليلى ـ ها دانة من هذا اللي تتكلمين عنه ؟؟ عامر؟؟
قمر ــ لا ..خالد ..ابن خال عمتي ..
ليلى ــ اييهع وهالعامر من خطبج مارد؟؟
دانة ــ لا ..مارد ..أحسن ..قت لكم أكبر مني بوايد ..وكانت أختي نوير زوجته ...ما أقدر أحل مكانها ..
ليلى ــ زين ماعنده عيال ولا بنات ..
دانة ــ عنده ولد ...بس تربيه امه...
ليلى ــ ربيه انتي .ابن اختج ...
دانة ــ حرام عليج ..عمري سبعطعش سنه ..وهو عمره اربع وثلاثين ...كبير وايد ..وولد اختي مب صغيير ...عمره خمس سنوات ..
قمر ــ الله يرحمها عمتي نوير ...
ليلى ــ زين وشقصة خالد ..
قمر ــ هذا ابن خال دانة ..دانة تكرهه ...مع انه مافيه شي ينكره ..
دانة ــ قصدج مافييه شي ينحب ..
ليلى ـ شكل قمور هي اللي ذايبة ..
دانة ــ عليج نور ..يلا الحين بروح مع السلامة ززأشوفكم أول أيام الامتحانات ..
ليلى ــ قمور منتي رايحة قبل لاتقولين لي كل شي ..
قمر ــ وهل أجرؤ؟؟
ليلى ــ أحلى عربي !!
**

فكر خالد ..وقرر انه يفاتح أمه بموضوع الزواج ...
طق الباب ..
ام خالد ــ مفتوح ..
دخل خالد ..
ــ عالقوة يمه ..
ام خالد ــ الله يقويك ..ادخل ...

****

دخلت دانة البيت واستغربت ان خالد موجود ..طلعت لغرفة خالتها تسلم عليها قبل لاتدخل الغرفة ...

لكنها اسمعت الكلام ..

ام خالد ــ انت شتخرف ..وبنت عمتك؟؟
خالد ــ بنت عمتي؟؟ أنا أقولج أبي بنت ابن عمتي ..شدخل هذي في الموضوع!!
ام خالد ــ يا وليدي بنت عمتك موجودة تآخذ وحده عيال عمها رايدينها؟؟
خالد ــ أنا سألت عبير قالت محد خطبها !
ام خالد ــ يمه ابن عمتك حاط عليك الامل انك تآخذها! رفض وايد بس علشانك ... والبنت اللي تبيها عيال عمها يبونها ..هي وختها ..عيال ناصر يبونها ...
خالد ــ بس يمه ..أنا أبيها ..البنت عجبتني ..
ام خالد ــ الدانة لك ..وهالشي انتهينا منه من زمان ..
خالد ــ مب بكيفكم ..الدانة ما أبيها ..ولا أطيق أشوف ويهها .. تبيني اتزوجها ؟؟؟
ام خالد ــ أحلى من بنت اخوها ...شتبي بعد؟؟ وأخلاقها احسن ..
خالد ــ ما أبيها قليلة أدب ولسانها طويل ...
ام خالد ــ ياكبرها عند الله ...دوينه؟؟ والله ففي حياتها ماغلطت على حد ..بنت محترمة وأنا اللي ربيتها!!
خالد ــ يمه أنا خابزها وعاجنها هالبنت ما أبيها ..بروح الحين المستشفى ..دبريني وفكيني منها ..
دانة في هاللحظة ارتبكت وركضت للغرفة وصكت الباب على نفسها ...ما انتبهت ان شيلتها طاحت جدام باب غرفة ام خالد ...
طلع خالد وتعثر فيها ...رفعها واستغرب ..حطها على جنب وكمل طريقه ...

****
الدانة ماقدرت تنام ولا تدرس ..ولا تشتهي تآكل ..لفت نفسها في اللحاف ولا قامت ..عبير طول اليوم كانت في السوق . وام خالد ..مرت عليها بس تظاهرت انها نايمة .

...........
الساعة ثلاث ونص الفير ..طلعت دانة من الغرفة ..وشافت شيلتها ...خذتها ونزلت المطبخ ..تشرب قلاس حليب ....
وهي تراقب الحليب لايغلي ..سمعت صوت وراها ..كان خالد ..
البست شيلتها بسرعة ..
كان شايل بيده أغراضه .وغترته ...وعلى ملابسه بقع دم .اخترعت دانة ..
خالد لما شاف ويهها ..ابتسم وقال ..
ـــ آثار الشغل ..توني طلعت من المستشفى .. ..كان في حادث ..
دانة ــ أحط لك كاسة حليب؟
خالد ــ ياليت ...
انتبه خالد للشيله اللي كانت لابستها ..كان فيها خطوط زرقا ..فاستنتج انها هي نفسها اللي كانت جدام غرفة أمه ..
حاول انه يغطي الدم اللي على ثيابه علشان ما تلوع جبد الدانة ..
الدانة ـ خالد ..
خالد ــ لبيه ..
الدانة ــ اوعدني وعد ..
خالد ــ وعد؟؟
الدانه ــ اييه ...
خالد ــ اذا اقدر عليه ..
الدانة ــ خالد اوعدني انك ماتتزوجني ...أنا ما أبيك ..ولاقادرة أتخيلك زوج لي!!!!!!!!

((( بس ؟؟ ماطلبتي شي ...من عيوني ..لاني أبادلج نفس الشعور !!!!)))



كانت أمنية دانة أن خالد ينطق بهالجملة ..وأمنية خالد بعد ...بس للأسف ..الأمنية ماتحققت لأي منهم ..

خالد...... كلام دانة كان وقح معاه ...شلون تتكلم بهالطريقة عنه؟؟ ما أبيك؟؟ مو قادرة أتخيلك زوج!!! ششايفته علشان تتكلم معاه بهالطريقة ؟؟ سواقهم ولا الصبي ؟؟

أما دانة فغمضت عيونها ناطرة الوعد ...

خالد ما علق ..خذا كوب الحليب اللي حطته قدامه وطلع من المطبخ ...سمعت دانه خطواته ..وانصدمت ..توقعته يقول لها اي شي ..يوعدها ..وهي كلمته بطريقة استفزازية علشان يرد بعصبية انه مايبيها ..ليكون زعل؟؟ يمكن أن يكون خالد رجل حساس؟؟ خليني أخذ منه الوعد ..هذا هو المهم ...

خذت كوب الحليب مالها ...ولحقته ..
ــ خالد ..خالد ..
كان على الدري ..وقف ..صعدت دانة علشان ماتصرخ ..
دانة ــ خالد ..لا تآخذ كلامي على انه اهانة ..أنا كان قصدي انك مثل أخوي ..وما أشيل بقلبي أي مشاعر تجاهك تنجح هالزواج ..
خالد ــ وانتي ليش واثقة اني بتزوجج؟؟
دانة ــ أنا أعرف ..وبس ..وأنت مو مثلي تنغصب على هالزواج ..
خالد ــ نعم؟؟ .تعرفين وبس ؟؟ ؟؟ دانة أنا ما أقدر أوعدج بشي ...بس أنا واثق من شي واحد ...أني أكره فكرة أنج تكونين زوجتي ..
انصدمت دانة ..الاشمئزاز اللي على ويهه ...والتحقير اللي مغلف كلماته وصل لها ..حست باهانة ..راحت غرفتها بهدوء ..رجعت للسرير ..وتمت لين الصبح والارق رفيجها ...

أما بالنسبة لخالد ...حط راسه ونام ...ولا فكر في الموضوع أبد ..

*******************

يتبع.............................................. .......



_________

حلقة________ 4

ابتدا مارثون الامتحانات ...ودانة مرتبكة وايد ..عبير قد ماتقدر تساعدها ..كان محد يشوف دانة في البيت ..كانت كله حابسه عمرها في الغرفة تدرس .
بالنسبة لخالد ..كان مركز بشغله ...(محد كان يحبه في القسم اللي يشتغل فيه ..لانه كان وايد جاف معاهم ولا يعرف شي اسمه دبلوماسيه ولاشي اسمه مجاملات ...كان انسان صريح جدا لدرجة السخرية ..عنده كل شي جد ..مافي شي اسمه هزل أو وقت راحة ..فالكل يتحاشاه )..

الممرضة ــ دكتور حالة تسمم ...
خالد ــ مرريها بدكتور بهاء ...خلي يسوي اللازم ..أنا عندي هنا حالة حرجة ...
الممرضة تمت واقفة تراقب خالد وهو يحاول ...
خالد ــ وليش واقفة ؟؟ ماتروحين؟؟ المريض لايموت وانتي اتتفرجين ..

انتهى خالد من الحالة اللي عنده ..وراح لمكتبه ...

شي واحد كان الكل يمدحونه في خالد ...انه رجل يعتمد عليه ..في الاوقات الحرجة ..رغم أن عمر تعامله معاهم ماتعدى الثلاث أسابيع لكنهم اكتشفوا هالميزة فيه ..
وفي المكتب كان موجود ...
فهد ــ قالوا لي أنك رجعت ..لكني ماصدقت ...
خالد ــ فهد؟؟ وينك ياريال؟ ماشفتك من زمان ...
فهد ـــ صار لي ثلاث أسابيع في الدوحة ,,واستخسرت أشيل التلفون أكلم ربعي ..
خالد ــ لا عاد ...بتلومني أنا ؟؟؟ التهاني ملت الجرايد برجوعي ...ماعرفت تتصل تهني؟؟
فهد ــ قول نطرت الاتصال الاول منك ...
خالد ــ شخبارك يا ريال؟؟ شسوت فيك هالدنيا؟؟
فهد ــ رفيجك صار مدير بنك ..وأبو سالم ..
خالد ــ صحيح؟؟ مبرروووك ... وأنت متى عرست؟؟
فهد ــ من سنة ونص ..أحسن من رفيجك مناحي المسكين تزوج من ست سنوات ..أول ماتخرجنا من الثانوية ..
خالد ـــ انت من صجك؟؟
فهد ــ اي والله والحين عنده ماشاءالله أربع أطفال ...

فهد ــ الساعة سبع ..وماخلصت شغلك؟؟
خالد ــ أنا اليوم مستلم الشفت لين الساعة 12 ...لان اثنين من الدكاتره خذوا اجازات اضطرارية ..
فهد ــ لا ...وأنا كنت متأمل بسهره صباحي؟؟؟
خالد ــ ليش زين ام سالم عنك؟؟
فهد ــ اليوم بتبات عند أهلها ..فقلت أسهر معاك ..
خالد ــ أنا من الساعة عشر الصبح وأنا هنا ..ما تزحزحت من المستشفى والمكان الوحيد اللي بروح له بيكون البيت ..بس مشكور على العزيمة ..وانشاءالله قريب ..نتلاقى ..
فهد ــ أنا كنت مار عليك ..آخذك في طريقي ..بس بما أنك مابتطلع من هنا ..بروح بروحي للديوانية ..الربع ناطريني ..ولاتنسى ..مرة ثانية انشاءالله ..
خالد ــ وأنا على الوعد ..
**********

الساعة 1:37دقيقة .. في غرفة الطعام .. الكتب كلها مفروشة جدامها ..
دانة خلاص انهارت ..القواعد هي فاشله فيها امية في المية ..وماتقدر تدرسها ..بكره الامتحان .. ما مسكت دموعها ..لان خلاص النعاس أهلكها .
ومافي وقت ..عندها بس خمس ساعات ..
ــ ليش تصيحين؟؟
عدلت شيلتها ومسحت دموعها ..
ــ مافي شي ..أنت الحين رجعت؟؟
خالد ــ اييه يا زوجة المستقبل !!!
انقبض قلب الدانة ...وحست أنها ماتتتحمل أي شي ...انهارت في الصياح بقوة ..
خالد اخترع ..مفعول كلمة جي خلتها تصيح؟؟
خالد ــ دانة شفيج أنا أتطنز ..
دانة صاحت أكثر وهي منهارة خلاص ..
خالد ــ والله اني أتطنز خصوصا لما سألتيني عن يياتي وروحاتي ..
دانة ــ انت مالك شغل فيني والله ماني ناقصتك فارج عاد ..وراي بكره امتحان ..وماعندي وقت ..
خالد فهم السالفة ..امتحان ..ثانوية ..
خالد ــ امتحان ايش؟؟
دانة ــ انجليزي ..
خالد ــ لهالسبب كنتي تصيحين؟؟
دانة ــ اي ..ولا ..
خالد ــ عجيب هالجواب ..(تذكر أن عبير طلبت مرة منه أن يدرس الدانة بس هو طنش ..حس بالذنب انه ماساعدها إلا في الوقت الضايع ..))
خالد ــ دانة أنتي مادرستي شي؟؟
دانة ــ درست كل الكلمات وتدربت على المواضيع و الريدنغ كل شي .بس في قواعد ما أقدر أفهمها ..ما تدخل مخي ..وبيركزون عليها عاد ..
خالد ـــ وريني يمكن أقدر أساعدج ..
دانة ــ هذي وهذي وهذي ...
خالد ــ سهله ..بشرحها لج ..
دانة ــ لا ...حرام توك رجعت من الدوام ..لا ..أكييد أنت تعبان ..
خالد ــ لاء ...ماني تعبان ..وبعدين مابتاخذ من وقتي شي .. وريني ..


الساعة 3:50
خالد ــ دانة ..دانة ..
دانة ــ ها ..
خالد ــ انتي نمتي مرة ثانية؟؟
دانة ــ ها .؟؟
ضحك خالد ...
دانة ـــ ليش تضحك مع هالويه ؟؟
خالد ــ روحي نامي ..عندج امتحان الصبح ..روحي ..
دانه ــ لا ...ماخلصت ..
خالد ــ روحي يلا .... خلصتي كل شي ..روحي ..
دانة ــ زين ..

راقبها خالد وهي تطلع على الدري ومات من الضحك لانه خذت ربع ساعه يلا وصلت غرفتها ..حس انه مرضرض .. ..ومحتاج ينام ..قام لغرفته ,..وحط راسه ونام ..

*****
الساعة 6:40صباحا ..
عبير ــ دانة ..دانة ..قومي الحقي بتتأخرين عن المدرسة ..
فتحت دانة عيونها بالغصب ..ولا اراديا نطت من على السرير رجعت شعرها الطويل لين نص ظهرها في المشبك الكبير اللي تستعمله والبست بسرعه ومالبست جوتي البست شحاطة البيت والشيلة والعباة وشالت شنطتها الصغيرة ...ونزلت تحت لغرفة الطعام ...لقت كل أوراقها مرتبة والريوق زاهب ..ماكلت شي من الخرعه .. خذت أوراقها وطلعت للسايق اللي كان مجهز السياره ..
دانة ــ راجو ..بسرعه راجو للمدرسه ..
مسكت أوراقها وهي مختبصه ..راجعت أشياء بسيطة ...
راجوــ ماما .وصلنا ..
نزلت بسرعه ..وكانت قمر واقفة عند الباب وهي مختبصه ..
قمر ـــ الحقي دانة ..الحين اوراق الامتحانات تتوزع ..ركض أمانه ..
دانة ــ قمور وأنتي ليش مادخلتي لجنتج؟؟ شخصج فيني ؟؟
قمر ــ أنا استأذنت ..دقيت على جوالج لين عيزت مارديتي كلمت عبير ..اللي كانت نايمه ..اركضي ..


وأخييرا وصلت لللجنه ..دخلت قمر للجنتها ..ودخلت دانة اللجنه مالتها ..

حاولت دانة حل الريدنغ والرايتنق والكلمات ..ولما خلصت راجعت وتأكدت وبعدين طلعت ..

تريقت وهي تبتسم ..طول ماهي تتذكر جلستها مع خالد أمس ..كان زيين وايد معاها لأول مرة ,,,وكان ذكي ..شرح لها كل القواعد مع أمثله بسيطة ..بعدين تعمق فيها بأمثله صعبه .. والحلات الشاذه ..ولما يا عند الاشياء البسيطة قفلت هي و نامت ..

ليلى ــ اللي ماخذ عقلج ..يتهنى به ..
دانه ــ عقلي موجود .محد يتجرأ يآخذه مني ..
ليلى ــ هذا الباين ..وينج اليوم خرعتينا ..قلنا هونت عن الامتحان ..
دانة ــ راحت علي نومه .. كنت أدرس لين الفير ..ونمت ..ومحد في البيت اللي أنا فيه صحى بدري ..
ليلى ــ يعني قمور هي اللي أنقذتج ..
دانه ــ اي والله فديتها بنت أخوي ..قلبها عل عمتها ..مب مثل أختها ..
ليلى ــ بدر البدور؟؟ أول ماخلصت الامتحان اطلعت مع ربيعتها يتريقون بره ..وبعدين بترجع للفتره الثانية ..
دانه ــ لو تدري منور مرت أخوي بتذبحها ,,
ليلى ــ ما سوت شي ..راحت تتريق ..
دانه ــ شيسوى لها لو صار لها شي (اسم الله عليها) وماحضرت الامتحان؟؟ أو يات أمها تسأل عنها؟؟ أنا ما حب منها هالتصرفات ..
ليلى ــ ياحبج حق تغيير المواضيع ..ماعلينا من هاذي بدر ...قولي لي ليش كنت تبتسمين؟
دانه ــ اقولج وماتقولين لقمر؟؟
ليلى ـــ أكيييييد ..شصار؟؟

*************
عبير ــ خالد ..بسك رقاد ..قوم ..
خالد ـ ذلفي عن ويههي ...ماحطيت راسي إلا الفير ..
عبير ــ كيفك ..
خالد وهو يتثاوب ــ دانه راحت امتحانها؟؟
عبير ــ اييه ..وأنت من متى تهتم للدانه ؟؟ حسب معلوماتي انك ماتطيقها؟؟
خالد ماعلق ...وسكت ..ورجع ينام ..
***
ليلى ــ شمعنى اللي صار؟
دانه ـ ما أدري ... يمكن ماله أي معنى ..بس كسرت خاطره وساعدني ..
ليلى ــ ا لحين هو يبيج ولا يبي قمر ؟؟
دانه ــ المتأكده منه أنه يبي قمر ..بس تصرفه معاي أمس كان غريب ..شككني ..خصوصا لما قال لي زوجة المستقبل وكأنه واثق ..
ليلى ــ ولو كان يبيج.؟؟
دانه ــ بس أنا ما أبيه ...ما أبيه أكرهه ..انسان ما أطيق أشوف ويهه ..
ليلى ــ يعني بتظلين على اسلوبج القديم معاه؟؟
دانه ــ اييه ..لين يكرهني ..هو يكرهني ما أقولج يحبني ..بس أبيه ينسى أني موجوده ..بس أول خليني اشكره على موقفه أمس معاي ...
ليلى ـ آه ..عيل السالفه جي ..
وابتسمت ..عقدت دانه حواجبها ...ــ ليش شاقة الحلج ولا بوزو؟؟ شنو اللي جي؟
ليلى ــ أنتي تحبين خالد ..
غصت دانه بالعصير اللي كانت تشربه وكحت بقو ..
ضحكت ليلى ,,,
دانه ــ ومرض يالحماره ..شتقولين؟؟ أنا أحب هالخايس؟؟
ليلى ــ ترددج هو اللي بين لي هالموقف منج ..
دانه ــ أي تردد أي زفت ..اقولج ما اطيق شوفه ويهه تقولين حب؟؟
ليلى ــ شوف دندون...وحده من اثنين ..يا انتي تحبينه وهو يحبج ..ياهو يحب وانتي تحبينه ..
دانه ــ يا سلام ..شالفرق العجيب !!
ليلى ــ ماقلت يحبج ..قلت يحب يمكن يحب قمر وانتي معصبه من هالعلاقه فكرهتيه ..
دانه ــ ليلى ..واللي يخليج . يا دكتورة زمانج ..جب ..
ليلى ــ بتقولين بعدين ليلوه قالت .
دانه ــ زين قومي ..افتره الثانية بتبدأ وأنا ضيعتها معاج في سوالف مالها داعي ..خليني اراجع اللي قاله خالد ..
ليلى ـ اليوم خالد ..بكره حبيبي ..
شردت ليلى من جدام دانه ..اللي طنشت كلام ليلى وركزت في المراجعات ...
***********
استغرب خالد وين حط الملف اللي يابه معاه أمس في الليل ..دور عليه ما حصله ..دور في الصاله ماحصله ..وشك أنه بيكون بين أوراق دانه ..دخل غرفه دانه ... هي غرفة العنود..قبل لا تكون غرفه دانه ..بس ..دانه ماشاءالله عليها معطتها لون خاص وترتيب خاص ... احتار في الاوراق اللي موجوده ..ماعرف وين يدور ..لقى ملف لونه أسود ..شبيه بملفه قرب السرير ..استكشفه ..ماكان ملفه ..بس كانت فيه أوراق كثيره ..وخط رهيب ..جميل بمعنى الكلمة ..مالحق يقرأ الكلمات ..لان دانه ادخلت الغرفه ..
دانه ــ خالد؟؟
خالد ــ اهلا دانه ..شسويت اليوم ؟؟
دانه ارتباك ــ ممتاز ....
وعطته نظره معناها شتسوي هنا!
خالد ــ توني دخلت ..لاني بروح المستشفى...
دانه عطته نظره ثانية معناها وبعدين؟؟
خالد ــ أمس يبت معاي ملف شبيه بهالملف ..أدور عليه ماني محصله ..
عضت دانه شفايفه وهي تفكر ..فتحت شنطتها ..ولقت ملف أسود بين ملفاتها ..
دانه ــ هذا ؟؟
خالد ــ أيوه ..عليج نور ..ما أقصد أي تطفل ..بس خط مين؟؟
دانه ــ خطي ..
خالد ــ ماكان خطج أمس بهالروعه ..كان مثل نقش الدجاج ..
دانه ـ ..لا والله؟؟ . لاني ما أحب الانجليزي ..فما أضيع وقتي في التفنن ..
خالد مط شفايف ــ مو عذر ..عن اذنج الحين ..
دانه ــ خالد...حبيت أشكرك ..لانك أمس ساعدتني ..
خالد ــ لاشكر على واجب ...مع السلامه ..
خالد نسى أن الملف كان بيده مال دانه ..وخذه مع الملف الطبي ماله ..ودانه ماكان مخها مركز في شي فنست أن الملف عند خالد ...طبعا شيكون شعور البنت لما تلقى شخص غريب يبعثر في أغراضها؟؟ وبعدين ينتقد خطها؟؟
وسبب ثالث كانت فرحانه وايد انه لاول مره في حياتها تقدم زين في الانجليزي ..
****

طالع الساعه كانت ست وشي ..حس أنه يوعان ماكل شي من الصبح ...راح الكافتيريا وشل له سندويتش وعصير ..

وهو في طريقه لمكتبه ...كانت في وحده حاضنه ولدها وتصيح بقوة..
استغرب ..
ــ عسى ماشر اختي؟؟
الحرمه ــ ولدي يادكتور في سرطان في المخ بهالعمر وفيه سرطان في المخ ولازم عمليه ....
كان الطفل سبع سنوات بس ..استغرب خالد ..
ــ عند أي دكتور ؟؟
الحرمه ــ دكتور محمود ..
خالد ــ شوفي ..قبل لاتآخذين أي قرارات ...أنصحج بالسكند أوبينين..
الحرمه ــ وش هذا؟؟ دوا جديد؟؟
ابتسم خالد ..
ــ لا ..روحي لطبيب ثاني علشان تتأكدين ولاتقولين له عن الحاله ..وشوفي اذا اعطاج نفس التقرير ..ولا تكتفين روحي لطبيب ثالث ..تأكدي انه ولدج عنده هالمرض قبل لا يصير شي لا يحمد عقباه ..
الحرمه ــ تنصحي اسأل دكتور ثاني؟؟
خالد ـ أنصحج تروحين لمستشفى ثاني ...واذا نفس التقرير هالحاله علاج هنا غير مضمون شيلي ولدج وعالجيه بره .
اسكتت المره وهزت راسها بزيين.. راح خالد لمكتبه لما دخل عليه دكتور محمود معصب ــ أنت ازاي تقول كده للست ؟؟
خالد ــ اول شي لاتصارخ ..وثاني شي ..أي ست؟؟
محمود ــ أنا شفتك دلوقتي تقول لها تروح لطبيب تاني ..اييه دكتور خالد أنا مش مالي عينك؟؟
خالد ــ لا دكتور محود ..ماشاء الله عليك طول في عرض ..شلون ماتملاها؟؟
زأل سندويش وشرب من العصير والدكتور محمود رافع حواجبه منصدم ..
خالد ــ لاتطالعني جيه ... كلنا نعرف مسأله السكيند ابونين ..وخاصه في حالات مثل هذي لازم في رأي ثاني ..والمسكينه كانت واقفه بروحها وشكلها على نياتها ..خليها تتأكد أن ابنها مريض على الاقل ..قبل لا تسوي اي عمليات أو اجراءات ..
محمود ــ اييه يعني انا بتبلى على ابنها؟؟
خالد ــ كلنا نعرف كم تآخذ ورى العمليه الوحده من هالنوع ....
محمود ــ دكتور خالد أنا مابسمحلكش ..
خالد ــ البلد بلدي ..وهذول أهل بلدي تسمح لي ماتسمح لي ..هذا الموضوع مفروغ منه ..
محمود ــ يعني حضرتك تتهمني في اخلاق المهنه ؟؟
خالد ــ أنا ما أتهم ..حد ..بس الحرص واجب ..
طلع الدكتور محمود معصب من المكتب ..وخالد كمل أكله ولا كأنه مسوي شي ..
دخل عليه الدكتور فارس ..وهو دكتور كبير في العمر من أهل البلد ..
فارس ــ مو جن اللي سويته غلط في حق الدكتور محمود؟؟
خالد وقف على ريوله احتراما له ــ ليش يالك يشتكي؟؟
فارس ــ دكتور محمود من زمان معانا ..من سبع سنوات .. مو من اسبوعين ..ولا مره غلط في حق أي دكتور ثاني ولاشكك في اخلاقيات المهنه اللي عنده ..
خالد ـ دكتور فارس ..أنا ماغلطت في شي ..كل اللي سويته نصحت ام مريض بالسكيند اوبنين ..خاصه ان طفلها صغيير في العمر ..
فارس ــ بهالطريقة تشكك من مصداقية المستشفى ..
خالد ــ آسف .. اذا كان كلامك صحيح ..بس اللي بيشكك صدق في مصداقية المستشفى فحص غلط ولا تحليل خاطئ...
فارس ــ استاذ خالد ,,لو سمحت ..التزم في شغلك بس .. .وتذكر انك تشتغل هنا ...في هالمستشفى ..مب ضدها ..

رجع خالد وكمل أكله ..طبعا من السيء انه دكتور مثل الدكتور فارس يوجه له ملاحظه ..بس خالد ما يحس بأي ذنب ... لانه ماسوى شي غلط ..


***
آخر امتحان بكره ..تنهدت دانه ,,,وأخيرا ..بتطلع من هالبيت ..حست انها تختنق هنا ..مع انها ماتشوف خالد وايد ..بس هالاسبوع كانت وحيده فيه ..عبير كله في السوق ..وزوجة خالها ماتسأل وايد عنها ..حتى خالها نفسه ..راعي قهاوي ودوواين ماتشوفيه دايما ..على الاقل يوم كانت في بيت نايف كانت تتكلم مع البنات وتتكلم مع نايف ...وحتى منيرة كانت معاها زينه ..ماكانت تحس بالوحشه اللي تحس فيها الحين ...

رتبت أغراضها كلها ..وحطتها في الشنطه اللي يات فيها ..واستغربت وين الملف الاسود؟؟
طول ساعتين وهي تدور عليه مالقته ..ا اخترعت ..في اشياء المفروض محد يطلع عليها . متى آخر مرة شافته؟؟ متى ؟؟ لما كان خالد موجود ..اييه ..
على طول لغرفة خالد ..لكنها ماقدرت تتدخل ..رجعت لغرفتها ...ماتحب تنحط بموقف حرج ..لما يدخل ويلاقيها تعبث بأغراضها لانها نفسه ماتحب حد يعبث باغراضها ..رجعت ..وحطت الكتب كلها في الشنطه ..وبالاخير مسكت كتابها وادرست ..
*************
اتصل ...
ــ ألو ..
خالد ــ شخبارج يا شيماء؟؟
شيماء ــ خالد؟؟ وأخيرا فكرت تتصل فيني؟
خالد ــ وشفيج معصبه؟؟
شيماء ــ شهر يالظالم؟؟؟
خالد ــ شيوم ..أنا قلت لج مجرد ما أرجع البلاد انسيني ..
شيماء ــ خالد ...انت من صجك؟؟
خالد ــ لا كنت أمزح معاج!! طبعا من صجي ..
شيماء ـ عيل ليش متصل فيني الحين؟؟؟
خالد ـــ وصلج واجب على ايميلي ..
شيماء ــ مو عذر ..كنت تقدر تدزه لايميلي ..
خالد ــ ماترتاحين الا اذا سمعتيها مني يعني؟؟
شيماء ــ وأنت لمين تبي تخشها؟؟ مافيها شي لو سمعتني كلام حلو ..
خالد ــ ............ حبيت اسمع صوتج ..
شيماء ــ خالد ..انخطبت من سامر ..
خالد ــ ....................
شيماء ــ مثل ماتوقعت ..هالخبر مايهز فيك شعر ...مو مشكله ..أنا مابتزوج سامر ..على الاقل لين اخلص الدراسه ..
خالد ـ احسن لج ..مع السلامه ..
ماردت شيماء ..وصكت التلفون ..تنهد خالد ...انسانه مثلها لازم تفهم موقفه ...هي انحرمت من عايلتها ..لازم تعرف ششعور الانسان لما يفقد عايلته ..وهذا ماكان خياره ..أجبر على هالشي ..وردت ذاكرته لهذاك اليوم ...

انفرد فيه ابوه بعد مالصدمة طيحت امه المسكينه ...
بو خالد ــ من هذي اللي يبتها معاك؟؟
خالد ــ هذي شيماء يبه ..
بو خالد ــ شيماء منو؟؟
احتار خالد في هذيك اللحظة شيرد على ابوه؟؟
بوخالد ــ من وين يبتها من الشارع؟؟ شسم أهلها وليش يبتها هني؟؟
خالد ــ يبه شيماء يات معاي من الاردن ..هي تعيش في ملجأ هني ..لانها كانت لقيطه ..

انصدم بو خالد ..واختفى اللون من ويهه ..
بو خالد ــ كانت لقيطه؟؟ ليش لقت اهلها الحين؟؟
خالد ــ لا ..بس بتزوجها ومابتصير لقيطه بعد اليوم ..
ما توقع خالد ان ابوه يضربه كف على ويهه وهو في هالعمر ..
بوخالد ــ لاتحسب اني راضي بخرابيطك قبل يعني اني راضي تسوي اللي تبيه في حياتك ..ياي على آخر عمري تبي تتزوج وحده ماعندها لا حسب ولانسب؟؟ وحده ماتدري انها بنت حلال ولا حرام؟؟ وبكل ثقة تقولي لي انك تبي تتزوجها علشان ماتصير لقيطه؟؟ انت صاحي ؟؟
خالد سكت وماعلق ..
بو خالد ــ لا تقولي حب وتفاهات ...خالد ...ماسألت نفسك بكره لا يبت عيال وين بتحطهم؟؟ وين بيروحون من كلام الناس؟
خالد ـ بس يبه شيماء بنت زينه...
بو خالد ــ ومن حكم عليها بهالكلام ؟؟ أنت ؟؟ انت لو كنت بعقلك مايبتها لي هنا ..وأخواتك في البيت ..خالد ..اذا كنت تبي ترجع للبيت هذا مره ثانيه انصحك تنسى الموضوع ..
خالد ــ بتطردنا يبه؟؟
بو خالد ــ بقوم معاكم بواجب الضيافه لمده ثلاثة أيام ..وبعدها ..اذا لقيتك موجود في البيت مع هالبنت .. ما بيصير خير ...لا لك ..ولا لها ...
خالد ــ ماله داعي وزاجب الضيافه اللي ذابحك ..حنا طالعين الحين .. توقعت انها بتكسر خاطرك لانها يتيمه ..
بوخالد ــ لا حشى ..هذي مو يتيمه ..هذي لقيطه ..
خالد ــ وشو الفرق؟؟
بو خالد ــ اليتيمه ماتوا عنها أهلها يا دكتور ..وهذي ... لا اهل ولا اصل ..من الشارع ..
طلع خالد من غرفة ابوه ...ومسك يد شيماء وركبوا السياره ..
خالد والعبره خانقته ــ زين انا مانزلنا الشنط ..
شيماء ماعلقت ..بس خمنت سبب اللي صار ..
ــ قلت لك ..مابيتقبلوني ..انت أصرت ..خالد ..ارجع لهلك ...صدقني ..أنا عشت بدون اهل طول عمري ..وما أقدر أوصف لك شقد كانت اتجربه أليمه ..وما أبيك تعيشها ..
التفت لها خالد ..وكانت تبتسم بيأس ..الكلمات اللي كان بيقولها نساها ..نزل عيونه ..
ــ خذنا المطار ..
تحرك التاكسي . وشيما نولت راسها ,,وقالت بطريقة مستسلمة فيها ..
ــ نزل شنطك على الأقل ..بدل ماتروح وتيي فيهم ..
خالد ــ مابرد من دونج ...
شيماء ــ بس يا خالد ..
خالد ــ ادري ..ما بخسر هلي ..لا تخافين ..بس عندي اربع سنوات ..لما اخلص بفكر ...
خيبه امل على ويهه شيماء من بعد ماكانت عيونها فرحانه ..حس فيها ا خالد بقوة ..
ــ دكتور ...في حالة مستعجله في الطواري ..
التفت خالد للممرضه وحط السماعات في جيبه وبسرعه . لحقها ..
*******
عبير ــ ليش تدرسين في الصالة؟؟
دانه ـ ناطره خالد ..بساله كم سؤال ..
عبير ــ سؤال؟؟؟ في ايش؟؟ ما اعتقد الماده صعبه ..
دانه ــ لا ..مو عن الماده .. عن شي ثاني .. ما عليج مني روحي نامي ..أنا بدررس لين مايي ...
عبير ــ ايش امتحانج بكره فلسفه؟؟
دانه ــ لا علم نفس ..
عبير ـ تصبحين على خير ..
دانه ــ وانتي من هل الخير .
**********

تكمت حلقة________ 4

مسكينه دموعها علىخدودها اربع اربع ..
خالد ــ دكتورة هيام .. لي متى بتمين تصيحين؟؟ المصاب كان جبده متفتت ..مافي شي يمكن ينقذه خصوصا ان تأخروا يلا يابوه ..
تدخلت الممرضه ــ المسكينه خايفه يلومونها بموت المريض .أهله وايد متشددين ..وعندهم المره فاشله ..وحصل معاها هالشي كتيير ..
خالد ــ خلاص دكتورة هيام ..أنا بستلم الشفت انتي روحي البيت ..
هيام هزت راسها بأوكي ..وراحت ..
طالع خالد جثة المصاب ..انتفاخ في بطنه كبير ..نتيجه تفتت جبده ..شاب بأول عمره ...بتكون صدمه عنيفه لهله ..
طلع خالد ..وسأل عن أهل المريض ..ونقل لهم الخبر ..وكرهه اللحظه هذي ..ولما سأله الابو شلون ..شرح له بشكل مبسط ..اللي صار ..
************
الساعه 6 الصبح ..
خالد ــ دانه ..دانه ..
افتحت عيونها ..كان خالد واقف جدامها ..عدلت شيلتها ــ ها؟؟
خالد ــ الساعه ست ..وبيدج كتاب اكيد عندج امتحان .
دانه ــ انت الحين رجعت؟؟
خالد ــ اييه .. استلمت شفت زميلتي ...
دانه ــ زين صحيتني ..كنت صاحية ا لين الفير ..
كانت بتقول ناطرتك ..بس ما حستها مناسبه ..ــ أدرس ..
خالد ــ انا بروح انام ..
قامت الدانه وهي تتثاءب ..آآآآآآآآآآآه ..اليوم آخر يوم من المدرسه ..تنشطت ..وخلت الشنط كلها في السياره ...على طول من المدرسه لبيت ناصر ...

**************
قمر ــ والله انج أنانيه ..
دانه ــ أنا الحين انانيه؟؟ الحين حطي خيارات بين راحتي ووناستج ..قمر ..تعبت من كلام امج اللي يغث ..
قمر ــ ويهون عليج تتركيني بين كلام امي و غطرسه بدور؟؟
دانه ــ عندج أخوي ..
قمر ــ أخوج ما اشوفه .كله برا ..هو يهرب من البيت ..وأمي تتفرعن علي أنا وبدور ..ولا تنسين انها حامل ..يعني غصبا علينا نسمعها بدون أي كلام ..بدور ناوية تسافر مع بنات خالتي .وأنا ما أطيقهم ..
دانه ـ قمور ,,تعالي بيت ناصر .عمج ..
قمر ـ علشان تذبحني امي؟؟ عيال عمي اصغرهم أكبر مني بثلاث سنوات !!
دانه ــ يمكن ترتاحين ويخطبونج انتي واختج ...
قمر انخطف ويهها ..ــ لا ..لا تقولين ..
دانه ــ قمور .. وين شردت الالوان من ويهج ..
قمر ــ عمتي .ما ابيهم ..أبي خالد بس ..
دانه ــ خالد واحد شايف نفسه ..ووتعامله مع الناس جاف ..وراعي مشاكل .
قمر ــ عمتي ..انتي تكرهينه ..بس هو غير ..
دانه ــ شوفي قمر ..لا تسوين مشاكل لنايف اخوي ..هو يبيج لابن اخوه ..امشي ورى ابوج وارضي بنصيبج ..
قمر ــ يعني انتي بترضين بنصيبج؟؟
دانه ــ وأنا شدخلني في الموضوع؟؟
قمر ـ خطبج ضاحي ..وابوي شكله موافق ..
دانه ــ ضاحي منو؟؟
قمر ــ خالي ..
دانه ــ شلون؟؟؟
********

يتبع.............................................. ..................................................




_________

حلقة 5

انهارت دانه ..
قمر ــ شوفي ..أنا مالي خص ...ماقلت لج شي ..
دانه ــ ليش؟؟
قمر ــ ما ادري .اعتقد السبب كله من مرت عمي ناصر الحيه ..
دانه ــ هناء؟؟
قمر ــ امي اتصلت فيها وقالت لها انج بتروحين لها بعد الامتحانات ..فاقترحت عليها هالموضوع ..
دانه ــ وناصر بعد؟؟ وثامر ..ماعرفت شرايه ؟؟ وسعود ..بيرضون يقطوني في هالزيجه؟؟
قمر ــ للحين محد قال رايه النهائي ..ناطرينج تخلصينن امتحانات ..
دانه ــ كل هذا يصير من وراي؟؟
قمر ــ المصيبة الادهى ..ضاحي ما يبيج ..
دانه ــ بعد!!!! عيل ليش خاطبني؟؟
قمر ــ ما ادري ..
قامت دانه من مكانها ..وهي مصدومه ..اركبت على طول السيارة ..
ــ راجو ..خذني بيت ناصر ..
قمر ــ دانه ما بتحضرين الحفله؟؟
دانه ــ لا ..خلاص قمر ..مالي بارض للحفله ... يلا اوصل بيت ناصر ..الطريق بعيد ..
قمر ــ بس انتي يبتي الاكل وكل شي ..
دانه اغرقتت بدموعها ,,
ــ قمر .أرجوج .. اتركيني ...

********
دكتورة هيام ــ ليش داومت؟؟
خالد ــ دوامي ليش ما اداوم ؟؟
هيام ــ زوجي يوصل سلامه ويشكرك ..والمفروض انا استلم دوامك اليوم ..
خالد ــ لا ..ما احب حد يناوب عني ..بلا اهانه ..بس ما احب ....
خالد بينه وبين نفسه مايحب حد يناوب عنه في شغله لانه مسؤوليه وهو ما يوثق بحد ..
مر من جانب استراحة الاطباء ..
(( يتصرف يهالطريقة وهو ما كمل ا شهر ..عيل بعد كم سنه شلون بيتصرف ؟؟))
صوت دكتور ..(( واثق من نفسه ..شعليكم فيه ))
صوت ناعم علق ..(( أهم شي ..أنه دكتور ممتاز ..مو مهم طريقة تعامله ..مع اني أييد أنه يآخذ كورس فن الاتيكيت والمجاملات ..))
(( مجاملات؟؟ لو يرضى اطرشه على حسابي يدرس اربع سنوات ..في هالموضوع ..صدقوني ..بس الشي اللي يحتاجه انه يكون لطيف مع الناس ..انا مستغربة كل طبيب عرفته يكون متسامح مع الناس لطيف معاهم ..أما هذا الدكتور خالد ..غير ..تعبت من كلامه الفظ ..))
رجع خالد لمكتبه ..وهون عن استراحة الاطباء ((..يبوني أكون لطيف؟؟ ليش وين أنا ؟؟ في مسلسل مكسيكي؟؟؟ ولا ذا بولد اند بيوتفل؟؟
ما يعرفون أني ياي اشتغل بس؟؟ ))
السكرتيرة ــ دكتور خالد ...استاذ فارس يبيك في مكتبه ..
خالد ــ الحين انا دكتور وفارس صار استاذ؟؟
الممرضه ــ مسكينه ..توها متعينه ..كانت تشتغل في وزارة التربية ..
ابتسم خالد ..يمكن هذا هو السبب ..
*******
دكتور فارس ــ تفضل ..
دخل خالد ..
فارس ــ ما انكر ان اللي صار ..من مصلحة المستشفى ..بس ..ما ابيك تتخذه كأسلوب لك ..
خالد ــ ؟؟؟؟ اللي صار؟؟ ما فهمت دكتور خالد ..
فارس ــ اتصلت فيني اليوم ام طلال ..
خالد مافهم شاللي دخله في الموضوع؟؟
فارس ــ ام طلال ..ابنهما طلال كان مريض عند الدكتور محمود ..اتصلت فيني مثل ماقلت .. ووصتني اتشكرك شخصيا..
رفع خالد حواجبه استنكار ..مافهم أي شي ...
فارس ــ الولد طلع عنده ورم حميد ...بالكاد يبين ..وما يستاهل أي عمليه جراحيه ..لان ماله اي اثر ..واللي كان مسبب له المرض والصداع فقر دم حاد ..
خالد فرح للولد الصغير ..ولكنه ضبط ملامح ويهه وهو يقول ــ والدكتور محمود؟؟
فارس ــ الحين بين عياله بدون مشاكل ..
فهم خالد انه الدكتور محمود تسفر ..
فارس ــ ما حبينا ننهي مستقبله ..ويمكن ما كان يقصد ..بس السؤال ..شلون شكيت فيه؟؟
خالد ــ لاني كنت أشوفه دايما في المختبرات ...ولاحظت انه يختم أشياء بدون مايكون أي حد موجود ..من مسؤولي المختبر ..
فارس ما علق ..وخالد قال ــ لا تلومني ..أول ما شفته ..تعمدت أمر من جدام مكتبه ..وكانت ام طلال ..
فارس ــ بامكانك تتفضل لمكتبك ..وأنا فخور انه المستشفى اكسبت شخص أمين ..ودكتور شاطر ..وبالنسبه للمختبر ..أنا بتصرف ..شكرا ..
خالد ـ هذا كان من واجبي ..

محد يعرف شقد كان خالد فخور بهاللحظة ...فرح لام طلال ..ولطلال ..
**********
فترة الاستراحه ..استغلها في ترتيب ملفاته ..ولفت نظره ملف اسود ..فتحه ..كان ملف الدانه ..ما قاوم فضوله ..وقرأ اول صفحه ...

(( لك بس انت ...
محدغيرك انت ...
في الكون بس انت ..
ولاحد يستاهلها غيرك انت ..
والجدير فيها انت ..

حمااااااااااااااااااااااااااااااار ))
ضحك خالد ....وحس انه مو من حقه انه يقرأ الملف ....اذا رجع اليوم بيرجعه لها انشاءالله ..صك الملف ..ورجع يرتب أوراقه ..
*****************
اليوم الثاني ...الصبح..
ما كانت تبي تطلع من غرفة حمد ...
حمد ــ عمتي قومي ابوي يبيج ...
(حمد اكبر منها بسنتين ..)
دانه ــ ابوك؟؟
حمد ــ قومي عمتي وصدقيني ما بيصيرالا الخير ..انا معاج ..
دانه ــ حمد معلش ..ما ابي اشوف حد ..أنا مصدعه تعبانه قل لبوك اني بكلمه على العشا ان شاءالله ..
حمد ــ دانه ...لا تتصرفين بعناد..أبوي مايحب العناد..ودامي موجود ..
دانه ـ شعناده؟؟ حمد أنا تعبانه قول لناصر لقيتني نايمه ...
حمد ــ أنا رايح دوامي ..وبرجع في الليل ان شاءالله ..بقول لبوي انج تعبانه .بس في الليل بتواجهينه ..
دانه ــ اسمع نفسك لما تتكلم ...جنك في مسلسل مصري ..شمواجهته؟؟ انا ماسويت شي ..أبوك هو اللي تصرف من وراي ياب معرس ..انا ما ابي اتزوج ..
حمد ــ دانه لا تكلميني بهالاستخفاف ..لاتنسين اني اكبر منج ..
دانه ــ انا عمتك اكلمك مثلما ابي ..
حمد ــ انتي قدها؟؟
دانه ــ اي ..
حمد بسرعه هجم على عمته وصار يدغدغها ودانه من النوع اللي ماتتحمل تنفجر ضحك ..بس تبي تبعده عنها ...بس هو أقوى منها ..
دانه ــ ههههه هههههههههههههههههههههه بس حمد آسفه آسفه ماطلعت قدها ..بس حموووووود ..
حمد ابتعد عنها وعدل شعره ولبس طاقيه الشرطه مالته ..
ــ علشان ما تستهينين فيني مرة ثانية ....
دانه ــ الله ياخذك يالحمار ...آآآه ذبحتني من الضحك ..
قرب منها حمد..
دانه ــ أنا حماره خلاص ...خلاص انا حماره ..
حمد ــ احم احم .. اي هالشكل تعدلي ..انا عمج ..
دانه ــ لا والله؟ ؟؟
حمد ــ ها شقلنا؟؟
دانه ــ قلت قول لبوك اني نايمه وتقلفع لشغلك...
حمد ــ لماارجع بأدبج ..انطري علي ..
دانه ــ انطر ...ماوراي الا ضاحي بن محمد ...
حمد ــ الريال زين ..
دانه ــ بس انا ما ابي شي من ريحه منور اكرهها ...
حمد ــ كيفج ..سلمان اليوم في الشاليه ..وحسن في سيلين مع ربعه ... خالد عنده مباراه اليوم (خالد اخو حمد ابن اخو دانة) ..والبنات الصغار في بيت خالتي ..لاتخلينهم يستفردون فيج ..صكي الباب على عمرج لين نيي ...لا تواجهينهم بروحج ..لاتنسين كل واحد يبي مصلحته ..
دانه ــ حمد شقصدك؟؟
حمد ــ افهميها عاد ..يلا مع السلامه ...

احتارت دانه ...شقصده حمد؟؟ شمصلحتهم في زواجها من ضاحي ؟؟ ((أكييد.شلون مافكرت جي ....يبون يفتكون مني ..محد يبي يشيل مسؤوليتي...وحريم اخواني يبون الفكه ...ياربي ...وين أروح ..وين اقط ويههي ..بيت خالي مستحيل ..مالي ويهه ارجع ...يبون يزوجوني يعني؟؟ لا ..لا ..))

دخل ناصر الغرفه ــ دانه تعالي أبيج ..
دانه ــ أبي أنام ..
ناصر ــ قومي ثامر وسعود ونايف تحت ..قومي ..
دانه تذكرت كلام حمد ..لايستفردون فيج ..بس ماعندها حيله ..
********

عبير ــ راحت دون ما تسلم علي الخايسه أراويها ..
خالد ــ من..... دانه؟؟
عبير ــ اييه اليوم آخر امتحان عندها ..وجوالها صاكته ...ماتبي تفتحه الحماره ..
ماعلق خالد ..كان يبي يرجع لها الملف ..بس الظاهر انها راحت ..ارتاح نفسيا انها راحت ..كان يحس بضيق لما يشوفها ...ويتشاءم منها ..
عبير ــ وين سرحان؟؟ قوولي لي ..متى بتخطبها؟
خالد ــ أخطب مين؟
عبير ــ دانه ...
خالد ــ لا ..أنا ما أبي دانه .أني أبي بنت اخوها ..أعجبتني وايد ..
عبير مدت بوز ــ قمور؟؟ صدقني ماتستاهل ..دلوعه وايد ..
خالد ــ يعني دانه خاليه من الدلع ؟؟
عبير ــ دانه احلى من قمر ..
خالد ــ الحين الدانه احلى من قمر؟؟
عبير ــ قمر الزمان هذا اسمها ...دانه عيونها احلى ..سود ..ما شفت عيون بهالسواد من قبل ...وشعرها اغمج من عيونها ..وحرير ..مثل ظلمه الليل ..وبياضها ياي العكس تماما من لون عيونها وشعرها ..تحس انه كاسر لون شعرها ..ومابتكلم عن الخشم ..أنت شفته ...قد مره شفت خشم بهالحلاة؟؟ ..
خالد ـ لا توصفينها لي .أنا ما أبيها ..أبي قمر ..
عبير ــ ايش شايف بقمر علشان تتعلق فيها جي ؟؟ ملامحها عادية ..ودلوعه ..ولاعندها اي طموح ...دخلت علمي بس علشان تغيض اختها بدور ..

خالد ـ بدور ؟
عبير ــ بدر البدور ..النسخه من قمر ..بس متغطرسه وشايفه عمرها ..من اتذكرها انغث ... كانت تبي قمر تدخل ادبي علشان يسوون كبل ..بس قمر عناد فيها دخلت علمي ...دلوعات بشكل كبير ... لكن دانه عاقل وحبوبه ..وروحها طيبه ..وعاجبه امي ..هذا هو المهم ..

********************






سعود ــ ها شقلتي؟؟
دانه ــ ليش أنا في مزاد؟؟؟ شلون تبوني أختار؟؟
ثامر ـ ليش مصعبتها وايد ؟؟ اختاري من تبين ؟؟ خالد ولا عامر ولا ضاحي ؟؟
دانه ــ الحين بس هذي خياراتي؟؟ من اختار؟؟ أنا ما أبي أتزوج ..افهموا ..
ثامر ــ دانه ..بلا تدلع ..ترا محد رايق لج ..
نايف ما علق ..تقريبا الحنون بين اخوانها هو نايف ...بالاحرى اللي شخصيته ضعيفه ..
ناصر ــ أنا من راي اخوانج ..تتزوجين احسن ..
دانه ــ ليش تبون تحذفوني على الناس...عامر مايبي يتزوج عقب اختي نوير الله يرحمها .. ...وضاحي سمعت انه مايبي يتزوجني ..وخالد في باله وحده ثانية مايبي يتزوجني ..غصب تطيحوني في جبود الناس؟؟
ناصر ــ هالموضوع مو صحيح ..
دانه ــ ليش مو طايقيني يا اخواني؟؟ ثامر يوم زوجتك مريم دخلت المستشفى ..من اللي بقت قرب عيالك لين قامت بالسلامه؟؟ سعود ..لما سافرت انت وزوجتك لبنان ..من اللي حذفتوها مع اليهال رغم ان اليهال صغار؟؟ و لماتطلعون لبلد ثاني اكون عند الطلب ..ناصر ..بناتك من دايما تكون معاهم لما تطلع انت وزوجتك ؟؟ من اللي تاخذهم السوق وتتشرى لهم؟؟ نايف ...بناتك أنا اللي كنت دايما معاهم ..وهم في عز حاجتهم لكم ..كنتوا تتجاهلونهم ..انا اللي كنت اقول لهم شالصح وشالغلط ..وانت ومنيرة ماكلفتوا عمركم تسألونهم عن دراستهم ...ودايما انا موجوده ..من بيت لبيت ..دايما عند الطلب ..مستعده اظل على هالحال وأنا في قمه سعادتي بس لاتدفنوني مع ناس ما ابيهم ...ماكان لازم تبيعون بيت امي ..ماكان لازم اخليكم دام بيوتكم ضاقت علي وحريمكم تتشكى مني ...

ناصر ــ بلا كلام ماله داعي .. كل اللي سويتيه كان واجبج كعمه ,,,وهالكلام لا تمين تمنين علينا فيه ...
دانه ــ ناصر ..ما ابي اتزوج ..ما ابي ..ارحمني ..
ناصر ــ دانه ..أنا وأخوانج نشوف ان الزواج افضل الطرق انج تكملين حياتج ..
قاطعته دانه ــ ناصر ...لاتأثر عليك هناء ...وانت يانايف لاتاثر عليك منيرة ..ولامريم ..أنا أختكم ..أنا اللي باقيه لكم ..ماعندي غيركم حرام عليكم ..
ناصر ــ لاتقلبينه فيلم هندي ...من تبين اختاري ..
طالعت دانه اخوها الكبير نايف ..وشافته يتهرب من نظراتها ..
دانه ــ اول ..شي ..اتصلوا في خالد ..واسألوه يبيني ولا لا ..ونفس الشي ..بضاحي وعامر ..
نايف ــ ضاحي يبيج اكييد ..وعامر حنا نبيج تربين ولده ..خالد .. خالي كلمني انه يبيج له ...
ناصر ــ بتصل في خالد واساله ..ما طلبتي شي ..

مسك جواله واتصل في خالد ..

***

خالد ــ زين وين ريموت التلفزيون؟؟
عبير ــ هذا..خالد ..جوالك يرن ..
خالد خذ جواله وطلع بره يكلم ناصر ..
خالد ــ ألو ...هلا ناصر بولد عمتي ..
ناصر ــ هلا ..خالد شخبارك؟؟
خالد ــ بخير الحمدالله ..وانت والعيال؟؟
ناصرــ كلنا بخير الحمدالله ...شوف خالد ...
خالد ــ لبيه ...
ناصر ــ ياني خاطب لدانه ...وأنا من زمان كنت مكلم خالي وقال يبيها لك ..والريال انا شاريه اذا غيرت رايك ..بس انت اولى ..ها شقلت ؟؟
(( احتار خالد ..ماعرف شيقول ..يرخصها ولا لا ؟؟ مايقدر على زعل ابوه ...وامه تبيها ..))
ناصر ــ ها خالد ؟؟؟
خالد ـ كيفك ..
ناصر ــ ترخصها؟؟
خالد ــ ما ودي بس ماعندي اي خطط زواج حاليا . شوف رايها ااذا تنطر لين ما استقر ...الامر بيدها ..
ناصر ــ زين ...ما فهمت ..تبيها ولا لا؟؟
خالد ــ كيفها ..
ناصر ـ ايش كيفها هاذي؟؟ مالها راي تبيها انت ولا لا؟
خالد ــ خلاص خلي تروح لنصيبها ..
ناصر ــ خلاص ..مع السلامه ..
**********
ناصر ــ رخصها ....يعني من اليوم دانه لضاحي وضاحي لدانه ..
دانه ــ شلون؟؟
ناصر ــ ضاحي مناسب لج ..قريب من عمرج ..عمره24سنه بس ..اما عامر .. كبير عليج ...حسبتها انسب واحد لج هو ضاحي دام رخصج خالد.
دانه ودموع عيونها غرقها ــ ما فهمت ليش ناديتوني بالاساس ..لو نايمه كان احسن لي من وجع الراس ..قررتوا وسويتوا اللي تبون ..
ناصرــ نايف دق على نسيبك ..وقوله انا وافقنا ..
نايف ما تكلم ..بس هز راسه ..ودانه ركضت لغرفتها تصيح ..
***********
خالد ــ موضوع الدانه وخلصنا منه ..
عبير ــ شلون؟؟
خالد ــ اتصل ناصر ..يقول اخطبوها ناس ..
عبير ــ لا ...من ؟؟
خالد ــ نسيت اسأل من ...مو مهم ..
عبير ــ لا يا خالد ..لا تفرط في دانه ..خالد اذا لي غلا في قلبك ..لا ياخالد ..ارجوك ..
خالد ــ ما اشوف في دانه اي شي يجذب ..وأنا أكرهها من كانت طفله ..
عبير ــ طبعا ماتشوف ..قمر مدلعه ..ولاشافت التشتت اللي شافته دانه ..فتبين لك جذابه وويهها منور ..لكن الدانه .مسكينه ..ماتقدر تنام من الهم ..وتسأل نفسها بكره في اي بيت من اخوانها بتنام ..ارجوك ..خالد والله ما تستاهل ..
خالد ــ يمكن يكون ريلها احسن مني؟؟ وعلى الاقل يحبها !!؟...
عبير ــ يمكن ...بس ..
خالد ــ لا تبسبسين ...خلاص صار اللي صار ...

طلع خالد لغرفته ....كلام عبير اثر فيه شوي ...طالع ملف الدانه ..وفتحه ..وقلب في اوراقه ...

(( مع نسيم الفجر ..احتارت روحي .. الى اين ستطير اليوم ..هل الى المحيط الهادي ام الشمالي؟؟ ام الاطلسي ..))

( يمه ...ارجوج ..غفر لي ..ادري بسبتي متي ...آسفه يمه ..والله ما كان قصدي ..انا ما كنت ابيه بس ...يمه .أكرهه لانه هو السبب في التعب اللي انتي فيه ما اقدر يمه .لليوم شايله ذنب موتج ..ليتني مارفضت ولا صار اللي صار ..))
احتار خالد ..شقصدها الدانه ؟؟ شلون هي السبب في موت عمته؟؟ يمكن هالملف فيه الاجابه !

********


يتبع\\\\\\\\\\\\\\\\\\\\\\\\\\\\\\\






_________

حلقة 6

*******
دخل نايف للغرفه كانت دانه مو قادره تمسك دموعها ...
نايف ــ خلاص دانه ...
دانه ــ طلعت يتيمه ... يتيمه مع انه عندي اربع اخوان ..
نايف ــ صدقينني يالدانه مصلحتج تستقلين في حياتج ..
دانه ـ قصدك مصلحة زوجاتكم ...خلاص يا نايف ..اللي تبونه سووه ..
نايف ــ دانه ..لا تزعلين ..
لكن قلب الدانه كان يقول

(( خلاص وش يفيد الزعل ؟؟ والورد اللي في قلبي ذبل ..
و روحي كانت معلقه بأمل ..للأسف تخلى عنها ورحل ...))

*********

ناصر ــ خلاص ملجناج على ضاحي ...
دانه ـ شلون؟؟ بهالسرعه ؟؟ توك من ساعتين بس عطيته الموافقه متى صارت ملجه؟؟
ناصر ــ الريال كان وقته فاضي ..وخير البر عاجله ..
دانه ــ شلون؟؟
ناصر ــ شنطتج كانت بره ؟؟هناء خذت البطاقه منها ..مبروك ..
طلع خمسمية ريال من جيبه وحطاها على الطاولة كهدية زواج ..

انهارت دانه ..وقف شعر جسمها من الخبر ..سالت دموعها ..بس ابتسمت..خلاص ..تزوجت ..ماعندها اي حل ثاني ..خلاص ..اتصل في حمد ابشره ..
اتصل على جوال حمد ..
حمد ــ هلا ..
دانه ــ هلا حمود ..
حمد ــ حمود في عينج ...يا دوين ..
دانه والعبره خانقتها ــ لو سمحت ..أنت تكلم مدام ضاحي بن محمد ...
حمد ــ بايخه ...نكته بايخه ..
دانه ــ ومن قال لك اني أنكت؟؟ (حاولت تشيل نبرة الحزن من صوتها وخذت نفس ) ابوك توك دخل علي وقال لي اني خلاص ..صرت مدام ضاحي ...
حمد عصب وايد ...
ــ أنا مو قلت لج يالخبله لا تخليهم يستفردون فيج؟؟ شلون رضيتي بهالسرعه ؟ توج من ثلاث ساعات كنتي معاي ..وما كنتي تبين ؟؟
دانه ــ خلاص حمد ..خلاص ..خذوا بطاقتي ..وملجوا ..
حمد ــ من هم ابوي بس؟؟
دانه ــ ناصر وثامر وسعود ..حتى نايف ..
حمد ـــ زين ليش ما اتصلتي في ولد عمج خليفه ؟؟هو قاضي ..
دانه ــ حمد ..خلاص ملجوني عليه خلاص ..مافي فكه منه ..خلاص ..
وبدت تصيح . صكت التلفون ... وحطت راسها تنام...يمكن ييها النوم ..
********

الممرضه ــ مافيش اليوم حد ..
خالد ــ معليش ..بقى لي ساعه من دوامي واروح ...
طالع الساعه ..كانت وحده في الليل ..

طلع يشوف اذا حد محتاج مساعده ..
شاف شخص ساند بنت ..استغرب ..هالويهه يعرفه ..

ــ دانه ؟؟

كانت غايبه عن الوعي ..
حمد ــ انت مين؟؟
خالد ـ انت مين ..وشفيها الدانه؟؟ هاتها ..هاتها ..حطها على سرير الفحص ..
حمد قرا اسم خالد ..فعرف انه ابن خال ابوه ..
خالد ــ نهاد ..نهاد ...
المرضه ــ ايوه ..

***************
خالد ــ شصار لها؟؟
حمد ــ انت الدكتور ..عمتي شفيها ..
خالد ــ انهيار عصبي ..وارهاق وعدم تغذيه ..
حمد ــ ما شي خطير؟
خالد ــ اتمنى لاء ..امس ماكانت جي ..شصار لها؟
حمد ــ استفرد فيها ابوي وعمامي وزوجوها ..
خالد ــ زواج؟؟ كنت أظنه خطبه بس ..
حمد ــ وانا بعد ..لين رجعت من الدوام ..كان على بالي انها نايمه ..لين هالساعه ..حاولت اصحيها ..ماصحت ..ويهها مختفي منه اللون ..وشفايفها بيض ..خفت لايصير فيها شي ..
خالد حس بتأنيب ضمير ..شكلها مو راضيه بهالزواج ..
حمد ــ خالد..الحين شلون حالها ؟؟
خالد ـ تعرف مهدئات ومغذي ..ان شالله بكره تكون احسن ..خلاص انت روح وانا معاها ..
حمد ــ بس ..
خالد ــ لا ..لا تقول بس ..الظاهر عندك دوام بكره ..روح .أنا طبيب وولد خالها ..لا تخاف عليها ..
حمد ــ خلاص ..بكره بآخذ اجازه وايي ..
خالد ــ الله معاك ..


نهاد ــ بس دوامك خلص يا دكتور ..
خالد ــ انتي روحي ..وأنا بس بكون مشرف عليها ..

دق على عبير ..
عبير ــ الو ..
خالد ــ صاحيه؟؟؟
عبير ـ وعليكم السلام ..صاحيه ..
خالد ــ تعالي المستشفى ..
عبير ــ ليش؟؟
خالد ــ بتعرفين بعد شوي تعالي مع الدريول ..
عبير ــ محلاني طالعه هالحزه مع الدريول شيقولون الناس عني؟
خالد ـ تعالي لاتكثرين حجي ..تعالي ..
***

ماقدر خالد يجلس في مكتبه ..فقام و خذ جوله في الممر ..ساعد كم طبيب ..مع انه ماكانت في زحمه ..
رجع لمكتبه بعد ساعه ..وكانت عبير مختبصه ..
عبير ــ وين رحت خرعتني ..
خالد ـ ليش اخرعج؟ توج وصلتي ..تعالي اقولج ليش ناديتج .

**********
صحت دانه ..وكان الكل حولها ...قمر وخالد وعبير و حمد ..ونايف ..

الكل ــ حمدالله على السلامه ..
هز راسها وهي غير مستوعبه ...
خالد ــ كنتي تعانين من انهيار عصبي ..مع سوء تغذية وارهاق ...شلونج الحين تحسين بأي تعب او شي؟؟
دانه ــ ابي امي ...يبوا لي امي ..أبي امي خالد ..نايف .أبي أمي ..
قالتها وهي تعبانه ودموعها مع كل حرف ....الكل انصدموا ...حس خالد ان اللي قدامه هي طفله ..
قمر وعبير ما كتموا دمعتهم ..نايف تهرب من نظرات الدانه ...الوحيد اللي تكلم كان حمد .
حمد ــ عن العياره ..ولعب اليهال .. من وين ييب أمج؟؟
الدانه ــ حمد ...بموت ان ما يبتوا لي امي ...
نايف ـ لو نقدر نييبها لج ..كان يببناها ..
حمد ــ شوف الدلع بس ...عمتي لاتصيرين دلوعه جي مو لايق لج ..أبي أمي ..بعد شوي ابيي امي ابي ابوي ابي زوجي ...امبيه ما اقدر ...
ابتسمت الدانه ..
دخل ريال فجأة للغرفه ..
انصدمت الدانه ...من هذا؟؟
نايف ــ هلا ضاحي ..ادخل حياك ...
بطلت دانه حلجها وما اكتمت شهقه ..وصرخت..ــ آآآآآآآآه ...آآآآآآآآآآآآآآآآآلالالالالللللللللللللللللللللل لللللللللا ...
************

خالد ــ انهيار عصبي حاد ..كم يوم وتصير زينه ..
البنات ذبحوا عمرهم من الصياح ..الموقف اللي صار كان اكبر من اي كلام ..
خالد ــ أنا بروح مع اختي الحين من امس وانا مداوم ..عن اذنكم ..
خالد نفسه ماكان على طبيعته .. منتفض ...
في السيارة
عبير ــ شكنت تقول ؟؟ يمكن أحسن منك؟؟ كله بسببك يا خالد كله بسببك ..
خالد ــ عبير الي فيني كافيني ..حلي عني ..
عبير ــ يمه ..والله الدانه ماتستاهل ..والله ماتستاهل ...حرام عليك ..
خالد ــ خلاص صارت زوجته ..شتقدر تسوي؟؟ محد يقدر يسوي شي ..
عبير ــ يا ويلي عليج يا دانه ..يا ويلي عليج وعلى حظج ..
خالد ــ شفيه حظها ؟؟ الريال ما يعيبه الا جيبه....
عبير ـ انت من صجك؟؟ ماشفته؟؟
خالد ــ مافيه شي..
عبير ـ الا يخرع يخرع ...يخــــــــــــــــر ع ...
عبير افقدت اعصابها ..وخالد حاس بتأنيب ضمير فظيع ...
************

يتبع



_________

حلقة 7

دخل خالد غرفته .. ومارد على ابوه وامه اللي مستغربين عدم رجوعه واختفاء عبير من البيت في هاحزه ..
قفل الباب ..وانسدح على السرير ...آه يالدانه ..ياني متلوم علشان اللي صار لج .)

طقات الباب القوية وصرخات ابوه وعصبيته خلته يخمن ان عبير قالت لهم كل شي ..
تذكر ضاحي ..ماينسى رده الفعل عند الكل ..حتى هو اخترع ..كان ضخم ..ويهه خالي من كل وسامه ..خشمه كبير ..وعيونه كبار لدرجه الجحوظ ..وأسمر ..من الوهله الاولى تخترع من ويهه ....المسكين شكله انحرج وراح ... بعد المسرحيه اللي صارت .....
كان خالد بهالتصرف يحاول يشغل نفسه عن غضب ابوه ...غمض عيونه ومن الارهاق نام ..

*************

رن جواله .. رد عليه وهو نايم ..
عبير ــ خالد ..قوم دوامك ..
خالد ــ دوام؟؟ ليش الساعه كم؟؟
عبير ــ دخلنا العصاري ..قوم ..
خالد ــ زين ..
صك التلفون ..وقام ..للحين بملابس امس ..الصبح الساعه ثمان رجع البيت...تسبح وطلع ..لبس ملابسه ..وشال اغراضه وطلع من الغرفة ..
عبير ــ بروح وياك ..
ماقال شي ..ركبت السيارة وهي مكتئبه ...
عبير ــ ليش ماكليت لك شي؟؟
خلد ــ ما ابي ..
عيون خالد كانت حمره وويها تعبان ..
عبير ــ خالد ...ابوي عصب وايد ....
خالد ــ .....................................
عبير ــ راضيه لا رجعنا ...
خالد ــ شسوي؟؟ شتبيني اسوي؟؟
عبير ــ ما ادري ..بس اهم شي يرضى ..
خالد ـ تدرين اني ما ابي اروح المستشفى؟؟ ما اقدر ..بس ضاغط على نفسي ..ما تعرفين اي شعور احس فيه الحين؟؟
عبير ــ خالد انت تحب الدانه ؟
خالد ــ ما احبها ..بس ما ..مو راضي عن نفسي انها ...
عبير ــ حاس بالذنب؟؟
خالد ــ اللي احسه ..انه دانه ماتستاهل ..واني كان ممكن انقذها على حساب نفسي ..بس طلعت اناني ...
عبير ــ من يومك كنت اناني ..مايات على هالسالفة بس ....تذكر البنت اللي يبتها؟؟ انانيتك خلتك ماتزور الدوحه طول اربع سنين ...علشانها ..امي المسكينه كانت ما تطلع من البيت في هالاربع سنوات ..يمكن تتصل وما تكون موجوده ..كل عيد أو مناسبه ..أمي تصيح دم ..مو كافيها ان بناتها بعاد عنها ..ووحيدها مايكلف نفسه باتصال ..
خالد ــ عبير اسكتي عني كافيني اللي فيني ..
عبير ــ طول امس وانا افكر في الدانه ..خالد ..أكرهك يا خالد ..اكرهك ..سببت العذاب لاغلى انسانه عندي ..
ماعلق خالد ..وطول الطريق تموا ساكتين ...

***********
في المستشفى ...

نايف ــ بيني وبينها ياقمر ثمان وعشرين سنه !! بينها وبين ثامر اللي هو اصغرنا خمسطعش سنه !! خفنا عليها ..لانا مو من جيلها ..كنا نبي نزوجها وهي بنت خمسطعش ..بس اجلنا شوي ..
قمر ــ مو عذر انكم ماخلينوها تشوفه ...وتقرر اذا تبيهه ولا لا ..
نايف ــ انتي قلتي لها عن خالج ..ليش ما وصفتيه لها؟؟
قمر ــ به ..هذا خالي ..حلو في عيني ..اقصد اني تعودت عليه ..
نايف ــ قمر ماني رايق لج ..بعدي عن طريقي ..

خالد سمعهم هو وعبير ...اللي نزلت راسها ... طالع قمر ...اللي كانت معصبه علشان حالة عمتها ..بس لاحظ استهتارها في شيلتها ...غرتها طالعه كلها ...مخليتها طالعه جنان ..التفت لعبير اللي كانت حاطه الغشوة على ويهها ..
ــ روحي داخل ...
عبير ــ يلا قمر ..خلينا نروح لعمتج ...
قمر كانت عيونها على خالد ..وقالت وهي سرحانه ــ نايمه ..طلعت من عندها توني ,,
خالد نزل عيونه ,,,قمر ما احشمت ابوها اللي واقف ..بس ابوها كان سرحان هو الثاني ..
راح داخل لعند الدكتور المسؤول ...

**************************
بعد اسبوع ..
حمد ــ عمتي انا اجرت شقه ..
دانه ــ ليش؟؟
حمد ــ بتم وياج لين تتزوجين ..وما ابيج تظلين في بيت ابوي او اي حد من اعمامي ..
دانه ــ بالعكس ..حريم اخواني الحين معاي احس من قبل بوايد ..
حمد ــ ما يهمني ..اليوم بتطلعين من المستشفى للشقة ..
دانه ــ حمود ما ابي اكلف عليك ..
حمد ــ شو حمود هاذي؟ اصغر عيالج؟؟ يلا زين مافكيتي شنطتج ..خليت السواق اخذها للشقة ...
دانه ــ مامداني ...
دخل خالد مع الطبيب المسؤول عن حالتها ..
خالد ــ ها دانه ..بتتركينا ..
دانه ــ اووه ..خلاص تبيني اسكن هنا؟؟
خالد ــ شلون حالتج الحين؟؟
الطبيب ــ لا ماشاءالله عليها ..وايد متحسن حالها ...تحدت توقعاتنا وقامت بسلامه ...ولا حد ثاني كان تم شهر على الاقل في المستشفى ..
دانه ــ مشكور دكتور ..ادري ازعجتكم وايد هالاسبوع ..
الدكتور ــ لا .. شالكلام ..هذا واجبنا وأقل من واجبنا ..عن اذنكم ..
خالد ــ عن اذنكم ...

حمد ما علق بس الدانه اسرحت شوي ..اللي خلاها توقف على حيلها ايمانها القوي بالله ..ورضت بالي صار ..تذكرت كلام امها ..امشي ورا اخوانج ..مابقى لج غيرهم ....تمنت دانه لو انه وافقت على خالد لما كانت امها تزن على راسها علشان الخطبة تصير ...ودانه ترفض بحجة الدراسه ...
(( خلاص ..ليش اتمنى شي خلاص انتهى؟؟ ليش اندم على كرامتي ؟؟ يمكن ضاحي يكون زين ومايهيني مثل خالد؟؟ ممكن اعجبه؟؟ بس قمر قالت انه مو راضي ..او ما يبيني ..ما ادري شالكلمة اللي قالتها )) ..

حمد ــ دانه ..وين سرحانه؟؟
دانه ــ ها ..ولاشي كنت افكر ...
حمد ــ بنت اخوج هنا ..
انتبهت دانه ان قمر واقفه جنبها ..
قمر ــ نحن هنا ,,عمتي وين سرحانه؟؟
حمد طلع من دون مايستأذن ..يمكن استأذن بس دانه كانت مشوشه ..
قمر ــ هذا ولد اخوج مايعرف الاصول ..ماعنده مذهب ..
دانه ــ حدج عاد ...الا حمد يا قمر ..هاذا اغلى انسان عندي .. لاتغلطين عليه ..
قمر ــ شفتيه ماسلم ولاسأل عن الحال ..
دانه ــ وانتي شعليج منه ماكنتي تبين خالد؟؟ وبعدين شوفي ويهج ..حمد يخاف ربه ..وشكله استحى من هالميكياج اللي حاطته والغره اللي مطلعتها .
قمر ــ عمتي ...انا كبرت خلاص ..وهالشي عادي ..
دانه ــ شلون كبرتي خلاص؟؟ هذا اللي يسمونه عذر اقبح من ذنب ...المفروض تخافين الله وماتظهرين فتنتج ..لانج كبرتي ..
قمر ـ بس ,,
دانه ــ قمر ..عدلي شيلتج ..ولاطلعت حطيها على ويهج ..مايسوى لج هالذنوب اللي تآخذينها ..
قمر ــ .............
دانه ــ شفتي خالد؟
قمر ــ اييه ..توه طلع من هنا ..ماطل في ويههي حتى ..
دانه ــ لانه نفس حمد ..مايرضى اللي تسوينه ..وأبوج موجود ماله حق يسولف عليج ..
قمر ــ زين عمتي خلاص صكي الموضوع ..ليش ماتيين البيت عندنا ؟؟
دانه ــ خلاص ..حمد تبرع انه يتم معاي يباني آخذ راحتي ..
قمر ــ واذا ابي ازورج؟ وليلى تبي تزورج ؟؟
دانه ــ تعالوا الشقة ..
قمر ــ ماظن ابوي يرضى ..
دانه ــ ابوج سمح لاختج تسافر مع بنات خالتها مايسمح لج تزورين اخته؟؟
قمر ــ يمكن ..مو خايفه من النتايج؟؟
دانه ــ متى بتطلع؟
قمر ــ يقولون باجر ..
دانه ــ مو مهم ..ما ظن خالج يرضى اني ادرس في الجامعه ..
قمر ــ بالعكس ..خالي ضاحي يحب الدراسه ودايم يهاوشني ويا بدور ...لانا ماندرس ..
دانه ـ خالج ..طباعه زينه؟؟ اخلاقه؟؟
قمر ابلعت ريقها وقالت ــ هو زين ..كخال .كزوج ..ماعندي فكره ..
دانه ــ الزبده ..
قمر ــ من بعيد لبعيد ..هو زين ..مايحتك وايد ويانا ..ريال له كلمته ..
شخصيته قوية .
حست دانه انه قمر شوي مترددة ...واتحاول تخبي شي عنها ..
حمد ــ يلا عمتي ..
دانه ــ الحين نروح؟
حمد ــ اييه ..الدكتور قال خلاص ..حالتج الحمدالله تحسنت ..جمعت اغراضج؟
دانه ــ من الصبح ..بس شنطتي الصغيره وجوالي ما ادري وين ..
حمد ــ في السيارة .. يلا ...
قمر ــ الدريول تحت..بروح انا ..مع انه كان ودي اساعدج..
دانه ــ لا ..ما يحتاي مساعده ..
حطت قمر غشوة على ويهها ..ولاحظت دانه نظرات حمد ..كانه متلوم في شي ..سلمت على عمتها وطلعت ..
حمد ـ هي مايات متغشية ؟؟
دانه ــ مدري ..ماشفتها لما يات ..بس شفتها لما اطلعت تغشت ..شقال لك الدكتور؟؟
حمد ــ ولاشي ..قال تريح اعصابها ..الهدوء ضروري لج ..
دانه ــ اخوانك الحمير وينهم ؟؟
حمد ــ هذول وهم اكبر منج..جي تشتمينهم ..احترميهم شوي والله يكسرونج ..لا سمعوج .
دانه ــ مايوني الحمير الا مرة وحده ..مب جني عمتهم ..صج سبال ..
حمد ــ للشقة عمتي ..جدامي ..
دانه ــ انت ضابط في دوامك بس مو علي ..يالزطي . ..
حمد ــ ترا اردج بيت ابوي ..
دانه ــ لا فديتك ..راضية في الشقة مالي خلق اشوف حد ..لا اخواني ولا حريمهم ..
**********

انصدمت من الريحه الغاوية في الشقة ..
ــ هممممممممم ...ريحة كباب ..اما اني اتحلم ولا صحيح ..
حسن ــ حياج عمتي ..الريحه ريحه جبد الخروف ..بس ماعليج شويت لج معاه كباب ...
سلمان ــ وانا سويت لج يش بتآكلين اصابعج وراه ..
خالد ــ عمتي اليوم بتكشفين فوائد التخييم ..

مشعل (ابن سعود 14سنه )ــ حمدالله على السلامة عموه ...
صالح (ابن ثامر 13سنه ) ــ حمدالله على السلامه عمتي ...
افرحت دانه عيال اخوانها محتشرين ومسوين لها استقبال ..
داانه ــ الله يسلمكم ..كل هالاكل لي؟؟
(المطبخ مفتوح على الصاله ..والعيال حاطين سفره على طاولة الاكل ومشعل وصالح يتفنون في السلطات والعصاير ,.)
تنحنح حمد ــ احم احم ..الدكتور قال عندج فقر دم شديد ..ولزم علي انج تآكلين وجبات دسمه يوميه ...عاد استدعيت الاسبشيلست تيم .. المتخصصين في التخمه ..وقلت لهم ابي عمتكم في اوج تألقها خلال ايام من الاكل الدسم والمفيد ..
حسن ــ عاد الدكتور نصح بجبد الخروف ..شبه المطبوخ ..وقال مفيد جدا ..
دانه ــ شبه مطبوخ؟؟
حسن ـ وشفيه ويهج جيه كأنج شميت ريحه خايسه ؟؟ اييه ..انتي تبين دم . ..ماعندج دم ..
دانه ــ لا لا لاا عاد هذي سبه ..انا ماعندي دم ؟؟
حمد ــ عمتي ..لا تضخمين السالفه ..
ابتسمت دانه ..
ــ انا بس اغلس عليكم ..
مشعل ــ انا وصلوح تدبرنا كل العصاير الطبيعيه والسلطاات...
************
الدكتور عبدالرحمن ــ آنسة دانه ...
خالد ـ صارت مدام ..
عبدالرحمن ــ مدامتك؟
خالد ــ لا ...
عبدالرحمن ــ لا ...حسافه كنت مفكر اخطبها ..
خالد ــ ؟؟؟
عبدالرحمن ــ لا ..لايروح ظنك بعيد ..بس اخلاقها ومؤدبه ..وشكلها حساسه وايد ..وانا ما بذكر جمالها .. لانك شايفه .. حسافه نادر ماتلقى حريم بهالصفات ..

ماعلق خالد لانه حس ان عبدالرحمن انصدم بزواجها .....عبدالرحمن اللي ماعرفها الا هالاسبوع ..بس خالد يعرفها من زمان ...يمكن يظن انه يعرفها؟ يمكن ما يعرفها اصلا؟؟؟ افكاره تشوشت ..من اسبوع ابوه ما يكلمه ولا امه ..عبير زعلانه منه وهو نفسه زعلان من نفسه خصوصا لما شاف دانه رضت بنصيبها وتحسن وضعها الصحي .حس بذنب اكبر .
|***********

حمد ـ وذابحيني الاسبيشلست تيم ...العيش ماصخ ما ينوكل ..واللحم مافيه ذرة ملح و لا مستوي عدل والسلطات ماعليها اي نكهه ..حتى الجبده اللي مسوينها تنزف دم ...والعصاير حاره مافيها اي سكر او ثلج .
دانه ــ الاكل مافيه شي يا حمد ..
حمد ــ اذا انتي في صفهم ..غصب عنج تآكلين ..
حسن ميت من الضحك وسلمان منحرج وخالد رجع يشوي الكباب مرة ثانية مشعل وصالح منصدمين ..
دانه ــ شفيك؟؟ اذا على الملح رشة خفيفة توزن الامور ..والكباب الحين يستوي والسلطة رشة ملح وزيت زيتون وسماق ونعناع وليمون وتصير احلى مايكون ..والحين بزيد على تتبيلة الكباب شوية ملح يضبط الطعم كله ..والعصير مكعبات ثلج مع سكر ..ماشي خربان يستاهل التهزيييئه ..بس عطنا ربع ساعه ...
خالد ــ كلامج يبين سهل بس الفعل هو المطلوب ..
******************************
مثل ما قالت الدانه ..يبي للاكل تضبيطات بسيطه ..وبعد ماخلصت ..انصدموا بحلاة الاكل ..
وهم ياكلون ...كان في سيخ كباب جدام دانه ....كانت دانه جوعانه صج لانها طول اسبوع على المغذي واكلات بسيطه ..اول ما مدت يدها للسيخ ..خذه حسن ..
حسن ــ عمتي وراج عرس ..سوي ريجيم ..
خالد ــ حسن ...
الكل سكت ..ووقفت الاشواك ولاسكاكين عن الربشه ..قفط ويهه دانه ..
مشعل ــ اوعدج دندون اني برقص لج في الدخله ..
صالح ــ وانا بعد ..وبشتري سيف ارقص به عرضه ..
سلمان ــ انا مابكون فاضي بيكون تركيزي على البنات اشوف الاشكال الحلوة ..
حمد ــ انا بزفج ..
حسن ــ وانا بسوق السيارة جنبج ..
خالد باستسلام ــ وانا بكون مع سلمان ..
ضحكت دانه ...وحست براحه ..وخذت السيخ من جدام حسن اللي طالعها باستسلام ونزل راسه كانه نبيل في المسلسلات الاجنيبة ...وخلال ثواني ارجعت ربشة الاشواك والسكاكين ....
دانه ــ ماقالوا لكم متى عرسي؟؟
حمد ــ سمعت طراطيش كلام انه بعد شهرين ...
دانه ــ زين ..زوج المستقبل ..
خالد ــ انا شفته وسيم وايد ..
مشعل ــ اييه عمتي ..أنا انهبلت على جماله ..
صالح ــ صدق عمتي ..طويل رزه وشخصيته قوية ..
حمد ــ سمعته زينه وملامح ويهه مش بطاله ..
حسن ــ ترتيبه في الجمال رقم سبعه ...
حمد ــ اييه لا ركزتي فيه شكله احلى بوايد ..
سلمان ــ خوش ريال ..يشبه حمد ..
حمد لف على اخوه بعصبية ..حست دانه انهم كلهم كاتمين ضحكة عودة في قلوبهم ..وشافت الغيظ في عيون حمد والابتسامة الخبيثة في عيون سلمان ..
دانه ــ حمد ,,,رد عليه ...والله طلعتوا كذاااااااااابين ..
وضحكت ...هم ماصدقوا خبر وانفجروا ضحك ...ولف حمد على سلمان وضربه على راسه بقوة ..وسلمان ميت ضحك ...
حسن ــ أظن عمتي عرفتي ليش ابوي ملجج على ضاحي بسرعه ..ماكان يبيج تهونين ..
خالد ــ والله لسانك متبري منك ..شالكلام؟؟
دانه ــ اعرف ..ماله داعي تقولون لي ..بس ادعولي تتسهل اموري ..
حمد ــ الله يسهل امورج و يريح قلبج يا الدانه بنت حسن ..
الكل ــ اللهم آمين ...
دانه ــ لاتمدحونه جدامي مرة ثانية ...أنا شايفه ويهه ..
مشعل ــ عاد حنا بنكون في هالشقة معاج ليل نهار ...واحلى شي انه البحر قريب ..
حمد ــ فجأة لقيتهم عازمين انفسهم .. كلهم يبون يعيشون هنا ..
دانه ــ حر وصيف ..وكلها شهرين ..خليهم ..
خالد ــ تحاططنا كلنا علشان آجار هالشقة ,.ثلاثة ألاف وخمسمية في الشهر تصدقين؟؟ والشقة بس ثلاث غرف وصالة وحمام تكرمين واحد ..والفرش مو لي هناك...عادي ..
دانه ـ وايد ..كل هذا علشاني؟
حسن ــ لا تغترين كانوا يبون سبب ييون جنب البحر وتحججوا فيج ..بكره يخلونج تروحين السوق تتجهزين مع حريم خوانج ويستفردون في الشقة ..
دانه ــ أتجهز؟؟
حمد ــ اييه مهرج عند مريم ..
دانه ــ مهري؟؟
حمد ــ اييه مهرج .مية الف ريال .
خالد ــ عمتي انتي تحبيني؟؟
دانه ــ لا ..ليش؟؟
خالد ــ اذا تحبيني سلفيني خمسين الف!!
حمد ــ بدوا اللعانه ...لا تعطينهم ويه...
****************
يتبع<<<<<<<<<<<<<<<<<<<<<<<<<<<<<<<<<<<<<<<<<<



_________

حلقة 8



****************
الاسبوع الثاني مر ...ودانه تتأقلم مع عيال اخوانها اللي كل شي عندهم وناسه حتى لاقعدوا متمللين يموتون من الضحك .. مريم عطتها نص المهر والنص الباقي حطته في البنك ..ودانه كل يوم تطلع لمده ثلاث ساعات للسوق مع مريم وقمر ...

خالد ــ عمتي ...لحقي النتايج نزلت ...
دانه ــ أمااانه؟؟ زين كم يبت؟؟
خالد ــ انا الحين على النت ..بس ابي رقم جلوسج..
دانه ــ هات انا اكتبه ابي اكون اول وحد اشوف النسبه .
خلال دقايق صرخت الدانه ...

طل خالد على الاب توب ...
خالد ــ واو .مبروك ...عمتي انتي من اصحاب التسعينات وحنا ولاندري؟؟
حمد ــ ليش الصراخ ؟؟
ركضت دانه و عانقت حمد...
ــ يبت واحد وتسعين واثنين من عشره !!!!!!هههههههههههههههههههههههههههههههههههههههههههه ههههه
خالد ــ سكنهم مساكنهم ..عمتي شفيج؟؟ انهبلتي؟؟ انتي مو اول ولا آخر وحده تيب هالنسبة؟؟
حمد ــ أيوه احلى غيره ..مبروك عمتي ,,,تستاهلين كل خير...
دانه ــ الله يبارك في عمرك ..قمر ..شوف رقم قمر وبدور ..
حمد ــ حافظة ارقامهم؟
دانه ــــ اييييه ..


********
ــ هذا هو العنوان ...
ــ ما بدك تكتب بطاقه؟
ــ الا ..
مسك بطاقه وكتب عليها ..
(( مبروك باين دروس الانجليزي جابت نتيجه ))
كانت باقة ورود وايد حلوة .. كلها جوري ..حمرا ..ارفق معاها زجاجه عطر غالي ..وعلبة شوكلاه فاخره ..طالعها خالد للمرة الاخيرة ..وطلع بره المحل ..يمكن هالهدية تخفف عليه الشعور بالذنب اللي يواجهه تجاه دانه ..
******


الحفله الكبيرة اللي سووها العيال لعمتهم كانت لاتنسى ..ماكان حد حاضر غيرهم ..حتى بدور وقمر ماجوا ..خصوصا ان نسبهم كانت بالمره قمر نسبتها واحد وسبعين ..وبدور تسع وستين
حمد ـ عمتي ..تلفون .
دانه ــ من؟
حمد ــ ناس .
انتبهت دانه لملامح حمد ..كانت جاده ..
دانه ـ الو ..
المتصل ــ مبروك ..
دانه ــ الله يبارك فيك من معاي؟
اللي ذهل دانه انه صك التلفون في ويهها !!! التفت لحمد ..
ــ من هذا؟؟
حمد ــ يعني مين ؟؟ مصطفى قمر؟؟ ولا كاظم الساهر؟؟
جواب حمد خلاها تندهش ..ــ ضاحي؟
حمد ــ اييه ... انا بروح ناطرينج توزعين الكيك اللي طرشه ..
دانه ــ من طرشه؟
حمد ــ مصطفى قمر ..
دانه ــ ضاحي طرش كيك لي؟
حمد ــ اييه ,,.

سكتت دانه ..هالصوت الخشن لضاحي؟؟ ضاحي طرش كيك؟؟ شمعنى هالكلام؟؟ ياني غبية ..خلاص صرت زوجته اكيد واجب انه يبارك لي سواء كان يبيني ولا مايبيني ...
راحت الصالة ...وانصدمت ..
دانه ــ وااااو ...
كان قالب كاتوه كبير على الطاوله ..ومكتوب عليه مبروك النجاح .. ..
حسن ــ عمتي شدراه انج تحبين الفانيلا وماتحبين الشوكلاته؟؟
دانه ــ ما ادري ..
خالد ــ شكلنا ظلمنا هالضاحي . ...صراحه استحي اطلع الكيك اللي يبته ..مايسوى شي جدام هالكيكه ,,
دانه ــ بالعكس بالنسبه لي احسن من هالكيكة ..
مشعل ــ عمتي الكيكه موب كريمه مثل كيك خالد ..الكيكه كلها ايسكريم ..
دانه ــ صج؟؟ شدراه اني احب الايسكريم؟
خالد ــ.يلا الكيكه لا تذوب يابها المحل بنفسه ..يلا ..
دانه ــ لاتخربون شكلها ابي اخش لقمور وعبور منها ..
حسن باشمئزاز ــ قمور وعبور؟؟ شو هذولا فيرانج ولا قطاوتج؟؟
دانه ـ وحده بنت عمك والثانية بنت خالي ..يعني خال ابوك ..ربعك الفيران والقرود ..
حسن ــ أفاااا عيال عمي ..غلطت عليكم العمه ..

مشعل ــ لازم نصور ..قبل لا نقص الكيكه ..
حمد ـ انا ما ابي اصور ..
دانه ــ يلا ..أبيكم كلكم تصورون معاي ..ابي هالصورة علشان اكبرها ..وأحتفظ فيها ..
وقفوا كلهم جدام الكيكه اللي يابها ضاحي ..مكتوب عليها مبروك النجاح ..والنسبه اللي يابتها .. . جهز حمد الكاميرا وركض يوقف معاهم...

رن جرس الباب ..راح خالد يفتح ..ورجع ..انهبلت دانه على الباقه ..وعلى الهديه وعلبه الشوكلاته ..
ويوم قرت البطاقة اضحكت ...
حمد ــ من مين؟
دانه ــ ناس ..انت شعليك؟ لي ريل يحاسبني ...
حسن ــ الله الله ...بدت تتكلم ..بدا اللسان ..بدا تأثير الريل ..هذا وهو بس طرش كيكه ...
دانه ــ حسونه ترى والله سكت عنج وايد ..
حسن مسك يد عمته بقوة ــ من حسونه؟؟
دانه ــ انا ..خلاص ..لاتعورني ..
مشعل ــ طلعتي ديايه يا عمت ...شوفي سلمان ولا اهتم في حد وبياكل الكيكه كلها ..
انقضوا العيال على الكيكه ومعاهم دانه هي تحب هالنوع من الكيك..تموت فيه ..
*********

ــ ما ابي أشتري ..
مريم ــ تعالي لازم تشترين ..
دانه ــ ما ابي ..
مريم ــ وين رايحه؟؟ تعالي ..
حاولت دانه تبعد قدر ما تقدر ..للحين ما تقبلت فكره زواجها ..وما اشترت الا اشياء بسيطه ..لكن مريم صدمتها لما يابتها عند هالمحل ..
ركبت السيارة ..
دخلت مريم ــ ليش ؟؟
دانه ــ ما ابي ..
مريم ـ تبين اشتري لج انا على ذوقي؟
دانه ــ ما ابي شي ..ما ابي . وياويلج اذا اشتريتي شي ..
مريم ــ انتي هبله؟
دانه ــ راجو ..امشي البيت ..
مريم ــ لا والله انج مو صاحيه ..راجو مر الخياط ..
دانه ــ اي خياط؟
مريم ــ ماتبين فستان عرس بعد؟؟ شرايج؟؟
دانه ــ ما ابي ..
مريم ــ عن الخبال ..ماباقي شي على العرس ..اقل من شهرين ..
انتفضت دانه ...
مريم ــ ماتبين تخيطين فستان عرس؟؟
دانه ــ ما ابي .. هالعرس ما ابيه ..
مريم ــ دانه ..
ما مسكت دانه دموعها ..تحاول تنسى لكن كل شي يذكرها فيه .. اقل من شهرين ويزفونها لضاحي ..من ضاحي هذا؟؟ ما تدري ..
مريم ــ تبين تأجرين فستان؟
دانه ـ ما أبي ..
مريم ـ دانه ..البنت مو كل يوم تعرس ..على الاقل اذا الريل مو نفس مزاجج ..على الاقل اطلعي في عرسج أحلى عروس ..علشان نفسج ..عرسج مثل ما سمعت بيكون فخم .. المفروض فستانج وشكلج يكون فخم ..انت استانسي بنفسج ..مو كل يوم تعرسين ...

دانه ــ خلاص ابيه آجار ..
مريم ــ آجار؟؟
داته ـ ابي أشتريه من لبنان ..ما يهمني كم يكلف ..كلامج صحيح .بكره انا مسافره لبنان ..
مريم ــ انتي صج انهبلتي من بيسافر معاج لبنان؟؟ ومن قال لج ريلج بيخليج تسافرين؟
دانه ــ وشدخله؟
مريم ــ ما تقدرين تسافرين بدون اذن منه .!!
********
دخلت الغرفة بعد ما لقت الكل في مباراه حاميه في السيجا ..
طالعت تلفونها ...بتكلمه وتطلب منه ؟ ولا تخلي اخوها يكلمه؟؟ لحظه ليش اخوها؟؟ قمر يمكن تحل المشكله كلها ..
اتصلت على قمر ..
ــ هاي ..
دانه ـ هايات ...وينج؟
قمر ــ كنت بزورج ..اتصل ابوي في الشقة واكتشف ان حشد من عيال عمي عندج ...عصب علي ..
دانه ــ تشهدي .. لاتحسدينهم ..
ضحكت قمر ــ لا اله الا الله ...شسوي ..مليت من الوحده اللي انا فيها ..
دانه ــ وصلت بدور؟؟
قمر ــ لا ..ما بتيي لي شهر ثمانيه حق عرسج ..
دانه ــ زين بنات خالتج عندهم اخوان؟
قمر ــ اييه ..بس في امريكا واستراليا يدرسون هناك ..
دانه ـ تعالي لي اليوم بفضي الشقة ...بطردهم ..
قمر ــ ان شاءالله ..
دانه ـ وابي منج شي ..اتصلي في خالج ..وقولي له ..اني ابي اسافر لبنان ..
قمر ــ يالخاينه ..من وراي؟
دانه ــ بآخذج معاي ..أنتي ونايف ..بس خذي منه الاذن ..
قمر ـ اليوم برد لج خبر ..ليلى ..مسكينه متولهه تبي تشوفج.والله مشتاقة لج ..من متى ماشفتج؟؟ من كنتي في المستشفى ..
دانه ــ حياها الله ..تعالي بعد الساعه سبع ..
قمر ــ ان شاءالله اصلي العشا وأييج .. باي ..
دانه ــ باي .
طلعت دانه الصاله ..طالعت الساعه ست ..المغرب ..
دانه ــ احم احم ...بيوني ضيوف بعد شوي ..ممكن تفضون الشقة ..وياليت تنظفون الحوسه اللي مسوينها ..
حسن ــ عمتي حنا الحين في خضم مباراه هامه ..تقدرين تقدمين طلب للديوان ..وراجعينا خلال ثلاثة ايام ..
دانه ــ هيه ..الساعه سبع بيوني ضيوف!
سلمان ــ بناااات؟؟ أحلى ضيوف ...
خالد ـ احلى أحلى ..كم وحده؟؟
دانه ـ عن المصاخه عيال اخواني المحترمين ..يلا ..ابي أرتب البيت ..
حسن ــ لا يكون قطاوتج قمور وعبور ؟؟
دانه ــ زين ذكرتوني اعزم عبو...وانتوا شدخلكم ؟ بدخل اتكلم بالتلفون واطلع ...واتمنى انكم تفضون الصاله!

دخلت دانه وكلمت قمر وطلبت منها انها تمر عبير وتيبها ..
ــ أدري انج متشققه الحين ..
قمر ــ متشققه وبس؟؟ آآآآآه على الاقل اراوي ليلوه خالد ..علشان تعذرني .
دانه ــ خلاص لا تطولين عندهم ..يلا باي ..
طلعت دانه للصاله ..ولقتهم كلهم مثل ما هم ماحركوا شعره ..
*******************
عبير ــ صدقني خالد ..أكيد بتكون الشقة فاضيه ..
خالد ــ مو وارد ..
رجعت عبير للتلفون ..
عبير ـ خلاص قمر ..لاتمريني ..
تمرها؟؟ يعني قمر بتيي هنا؟؟
خالد ــ خلاص روحي .. قولي لها تمرج ..
ابتسمت عبير ...وقالت ــ سمعتي؟؟
وبعدين ضحكت وصكت التلفون ..
خالد ــ شقالت لج خلاج تضحكين؟
عبير ــ شي ..
خالد ــ ترى ماتروحين لو ماقلتي...
عبير ــ اوو ..وتبتزني؟؟ مافيها شي اتصل فيها واقول لها لاتمرين ..
خالد ــ تتذاكين؟؟
عبير ــ لاء ...وأنا أقدر؟
راحت عبير لغرفتها تجهز نفسها ..وخالد ظل متحير شقالت قمر خلى عبير تضحك؟؟

حمد ــ خذي ..يبت لج الحلويات ..سويتي قهوه ؟؟
دانه ــ اييه سويت ..مشكور تسلم لي يالغالي ..
حمد ــ شدعوه عمتي .. طلبت لج عشا ..بيبه راجو الساعه تسع ونص ..
دانه ــ حمود ..يعل عيني ما تبجيك ..تسلم لي ما ادري شلون بطلع من يزاك. والله بس تسهل اموري ...بدور لك أحلى زوجه ..
حمد ــ ياليت . عن اذنج ..مشعل داخل ولا طلع؟؟
دانه ــ طلع مع الكل ..تلاقيهم في الشاليه مال رفيجهم ..يقولون قريب من هنا .
حمد ـ اعرفه ,, تبين شي؟؟
دانه ــ لا .يسلم راسج ما بي شي ..
حمد ــ في أمان الله ..
دانه ــ الله معاك ..
*******************
وصلت سيارة قمر ,,,
خالد طل من الدريشه .. نزلت قمر ..وما كانت حاطه غشوه على ويهها ..ونزلت ليلى وظلوا واقفين في الحديقه .. كانت قمر عاجبه خالد وايد ...جمالها في نظره فريد ..بس للاسف ماله ويهه يطلب يدها هالسنه لانه متحجج لناصر انه ما عنده استعداد للعرس شيكون موقفهم منه لاخطب قمر ؟؟ على الاقل ينطر سته اشهر ..
عبير ــ على الاقل قلط البنات ..مخليهم واقفين بره ..بس تطالع ؟؟
خالد ــ ما طقوا الباب ...يعني ما بيدخلون ..وحركتهم هاذي مكشوفه ..هم يبون يسولفون ..يمكن يحشون فيج ..
عبير ــ يحشون فيني؟؟ انت صاير لعقلك شي؟؟ شدراك ..يمكن يحشون فيك.
خالد ــ احسن انج تطعلين لهم ..قبل لا اكنسل روحتج ..
عبير ــ زين سلفني فلوس ..ما هديت دندون شي ..
خالد ــ خذي هذي ثلاثمية ريال ..مافي غيرهم ...
عبير ــ يمشي الحال ..باي ..وبس عن مطالعه خلق الله ..
*********
قمر ــ وافق ..بس بشرط ..ماتطولين عن اسبوعين ..
دانه ــ صحيح؟؟ الحمدالله ..توقعته مايوافق ..
قمر ــ هو صراحه في البدايه ما وافق ..بس بركات بنت اخوج أقنعته..وقلت له اني وابوي بنسافر معاج .تردد بس وافق ..وقلت لبوي وقال ان التذاكر بتكون عليه ..بس ما بيسافر معاج ..بيسافر اي حد من اعمامي الباقيين لان امي على وشك ولاده ..
دانه ــ هالتفاصيل موب الحين ..خلينا نطلع لليلى ..ونستانس ...
***********

ليلى ــ أمانه دانه ..شنو شعورج بعد ما أصبحتي حرم ضاحي؟
الدانه ــ شعوري اني خلاص انتهيت ..دانه بنت حسن اللي تعرفونها خلاص ..انتهت ..
قمر ــ اكيد بتبدأ دانه الزوجه ..البنت وصارت مدام .. شناوية تشترين فستان العرس ؟؟ ششكله وموديله؟
دانه ــ ما خططت للحين ..بشوف وأختار اللي يعجبني ..
ليلى ـ معقوله ما كان عندج أحلام لليله العمر؟
دانه ــ هذي الفاضيه المدللله اللي عندها هالاحلام . انا كان وقتي متوزع بين عيال اخواني فما فكرت بهالزواج ابدا ..
قمر ــ صراحه ..أنا أعتبر عمتي القود ماذر ...الام الروحيه لنا ..لانها هي الوحيده اللي وقفت معانا في قمه احتياجاتنا .
دانه ـ لا هالكلام كبير ..انا مثل ما قال ناصر ..كنت اؤدي دوري كعمه .
التفت دانه لعبير ..اللي كانت ساكته وما تعلق ..
دانه ـ عبير ليش ساكته ؟ حتى ما كليت ولاشربتي شي ..
عبير ــ ما في شي ..اسمعكم ..بس .
دانه ــ لا ويهج يقول شي ثاني ..
ليلى ــ صحيح في السياره كنتي تتكلمين ..شاللي خلاج تسكتين؟
عبير ـ اسمع كلامكم بس ...
******************

******************

كان واقف عند الباب ..نزلت قمر مع عبير ..وسلمت عليها ..ورجعت اركبت السياره ..دخلت عبير البيت وهي مكتئبه ..
خالد ــ شلون كانت الزياره؟؟
عبير ــ بس تأكدت من شي واحد ..
خالد ــ وشو هالشي؟؟
عبير ــ انا أكرهك ...


يتبع///////////////////////////////




_________

حلقة9

ركضت عبير لغرفتها ودموعها في عيونها .
فكر خالد ..
(( كملت ...فوق ان امي وأبوي ولا مفتكرين فيني ..أطلع وأدخل ..ولا حد داري عني .. عبير الحين تكرهني وهي الشخص الوحيد اللي كان عادي معاي ؟؟حتى اخواتي جافات في معاملتي ..أحسن لي اني اطلع من هالبيت .. قبل لا أختنق من السكوت والتوتر ..))
حط ثيابه وأغراضه في شنطه ..صغيره ..ملابس تكفيه اسبوع ..وطلع بره غرفته..كانت امه في الصاله وبيدها كتاب تقرأ فيه ..
خالد ــ يمه .. انا بتم عند صديقي كم ليله ..لا حد يحاتيني ..
ام خالد ــ ..............................
خالد ــ مع السلامه يمه ...
ام خالد ولا رفعت راسها من الكتاب وقلبت الصفحه ...خالد حس بحرج (( اروح بلا احراجات .))..وطلع من البيت ..

عاد أي صديق هذا؟؟ خالد ما يعرف حد من ربعه ساكن لحاله ..ربعه فهد ومناحي متزوجين ..بيتم في فندق ..لين ما يلاقي شقة أجار ..
**********
حمد ـــ دانه..دانه ..تعالي ..
دانه ــ نعم ..
حمد ــ بتسافرين بروحج؟
دانه ــ اسبوعين بس ..للبنان ..
حمد ــ من بيسافر معاج؟؟
دانه ــ قمر .. وما ادري من اللي بيرافقنا من اخواني نايف اعتذر ان زوجته بشهورها الاخيره ..
حمد ــ أنا أسافر معاج ..
دانه ــ يعني ما بتنحرج من قمر؟
حمد ــ قمر ماراح تسافر ..خل تستحي على ويهها ..
دانه ـ وأنت شحارك؟؟ قمر ابوها مرخصها تسافر مع عمتها ..
حمد ــ انا بروح وياج ..وهي خليها في بيت ابوها ..وخلاص .
دانه ــ حمد ..اذا تعزني خليها ارجوك ..انا محتاجتها معاي ..
حمد ــ بيكون شكلها غلط اذا سافرت معانا ..
دانه ــ حمد ,,أنا مو كل يوم اسافر ..على الأقل لبي لي هالطلب .
حمد ــ بشرط!!
دانه ــ وتتشرط؟؟ قول ششرطك؟
حمد ــ انا ادفع التذاكر ..
دانه ــ لا ..كافي الشقه أجرتها لي ..
حمد ــ خلاص قمر ما تسافر ..
دانه ــ أحسن ..ولا تدفع أنت ..
حمد ــ وانا ما ني مسافر ..
دانه ــ لا حمد ..أنا ما ابي حد من اخواني اتضايق لا شفتهم ..احسهم السبب في تدمير حياتي ..
حمد ــ خلاص ..أنا أدفع ..
دانه ــ خلاص ..تدفع تذكرتك وأنا أدفع تذكرة قمر وتذكرتي ..
حمد ــ الثلاث تذاكر على حسابي ولا ..مافي ..
تنهدت الدانه ..
ــ ليش؟ أنا ما أبي أكلف عليك ..كافي الحفله مالت نجاحي ..وتأجيير الشقه ..ووالهدايا ..كافي ما أبي أثقل عليك .
حمد ــ أبي أفرح فيج ..خواتي صغار ومافي زواج لين عشر سنوات على الأقل ..وأنا مأجل الفكره لين سنتين يايين ..وأخواني للحين ماخلصوا الجامعه ..على طاري الجامعه .. متى بتقدمين؟
دانه ــ بعد العرس على ما اعتقد ..
حمد ــ لما ترجين من السفر قدمي على طول ..بس اي تخصص بتدخلين؟
دانه ــ ما ادري شكلي ادارة واقتصاد .
حمد ــ يو الخبول ..
الشباب ــ السلام عليكم ..
حمد +دانه ــ وعليكم السلام .
سلمان ــ شفيكم يالسين متحنطين كأن على رؤوسكم الطير ؟
حسن ــ سلمان ..ليش قاطعت اجتماع الامم المتحده ؟؟
سلمان ــ اووه ..لا ..قررتوا تحرير فلسطين ؟؟ أخيرا ؟؟ قررتوا ان تتحدوا؟؟ الى الامام ..سر ...
حسن ـ هذا جن وقعد .سلوم ...شسالفتك؟
مشعل ـ والله اثنينكم ينيتوا ..ما فهمت ولا كلمه....
سلمان ــ هذي خطط للمستقبل ..
دانه ــ أراجوز؟؟؟
سلمان ــ اراجوز في عينج ..ان شاء الله ممثل عظييييم ..
دانه ــ خيبه ..ممثل؟
حسن ــ عمتي بكره عازمج على العشا ..
صالح ــ والباقين مالهم رب؟
حسن ــ كل واحد يدفع عن نفسه ..مالي شغل فيكم ..امس عشيتكم على حسابي ..وعمتي بكره ..
دانه ــ أنا بكره بسافر .
صالح ــ وين؟
دانه ــ لبنان ..أسبوعين تسوق ....
صالح ــ اسبوعين.؟؟ مع مين .
حمد ــ معاي ..وممنوع المرافقين ..
مشعل ــ وليش ان شاءالله ..لبنان .. وبروحكم؟ انا معاكم .
سلمان ــ انا بعد ..لبنان؟ وااااو ..أكيد البنات الحين في عز الصيف كله على البحر ...
حسن ــ واو ..وينك يا خالد ..
خالد دخل في نفس اللحظه ..
خالد ــ سمعتكم تطرون اسمي .
حسن ــ العمه تبي تسافر لبنان ..
خالد ــ أووووووووووووووووووووووووووو . شالتطور؟؟ انا بسافر أول واحد ...مكن اشوف هيفا ولا اليسا على البحر ..
دانه ــ خييييييييييييييييييييييييييييييييييييبه ..قوموا ..قوموا ..محد رايح معاي لبنان ..قوموا العن اليوم اللي شفتكم فيه ...
حسن ــ حنا شفناج ..قبل لاتشوفينا ..
حمد ــ عنبوا الذاكره ما بينك وبينها الا كم سنه ..كم كان عمرك سنتين؟
حسن ــ مايهم اذكر ولالا ...بس انا شفتها قبل ..صح ولا لا؟؟
حمد ـ يمكن هي شافتك اول؟؟
حسن ـ لا كانت مسكره عيونها ..
حمد ــ ليش ما تكون انت اللي مسكر عيونك ؟؟
طبعا الكل كان يراقب حمد وحسن في اهتمام ..يبون يشوفون وين بتنتهي هالمحادثه السخيفه ..
خالد ــ المهم ..يا عباقره ..انا اللي بسافر ..





***************
يتقلب في فراشه وهو ملان..وين يروح هالحزه وهو عنده دوام الصبح ؟؟ فتح شنطته وطلع ملفاته ..وكان بينهم ملف اسود ..ملف دانه ..تذكره ..كان بيرده لها ..بس هو ما قرأ منه الا ورقتين بس ..فتح الملف ..ولف عن الصفحات الاولى ...لقى قسم ..مكتوب عليه كلمه سيدي ..

(( سيدي ..كف عن ايذائي .
.فلست سوى جلاد امره القدر باقصاء رأسي ..))
* من صار اللي صار ..وأنا تفكيري كله فيك انت ..صرت شغلي الشاغل ..ما اعرف شسوي ..شلون اتصرف ..انا ما اكن لك اي موده ...يمكن في ..بس الكرامه فوق كل شي... ..ماعدا امي ..امي الوحيده اللي فوق كرامتي ..وهذا يعني ..*
ما كملت دانه الكتابه ..احتار خالد ...من تقصد؟؟ وليش؟؟ شالسالفه؟؟ قلب الصفحه ..
(( سيدي ...
حاولت نسيان ماضيك ...وحاولت تذكر حاضرك ..
فكان الماضي اقوى من أن ينسى ..
والحاضر اضعف من ان يبقى ...
فتبا لمستقبلك الذي حاولت اغرائي به ...))
* لا ..لا ..مستحيل بعد اللي شفته اليوم اغير قراري .. شفت انسان اناني ..هالانسان بيحطمني يمه اليوم ولا بكره .. على الاقل ..بيحطم شي فينني .

احتار خالد ..عن مين تتكلم دانه؟؟ من هذا اللي واثقه انه بيحطمها؟؟ معقول في حياتها حد؟؟ قلب الصفحه ..وكانت ممزعه ومقطعه وبعدين لصقتها دانه ببعض .. كانت رساله ..

(( اليك ..نهاري ..وليلي .يومي ..وأمسي ..اسبوعي ..وشهري ..لك كل ايام عمري ,,,بعتها لك ..مقابل نظره من عينيك اشعر خلالها باسمى المشاعر تغزو قلبي ..وأجمل الاحاسيس ..تسري في جسدي ))

وتحته كتب
(( وصلتني رساله ..مليئه بعذب الكلام ..لكن الصدمه ان من وقعها لم يكن انت ..ولم يقصد ان يرسلها إلي .. فتساءلت ...متى ستخطئ انت وترسل مثيلتها إليَ؟؟ ))

ما فهم خالد .. في الاوراق اللي قبل كتبت انها مب مهتمه ..والحين تكتب انها تمنى؟؟ يمكن هذي خواطر ما تقصد بها احد ..قلب الصفحه ..

(( كرهت وحقدت ثم نسيت ....
ثم عدت فعشقت من نسيت ...))
* اكتشفت اني احبه ..لا كلمه الحب قويه ..يمكن الفت وجوده ..تعودت وتفكيري اليومي انه جزء من حياتي سواء في الماضي ولا الحاضر ولا المستقبل عودني على تقبله ...بالمنطق ..شخص افكر فيه 22ساعه في اليوم ..ما أألف وجوده في حياتي؟ ما أحبه|؟؟ بس ..ضروري اني ما أتعلق بهالحب ..علشان ماتبان خيبتي قدام احد ..وما يبان انكساري ..اللي في قلبي ملك لي ..ولهالأوراق ..وهذا عهد بيني وبينها ...انا احبك ..يا ...... بس ..حبك للحين ما استقر في قلبي .بيظل دايم متشتت ..لين أعرف نهايه هالحال ..
_
عصب خالد وايد ..ليش ما اذكرت اسم؟؟ من هذا اللي في حياتها ؟؟ يمكن الاوراق تكشف له الحقيقه ..بس هو حاليا تعب من القراءه ..وعنده دوام بكره..بيكم بكره ..دس الملف بين الملفات ..بيقرأه بكره في الاستراحه ..
*********
تكره الطياره ...حمد واقف جنبها ..وقمر محتره واقف وراهم ...
قمر تهمس ــ عمتي عمتي ..
لفت لها الدانه ـ لبيه ؟؟
قمر ـ تعالي ,,
ارجعت دانه خطوتين ورى ..ــ شو؟؟
قمر ــ ابن خوج هذا اللي ما يستحي ..ليش مو عادني موجوده ؟؟
دانه ــ مافهمت ؟؟ شتبين منه ؟؟
قمر ــ يعطيني ويه ..مايخليني كأني الخداامه امشي وراكم ...
دانه ــ حطي غشوه على ويهج ..ما يعاملج جي ... اكيد مستحي منج على كثر الميكياج اللي في ويهج ..الله يهداج ..
قمر ــ حنا رايحين لبنان ..وهالشي عادي ..
دانه ــ عادي ؟؟ تحطين مكياج سهره احمر ..عادي؟؟ لفي ويهج بالشيله ..تراه ساكت لان نايف اخوي واقف ..ولا علمج الاصول عدل ..
حطت قمر الغشوه على ويهها ..
دانه ــ لاركبنا الطياره روحي الحمام ومشيه ..
حمد ــ وين أوراقكم؟؟ وجوازاتكم ؟
طلعت قمر اوراقها ودانه نفس الشي ..لفت قمر وسوت باي لابوها ..
حمد ــ هيه ..انتي ..لمن تأشرين؟؟
قمر ــ وأنت شعليك ..مالك خص .
عصب حمد ..تدخلت دانه
ــ قالت باي لنايف ..عمك شفيك صاير جبريت ..
سكت حمد ..ولف ويهه ...
خلصوا الاجراءات ..وركبوا الطياره ..حمد قدامهم .,..وهم يلا يلحقون على خطواته السريعه ..
اجلسوا ..كان حمد على الطرف ..وبعدين دانه وقمر داخل ..
دانه كانت خايفه موت ...كانت ماتقدر تتنفس ..أول مره تسافر بالطياره ..سافرت مره عمره مع امها بالسياره ..
دانه ــ حمد لا طاحت الطياره ..وأنقذوك ..انت او قمور ..عط خالد مهري ..اوكي ؟؟
قمر ــ خالد ؟؟ ليش خالد؟؟ دكتور وما عليه قصور ..
كانت قمر تتكلم بغيره ..وحمد تحولت نظراته ناريه ..صححت دانه ..
ــ خالد ولد أخوي نايف ..موب ولد خالي ...صج خبله ..
حمد ــ ليش واثقه انهم بينقذوني ؟؟ ليش ما ينقذونج وأنا أموت ..
دانه ــ اسم الله على عمرك ..أنا ولا انت ان شاءالله ..بس انا اعرف حظي ردي ...فما بيساعدني ...
حمد ــ شالكلام ..كوني متفائله ...تفائلوا بالخير تجدوه ..شفيج عمتي ..يلا الحين الاقلاع ..تأكدي من الحزام ...
انتفضت دانه .,..وحست بكل ذرات جسمها تتراقص ..مسك حمد يدها ..ومسكت قمر يدها الثانيه ..
قمر ــ عمتي ,...لو هالرحله بصاروخ شصار فيج؟؟ الرحله ان شاءالله سهله ..بس بتحسين بدوخه بسيطه من الضغط ..وحتى بعض الاحيان ما بتلاحظين ..
حمد ساكت ما علق ..
دانه ــ يا ساتر ..
اقلعت الطياره وقلب دانه اقلع معاها ..حست بدوخه ..ولوعه ..كانت ترتجف ...المضيفه لاحظت هالخوف عند دانه وارتجافها وشحوب ويهها يابت لها عصير برتقال ..
ــ خذي ..البرتقال منيح ..
كانت قمر متغشيه ..ودانه نزلت الغشوه ..بس ويهها مافيه اي مساحيق تجميل ..عكس قمر ..
بعد ربع ساعه .
همست دانه ــ قمر قومي للحمام ومشي هالمصايب من على وجهج ..
قمر ــ ليش عمتي مو حلوه؟؟
دانه ــ بالعكس طالعه جنان ..بس ولد عمج مايحب هالحركات ..قومي ..
قامت قمر ..ومشت قدام دانه ..وبعدين قدام حمد اللي كتم نفسه ..
حمد ــ اوف ...حاطه غرشه العطر كلها؟ هذا بنت اخوج لاحيا ولا مستحى .
دانه ــ بس ..عن العياره ..عطرها عادي ..
حمد ــ شفيج ماسكه مسند الكرسي جي؟؟ دانه لاطحتي ما بينفعج التمسك ..بيطيح الكرسي معاج

*******************************
دكتور فارس ــ مره ثانيه أثبت براعتك يا خالد ...
خالد ــ هذا واجبي كطبيب ..
هز الدكتور فارس راسه بلا ..
خالد ــ مجرد حاله انقذتها من التدهور ..واجب كل طبيب ..
فارس ــ كل ما يالك ,.,,وتكبر أكثر في عيني ...عن اذنك ..

خالد انقذ حاله طفل سوى حادث انكسر فيه ضلع ولا حد كان داري ..وكان بيموت من ثقب في رئته ..بس خالد كان موجود ..الله لطف في هالطفل ...

خالد محد يحبه في المستشفى ..لانه مغرور ..ومتعجرف ..وماعنده دبلوماسيه ولاعنده مجاملات ..وزملاءه في القسم يتحاشون يتكلمون معاه .علشان ما يفشلهم ..بس غير هذا رغم صغر سنه اثبت كفاءته ..وعبقريته ..

دخل مكتبه ولقى الدكتوره مها ..
خالد ــ السلام عليكم ..
مها ــ وعليكم السلام ..شحالك دكتور خالد؟
خالد ــ حالي ممتاز ..وحالج؟
مها ــ زين ماشي الحال ..ولو أعرج ..
حس خالد انها مرتبكه ..
خالد ــ شلون أخدمج ..
مها ــ سمعت ان وقتك فاضي ..وسمعت انك تقدر تشيل اكثر من شفت ..
ابتسم خالد ..هي مرتين مره ساعد دكتورة هيام والمره الثانيه لما ترقدت الدانه ..أه يالدانه ..
ــ اقدر اساعدج ..
مها ــ رفضت الاداره تعطيني بكره اجازه ..وأنا مضطره اسافر ..محد يغطي مكاني ..انا مستعده لو تبي اشيل عنك الشفت لما ارجع ...
سكتت ...وما زادت ..واللبيب من الاشاره يفهم ليش تحرج نفسها؟؟
خالد ــ انا بكره اجازه ..وما كان عندي اي خطط .. للاجازه ..مستعد اغطي مكانج ..
ابتسمت مها ــ ما ..
خالد ـ وما أحب حد يناوب عني ..فاعتبري الامر خدمه مجانيه ..تفضلي ..
مها ــ شكرا ..
الدكتوره مها تقريبا من عمر خالد ..وتوظفوا في وقت واحد ..
مسك ملف الدانه ...عنده استراحه نص ساعه ...
راح الكافتيريا ..وخذله كوفي ودونت ...فتح الملف ..وكمل قراءه ...

(( أمنيه ..كل ما ابي من هالدنيا ..شي واحد ..أنها لا تجرحني ..))

** شفت عبير اليوم ..وقالت لي انه ما في خبر عنه ..سنتين وأنا احاتي ...ولما ماتت امي مالقيته جنبي ...شلون بيكون زوجي وريلي ..وهو ما وقف معاي في اقوى طيحاتي ..اتذكر لما يا المستشفى يوم طاحت امي اول مره ..كرهته ..كرهته .. بس اليوم هالشعور انعكس .. ابيه يرجع مثل قبل ..ابي اكرهه ..ما ابي ابين ضعفي جدام احد ..كرهي له هو السلاح اخبي هالمشاعر الكريهه ,,,

تيبس خالد . .((أنــــــا؟؟؟ دانه كانت تحبني أنـــا؟ ..بس يوم كنت اشوفها كان الكره في عيونها لي ..انا متأكد ... هذا كره ماهو حب ..يا ترى شمخبيته زياده في هالاوراق ؟؟ ))

ــ الكرسي فاضي؟؟
رفع خالد راسه ..دكتور فارس يكلمه ..صك الملف وحطه على جنب وشال اغراضه من على الكرسي ..ــ ولو ..حتى لو محجوز يفضى لك ..
فارس ــ شكرا . ما في مكان ..قلت ايلس وياك ..
خالد ــ وأنا أفتخر ..تفضل ...
فارس ــ اذا ما في تطفل ..شاللي خلاك مندمج وايد ..ولا شفتني ايي قربك وخلاك ما تقرب من قهوتك ؟
خالد ـ هو ما في تطفل ..بس كنت أقرأ شي خاص ..
فارس ــ رساله من معجبه مثلا؟
خالد ــ ههههه .معجبه مرة وحده؟ لا .. ما وصلتنا رسايل .. بس اكيد وصلتك انت؟؟
فارس ــ المدام هي المستلمه البريد ...وهي تسوي فلتر ..
خالد ــ لا ..على جذي ودع رسائل الحريم كلها ..
فارس ــ على قولتك ..اتصلت فيك امس ما حصلتك في البيت ..
خالد ــ ما تصلت على الجوال ؟؟
فارس ــ مغلق ..
خالد ــ حاليا انا في الكونتنتال ..
فارس ــ فندق؟؟ لا يكون عرست ؟؟
خالد ــ لا ..ما عرست ... العرس يبي له طوله بال ...
فارس ــ بتشيل بكره الشفت؟.
خالد ــ ايه ..دكتوره مها مضطره ..وانا ما عندي خطط ..
فارس ــ قالت لي دكتوره مها انك سويت معروف معاها ..وانك غير كل اطباء القسم ..صج هم لطيفين ومجاملين بس مستحيل حد منهم يتخلى عن راحته او اجازته ...ما اقصد اي اهانه ,,
خالد ــ بالعكس ما في اهانه ..انا كدكتور انسان صريح ..مع مرضاي انسان متعاطف ..بس ما احب المجاملات المزيفه ..هذا كل شي .
فارس ــ نرجع لسالفه العرس ..متى ناوي؟
خالد ــ ما ادري يمكن خلال هالسنه ..
******************************

قمر ــ ليش ما يعزمنا على ريوق ؟؟
دانه ــ شريوقه ..الساعه 12 الظهر ..المفروض غدا ..
قمر ـ غدا ريوق سم ..ما يقول لنا يوعانين ولا لا؟؟ انا بطني تصارخ ..
دانه ــ تونا في الطياره زاطين كروسون وسندويشات ..متى يعتي بهالسرعه ..
قمر ـ عمتي ..بروح اشتري لي وجبه من هالمطعم ..
دانه ــ ايلسي مكانج ..حمد ما يحب هالاشياء ..تروحين وتيين بروحج ما يحب ..
قمر ــ زين بيحكرنا ؟؟ حنا في لبنان ..
دانه ـ ما يينا سياحه يينا تسوق ..غير الاسواق لاتشوف عينج ..حركي .
يا حمد مع التكسي ..
حمد ــ الحين نروح الشقه ..
قمر ـ شقه؟؟ ما بنيلس في فندق ؟؟
حمد ــ عمي ثامر عطاني مفاتيح شقته هنا ..شاللي مو عايبج؟
قمر ـ من بينظف ويكنس ؟
حمد ــ انتي !! وعمتج ..يلا ...بلا دلع ماصخ ..
دانه ــ ثامر عنده شقه هنا؟
حمد ــ أنا مثلج ما كنت اعرف ..كنسلت الحجز لما ياني وقال لي ايلسوا فيها وارتاحو ..
قمر ـ عمتي ..الفندق اريح ..
دانه ــ حمد شرايك نيلس في فندق لين نرتب الشقه؟؟
حمد ــ الشقه مرتبه وجاهزه ..(التفت لقمر ) هي انتي ..بلا دلع ولا طرشتج الحين لبوج ..
دانه ــ حمد ..
حمد ــ يلا عمتي .,,
ركبت قمر ..
دانه تهمس لحمد ــ تدري مدللله ما تعرف للتنظيف والطباخ ..لاتصرخ عليها جي ..
حمد ــ لايعه جبدي منها من شفتها في المطار ..ما اتحمل كلمه زياده ..وحاشمها علشانج والا كان صكيتها كف على ويهها ..




يتبع,,,,,,,,,,,,,,,,,,,,,,,,,,,,,,,,,,,,,,,

تحياتي لكم






_________

حلقة 10

ابتسمت دانه ..حمد بدوووووووي حيل ..وعنده الغلط غلط والصح صح ..وما يحب الدلع ولا يطيقه ...
ركبت السياره وهمست لقمر ــ اذا ما تبين تنصكين كف على ويهج .لاتنطقين حرف .
مدت قمر بوزها وهي معصبه ...
***************
الشقه كانت وايد حلوه ..وفخمه واثاثها فخم ..
ــ مساء الخير .أنا نادين ..مدبره البيت ..حمدالله على السلامه ..
الكل ــ الله يسلمج ..
نادين ــ اتصل فيني استاذ تامر وطلب مني اوفر سبل الراحه لحضرتكن ..تفضلوا ..الغرف والحمامات جاهزه ..
دانه ــ شكرا .ياليت تجهزين لنا شي ينوكل ..
نادين ــ جهزت لكن مقالي دجاج مع السلطات ورز..كغدا ,,

التفت دانه لقمر اللي ويهها انصبغ من الاحراج ..
دانه ـ أعتقد انحلت اسوأ مشاكلج ,,
قمر هزت راسها بإي ..
حمد ــ أنا ما أبي أكل ..بتسبح وأنام ..لحد يصحيني ..تصبحون على خير ..

دخل حمد ...
قمر ــ فكــــــــــــــــــــــــــــــــــــــــــــــــ ـــــــــه...ما بغى يحل ..أحسه كاتم على نفسي ..
دانه ــ جب ..هذا حمود ...ماتتكلمين عنه جي ..سمعتي؟؟
قمر ــ حشى ولد اخوج ما يخلينا نتنفس مثل الناس ..
دانه ــ حمد انسان سيدا سيدا ماعنده خرابيط آنسه قمر ..فكري بس بدكتورج اللي حاولت تسوين لنا مشكله بسبته ..
قمر ــ ليش معصبه؟؟
دانه ــ اوووووه ..رايحه اتسبح ..
قمر ــ وليش بالله تصارخون علي ..شسويت لكم ؟؟ انت وولد اخوج شايفين اعماركم ... لو أدري ماييت خير شر....
دخلت الغرفه وهي معصبه ......
**************
طبعا ..من عظم اللي عرفه نفسيته ساءت ..صار له ساعات في هالفندق ..
ماكان يقدر يقرب من الملف ويكمله ...كره نفسه ...
**********
اسبوع ...مر ..ودانه من محل لثاني ..ما دخل مزاجها شي ..
قمر ــ ذكريني ما اسير معاج مره ثانيه ..زين ؟؟
دانه ـ ان شاءالله ..شوفي هالمحل ...
البايع ــ مرحبا ..كيف بدي اخدمكم؟؟
دانه ــ نبي نشوف فستان عرس ..
البايع ــ عنا كل الماركات.. وكل بيوت الازياء والمصممين العالميين واللبنانيين ...
دانه ـ بس بختار فستان اللي يعجبني ..وياليت لو في اشياء كلاسيك .. ..
البايع ـ تحبي فرجيك كلل الفساتين .؟؟
دانه ــ افضل اشوف بنفسي ..
البايع ــ اي شي تختاريه .. مدام ماري بتساعدك ..لغتها انجلش .. انا بكون في المكتب فوق ..
راح وتكلم مع ماري ..وطلع فوق ..
قمر ــ فساتينه عجيبه ..

دانه ـ بس بسيطه ,,أنا أبي شي فخم كشخه تحسينه حلو ..وكشخه ..
قمر ــ هذا وانتي ما تبين تعرسين ..لو راضيه عن هالعرس شتلبسين..؟؟
دانه ــ شي بسيط ..مثل هالفساتين ...
قمر ــ منطق غريب .جوفي .حمد واقف لنا على بعد خطوتين .أحسه بأي لحظه بيقبض علينا ..
دانه ــ حلو ..فيلم هندي حن ..الريال ما قصر معانا ...مخلينا على حريتنا ..
قمر ــ أي حريه ما يخلينا نمشي خطوتين بروحنا ..
دانه ــ قمر ..انا ما احب طريقه الحريه هذي ..زين من الريال يخاف علينا ويحمينا ..
قمر ــ أنا ما تعودت ..
دانه ــ ما عندج اخوان ..لهالسبب ما تعودت ..كنت تسافرين مع امج وبدور ..وتأخذون راحتكم مع بعض ..واخوي راخي لكم الحبل ..لكن حمد غير ..
قمر ــ حمد غير حمد غير ..ذبحتيني ما ني طايقه اكمل هالاسبوع بسبته ..كله يرزل فيني ويصارخ علي ..ومعاج مثل الحمل الوديع ولا قد مره رفع صوته عليج ..هالفستان عجيب ...
دانه ــ بس بسيط ..السبب انج كله متملله ومو طايقه حد ..وكأنه أقل من مستواج ..وأراهن ان حمد عنده نفس الشعور تجاهج ..تذكري ما عنده خوات كبار ..كل اللي عنده انا ..وانا انسانه عاديه غير متطلبه ..
قمر ــ انصح بهالفستان ...لحظه ..أنا متطلبه؟؟ انا ماني متطلبه ..انصحج بهالفستان ..
دانه ــ مو عاجبني ..هالفستان حلو ..واو ..بليز كان اتري ات .
يات ماري وشالت الفستان عن المنيكان ...وأعطته دانه ..
ــ ثير ان ثات روم .. دويو نيد اهلب؟
دانه ــ نو ,,ثانكس ..تعالي ساعديني فيه ..
قمر ــ اوكي بس انا مو متطلبه .. انا مثلج عاديه ..انتي متأكده مقاسج؟؟
دانه ــ اعتقد ...تعالي ساعديني داخل ..طرحته تجنن ..واو الدانتيل عجيب ..
قمر ــ الفستان عجيب ....
الفستان كان الجزء العلوي دانتيل مع موديل الكورساج (المشد ) ومن تحت الجيبون وايد فخم وحلو وكبير .. وفيه ورد حلو ..

كان بالضبط على مقاس دانه ..
ــ ها ..شرايج ..
قمر ــ وااااااااااااااااااااااااااااااااااااو ..روعه عليج ..يهبل ..تدرين ..أنا بآخذه ..خليني اجربه ..
دانه ـ من صجج؟؟
قمر ــ اييه ..يمكن خلود يخطبني ..والبسه قريب ..
ابتسمت دانه ــ يعني آخذه ؟؟
قمر ــ شوفي السعر ..
دانه ــ سبعة آلاف دولار ....حلو وايد سعره ..خلاص اعتمد ..
قمر احضنت عمتها وهي مستانسه ..لكن دانه كانت فرحتها بالفستان ..ماكانت بالعرس ..


دانه ـ واو خلصنا من هم الفستان ...
حمد ــ اشتريتيه؟
دانه ــ اييه ..بيطرشونه الدوحه ان شاءالله هالاسبوع ..بيوصل قبلي .. دفعت لهم العربون ..والباقي لما يوصل الفستان ..سليم ومعافى ..
حمد ــ أهم شي اعجبج ..
دانه ــ يهبل صح قمر ؟
قمر كانت لافه ويهها بعيد..ــ ايه .
حمد ــ نرجع الدوحه ..ولا نظل اسبوع ثاني؟؟
دانه ــ ودي تمشينا ..وتاخذنا وتيبنا ونستانس ..
قمر ــ والسوق ؟؟
دانه ـ ما ابي شي ..هالاسبوع اشتريت اشياء وايد ..وأعتقد كفايه ..
قمر ــ لا ....
دانه ــ قمر ..أبي استانس .أبي اتمشى ,,,
قمر ــ كيفج .
********************
من هالزائر؟ استغرب خالد ..
نايف ــ السلام ولد الخال..
خالد ــ وعليكم السلام ..هلا ولد العمه ..وينك ما تنشاف ...
نايف ــ هذي قويه ..على الاقل مو ساكن فندق ..بيتي معروف ..
خالد ــ تدري ..الوالد زعلان علينا ..لانا فرطنا في بنت الاخت ..نايف .. تقدر تطلها من ضاحي ...وتزوجني اياها؟؟
نايف ــ علشان تطلقني مرتي بالمره ..لا خيروك واخترت ..واجهه اختيارك ..
خالد ــ امي زعلانه ..تبي تزوجني حد من ريحه الغاليه عمتي ..وللاسف الفرصه الوحيده ..بح ..فركتها من يدي ..
نايف ـ والحين ؟؟ خالي المسكين تعبان نفسيا ..يوم اسأله عنك يقول لي لاتيب طاريه ..متى بتراضيه؟؟
خالد ــ ما ادري شلون برضيه ..
نايف ــ صار اسبوع ما كلمت امك ....دقت تشتكي لي من انانيتك ..
خالد ـ شلون براضيهم ..وين بلاقي دانه ثانيه ..علشان يرضون عني ..كانوا يبون لي زوجه من ريحه المرحومه ..بس افرطت فيها بدون قصد لو ادري انها بتتزوج بهالسرعه ما رضيت ..
نايف ــ دور لك حل ..أي شي .. تزوج على ذوقهم ..
خالد ــ ما اعتقد في بنات قريبات من امي اكثر من دانه .. خلنا من سالفه الزواج ..تشرب ايش ؟؟
نايف ــ شربت شاي وانا انطرك ..وتعبت ..
****************

دانه ـ كانت تقول امي انها لما كبر ثامر ..وكانوا كلهم اولاد اشتاقت انها تيب بنت ..فيابت نوير ..كبرت نوير ,,,كانت بنت بروحها في البيت ..فامي قالت تيب ..يمكن تطلع بنت تصير اخت لنوير ..ييت انا ..وكانت منيره زوجه نايف يابت البنات ..التوأم بعدها بفتره ..امي استانست ان العمه والبنات نفس العمر ..مات ابوي ..واخواني كلهم تزوجوا وانشغلوا بحياتهم ..وماظل لمي غيري ..حتى نوير عرست وهي صغيره الله يرحمها . ماكملت دراستها ماكانت تحب الدراسه.. عشت مع امي ..الله يرحمها .. لين ما الله اخذ امانته ..عمامج باعوا البيت العود ..وأنا تشتت ...ماغير نايف اللي حط لي غرفه في بيته ..بس ..
قمر ـ عمتي ..لا تحطين في خاطرج منهم.. ابوي لما سالته ليش زوجوج بدون ماتشوفين وتعطين رايج .قال انه اصغر عمامي بينه وبينج عمر ..وعمامي يبون يسترون عليج..ما يبونج تشتتين ..وماكان في حل غير الزواج ..
دانه ــ عذر ما يقنع حد ابد ...حتى اليهال ..
قمر ــ زين عمتي ..امانه لا طلعنا خلي ولد اخوج يخف عني تعبت منه ..اسبوع وهو بس صراخ علي ..
دانه ــ بحاول ..
طلعت قمر لغرفتها ..وانسدحت دانه على السرير ..ابتسمت لما تذكرت كلمات صاحب محل التحف والهدايا ..
( عيونك الحلوين ليه فيهن حزن؟؟ شو مجوزينك غصب عنك؟؟ ))
ضحكت ..حتى الغريب ...عرف شفيها ..وهو يمزح ...شهر وشي ..,وأكون في بيت ضاحي في غرفه ضاحي ..زوجه ضاحي ..وبعدين ام عيال ضاحي .وبعدين جده احفاد ضاحي ..ولما اموت ..أكون بس حرم الاستاذ ضاحي ...هالاسم وهالشخص ..بيحكموني لين آخر حياتي .. بس اذا كنت ذكيه ..يمكن انا اتحكم فيهم!!!!بس ما عندي الشجاعه للاسف ..
***********************************

اليوم الثاني ..
نايف ــ وانا لي الشرف ...
خالد ــ نايف لاتفهمني غلط ..مجرد خطبه ..
نايف ــ بالعكس ..أنا موافق ..وبنتي اكيد بتوافق شناقصها؟؟ شاب وسيم دكتور ..شتبي اكثر؟؟
خالد ــ انا ضيعت دانه من ايدي ..بس ما ابي اضيع فرصتي الثانيه ..وأبوي وامي اعتقد بيتساهلون ..
نايف ــ خالد ,.. كافي انك ييت لبيتي ..وطلبت يد بنتي .. وهالشي يشرفني .ومالاقي احسن منك لبنتي ..
ابتسم خالد ..ماتوقع الامر بهالسهوله .. وأخيرا ...قمر بتكون له ..بس دانه دايم في فكره ..قمر هي اللي تعجبه .. موب دانه ..ودانه ما يكن لها اي شعور ..بس شعور بالذنب ..دانه تزوجت الحين ..بيكون من صالحها انها تبدا حياتها بعيد عنه ..
**********************************
عبير ــ يمه .. بنت نايف زينه ..
ام خالد ــ حتى ولو ..ماكنت ابيها ..كنت ابي دانه ..كانت بنت زينه ..على الاقل عمتك ربتها يا خالد ..
خالد ــ يمه وبنت نايف من عمرها ..يعني عمتي ربتها بعد ..
ام خالد ــ بنات نايف مدللات ولا يعرفن يسون الجاي ..
خالد ــ يمه المثل يقول خذ مدللله ولاتآخذ معلله ..
ام خالد ـ الدانه موب معلله. طول عمرها عمتك تدلل فيها ماعدا هالسنتين . اللي غابت فيهم عينها ..
خالد ـ الله يرحمها ..يمه ..أنا خطبت البنت ..وابوها وافق .وخير البر عاجله ..الملجه بعد ثلاث ايام والحفله لما ترجع عمتها من السفر ..
عبير ـ يا حيك يا خوي ..بتآخذ القمر ..
ام خالد ــ مبروك يا ولدي ...
*******************************

صكت التلفون وهي مستغربه ...
دانه ــ شفيج؟
قمر ــ كلمت ابوي ..وقال لي ان بدور ارجعت من دبي ..وانها انخطبت ...
دانه ــ بدور؟؟ من المسكين اللي داعيه عليه امه؟
قمر ــ ما ادري ..يا خبر اليوم بفلوس بكره يصير ببلاش ...رحلة اليوم كانت عجيبه .واحلى ما فيها ان حمد ما وجه لي اي كلمه ..
دانه ــ وهذا حالنا كل يوم ..انتي ويومياتج مع حمد؟؟ مليت منكم ..اوف ..
قمر ــ زين متى بتشترين قمصان النوم؟؟
دانه ـ جب ..توج صغيره على هالكلام ..
قمر ــ كلمت مرت عمي مريم ..وسألتني اذا اشتريتي ولا لا ..
دانه ــ ماني مشتريه ,,
قمر ــ ليش ..اعتقد انه شي ضروري في حياه المتزوجين ..
دانه ــ قلت لج ..لا ..فارجي ..
قمر ـ لازم تشترين ...
دانه ــ قمور ..ان ما صكرت على الموضوع هاللحظه برجع الدوحه ..سمعتي؟
قمر ــ سمعت ..ليش الصراخ والعصبيه ..
دانه ــ بس طلعي بره ..
قمر ــ قلت حمد وقف عن الصريخ ..بدت عمتي تصارخ ..شسويت لكم ؟ ليش الكل يصارخ علي ..بس ارجع الدوحه بقول لبوي ..
طلعت وهي معصبه من الغرفه ..

دانه ــ صج دلوعه ..احرقت دمي ...الله ..استغفر الله ..
************************

استغرب ليش الامور بهالسرعه صارت ..أكيد ..اذا مافي مصيبه في الطريق ..الحين شيقول للقاضي ؟؟ لنايف شيقول؟؟ هو مايبي بدور يبي قمر ..ماعنده اي استعداد يفشل نايف .بس في عزاء ...بدور نسخه قمر ..يعني نفس الجمال نفس الطله ..هو ما يعرف قمر بس اعجب بجمالها ..اللي هو نفسه جمال بدور ..ماله الا يستسلم للامر الواقع .. وهلا فيج يا بدور ..
نايف ـ في ايش سرحان؟
خالد ــ ولا شي ..يلا نخلص ..
**********************************
نايف ـ مبروك يا خالد ..يالنسيب ..
خالد ــ الله يبارك فيك ..
ابو خالد ــ مبروك يا ولدي ..مبروك يا نايف ..
خالد ــ الله يبارك فيك يا ولدي ..
نايف ــ الله يبارك فيك يا خالي .. يلا ادخل الصاله ..انت صرت من اهل البيت يا خالد ...

دخل البيت وكانت منيره وبطنها جدامها أكثر وحده مستانسه ..
منيره ــ مبروك يا خالد ..والله تستاهل البدور ..تفضل .الحين تيي العروس ..
خالد ــ الله يبارك فيج ..
دخل خالد الصاله ...وانتظر ..ونايف وابوه طايحين سوالف ..
دخلت منيره ...والتفت للباب ..
منيره ـ دخلي يمه ..
دخلت بدور ..وكانت نسخه من قمر .. كانت البدر ..
نايف ــ هذي بنتي بدر البدور ...بدور ..ريلج خالد ..
بدور كانت مستحيه ومنزله راسها ..لكن اللي كان مستانس صج هو خالد ...محد قده اليوم ..
باركوا لبعض ..واجلسوا ..خالد كان مستانس وايد ..محد قده الليله ..بس بدور كانت ساكته طول الوقت ..بناء على اوامر صارمه من امها ..
***************

قمر ـ امانه عمتي ..انا عاجبني هالفستان بشتريه حق عرسج ..
دانه ــ زين ..عاد حمد مسوي لنا جدول ..كان يبي ياخذنا نتعشى بره وبعدين نروح البحر .وكان بيعزمنا على السينما بس رفضت ..
قمر ــ لا ..ليش رفضتي؟
دانه ــ جيه,,ما حبيت فكره السينما ..
قمر ــ زين روحي قوليله ..
دانه ـ بقوله وأمري لله ..اتصلي في ابوج ولا امج واعرفي لي سالفه الخطبه ..
قمر ــ اوه ..ماكلمهم من اربع مدري ثلاث ايام ونسيت هالسالفه ..روحي تفاهمي معاه وانا بكلم ..

راحت دانه غرفه حمد ..
ــ حمد ...شوف اليوم قمر تبي تروح وتشتري فستان عجبها ..
حمد ـ بس انا حجزت في المطعم ..
دانه ـ معلش حمد كلها يومين ونرجع البلاد ..خليها تشتري الفستان ..
حمد ــ زين ..وانتي خلصتي كل شي ؟؟
دانه ــ تقريبا ..بس بحياتي ما انسى لك هالجميل ..
حمد ــ لا تبدين هالكلام ..ما احبه .. انتي عمتي ..وأغلى انسانه عندي .
دانه ــ تسلم لي يا حمد ..زين ابوك ما كلمك عن العرس؟
حمد ــ كلمني ..قال لي ان ضاحي بيسويه في قاعة الدفنه الشيراتون .. وتاريخه 5-8
دانه ـ قريب وايد ..
حمد ـ المهم انج خلصتي ..
دانه ــ ماحجزت المصورة ..ولا المسكه ..تدري ..أنا بشتري المسكه ..النوع الموضه اللي نازل للي فيه المسكه صناعيه ..شفته هنا ..وكان روعه ..وفي مساحه احط فيه ورد طبيعي .. وجي ارتاح من همها ..
حمد ـ صج اني ما فهمت عن ايش تتكلمين ..بس سوي اللي يريحج ..
ابتسمت دانه ــ بسوي نسكافيه ..اسوي لك معاي؟؟
حمد ــ ياليت تسوي لي قهوه عربيه ..ما احب النسكافيه .
دانه ــ من عيوني ..ربع ساعه بس ..
دخلت دانه المطبخ وسوت القهوه وحطت له قطع كيك معاها ,,,
وعطتها حمد وشالت كوب النسكافيه مالها ورجعت الغرفه ..المدبره نادين ما تنام في البيت .بس تيي وتنظفه وتجهز الاكل وتروح ..
دخلت الغرفه ــ بشاره حمد رضى ..قومي ..
لكن قمر كانت حاضنه ريولها وميته صياح ..
دانه ــ شفيج؟؟
ماردت قمر ...
دانه ــ قمر ..ليش دموعج؟؟ ليش تصيحين صار شي ..
قمر ــ بدور ملجت ..
الدانه ـ ها ؟؟ وهالخبر يفرح ما يخليج تصيحين ..
لفت قمر ويهها ودسته في المخدته وصرخت الم ..
ــآآآآآآآآآآآآآآآه ..
دانه ــ قمر خرعتيني ليش تصيحين بقهر جي؟؟
قمر ــ بدور خذت خالد ولد خال ابوي ..خذت خالد يا عمتي



_________

حلقة11

منورين حبيباتي
وهاي التكملة لخاطر عيونكم


انصدمت دانه ..وعورها قلبها على قمر ..
دانه ــ من قال لج؟
قمر ــ أمي ...آه يا عمتي ..ما اقدر اتخيل اللي صار ما اقدر .بدور ..خذت خالد ..
دانه ــ لا تصارخين تبين حمد يسمع .؟
لفت قمر عن عمتها ودست ويهها في المخده بقوة وصرخت بعبره ...
دانه ــ قمر ...
ما عرفت الدانه شتسوي لقمر,..دانه نفسها فيها منصدمه ..
دانه ــ خلاص قمر ..قومي ..خلاص عن الصياح .
قمر ــ ما اقدر ..لو خذ حد غريب ما اهتميت ..بس خذ اختي ..عمتي فاهمه العذاب اللي امر فيه ؟؟ الشخص اللي احلم فيه صار ريل اختي ..وش القهر اكثر من جي؟؟ وأختي الوحيده... اللي مالي غيرها ..
انهارت قمر ..ويهها صار احمر من الصياح ..لفت اللحاف على نفسها ..وغطت ويهها ..
دانه ــ قمر ...حبيبتي اهدي ..
شتقول لها الدانه ؟ هي نفسها مقهوره ..
طلعت لحمد ..
حمد ــ قهوه عجيبه ...تتسلم ايدينج ..
دانه ــ الله يسلمك ..
حمد ــ شفيه ويهج جي؟؟
دانه ــ مافي شي ..
حمد ــ انا جاهز ..يلا قبل لانصكر المحلات .
دانه ــ خلاص ..محد بيروح ..
حمد ــ ليش؟؟
دانه ــ قمر تعبانه..
حمد ــ تعبانه؟؟ شفيها توها مثل السبال تنطنط ..
دانه ــ ياها صداع ..
حمد ــ خليني آخذها الطبيب ..
دانه ــ لا ..شغله عاديه ...صداع اكيد تغير عليها الجو ..
حمد ــ لا ..صار لنا اسبوع وشي الحين تغير عليها الجو؟
دانه ـ صدقني شي ما يستاهل ,,
سكت حمد شوي ..دخلت دانه الغرفه ..وكانت قمر مغمى عليها ,,وطايحه على الارض ..
دانه ــ حمد ..حمااد ...
دخل حمد ..ــ شفيج؟
دانه ــ ساعدني ..
حمد ـ شفيها؟؟
داانه ــ بس ساعدني ..
شلوها وحطوها على السرير ..
حمد ــ بيب الدكتور ..ستريها ..
دانه ما امسكت نفسها وصاحت ..
****************************
خالد ــ عبير ..ليش تضحكين؟؟
عبير ــ امي المسكينه ياها اكتئاب من درت باللي صار ..
خالد ــ وشاللي يضحك؟؟
عبير ــ آآآآ÷ ههههههههههههههههه ..صج شر البليه ما يضحك ..
خالد ــ وش بليه ويا ويهج ..هذي بدل مبروك والله يسعدك يا أخوي ؟؟
عبير ــ المصيبه .أنك خطبت وماقلت اسم خطيبتك اللي تبيها ,,شتخسر لا قلت؟؟
خالد ــ أخسر ولد عمتي . شيكون موقفي لا قلت له ابي بنتك قمر على سنه الله ورسوله؟؟ شيقول شدراني بسم بنته؟؟ وبعدين انا نسيت ان عندها اخت ..ومافكرت بهالموضوع ..وأمي لو ما عاندتني وراحت لمنيره كان شوي اتضحت الامور ..
عبير ـ امي حالفه ما تدش بيت منيره من زمان .من تطاولت منيره عليها بالحجي وغلطت ..
خالد ــ منيره كانت ياهل اكيد ..
عبير ــ زين خلود ..وشرايك في بدر ؟؟
خالد ــ اسمها بدووووور ..يا مال ال..
عبير ــ ها ..اشوف بدينا ..من اولها بدوروه سوت لي مشاكل ..
خالد ـ البنت شكلها هاديه ..
ضحكت عبير.,,
خالد ــ انتي من الصبح تكركرين من الضحك ليش ؟؟ وشفيها عروسي ليش مو عاجبتج؟
عبير ــ ولا شي ..بس الموقف يضحك ....
تذكر خالد كلام امه انه قمر يبيها ولد عمها ..ومستغرب ليش محد اعترض ولا حد مانع من زواجه خاصه ان عندها عيال عم كبار ..
عبير ــ حسافه لو انك ماخذ دانه ..كانت على الاقل أرضيت أمي ..
خالد ــ واذا قلت لج ان دانه نفسها طلبت مني اني ما اتزوجها؟
عبير ــ ها؟
خالد ــ دانه نفسها بنت عمتج ..قالت لي في يوم من الايام انا ما أتخيلك زوج لي ..
عبير ــ مستحيل ...
خالد ــ أنا ما أكذب ..واسأليها ..وهالشي هو اللي ريحني ..اظن انها تكرهني ..ما ادري ليش ..
عبير ـ يعني ما تعرف؟
خالد ــ شاللي ما اعرفه؟
عبير ــ تظن انك انت السبب في وفاه امها ..
خالد ــ وأنا شدخلني في الموضوع ..
عبير ــ دام ما صار نصيب بينكم بقول لك السبب ...تذكر يوم طاحت عمتي اول مره ؟؟
خالد ــ وأنا أقدر أنسى؟؟ بس هالشي صار من زمان ..
عبير ـــ اييه ..بس أثاره كانت قويه على عمتي ...لما شافتكم طايحين طق في الدانه تعبت ..وطاحت ..الدانه كانت غاليه عليها وايد ..المهم كانت الطيحه الاولى وحذرها الدكاتره من اي انفعالات ..الطيحه الثانيه لما ماتت نوير ..بنتها لله يرحمها ..تمت شهر في المستشفى ..وسوو لها عمليتين ..ودانه كانت تنام معاها دايم ...الطيحه الثالثه كانت القاضيه ..وقالت لي الدانه السبب ..
خالد ــ شقالت لج؟
عبير ــ قالت لي ان ابوي خطبها لك ..وهي رفضت ...وتهاوشت معاها عمتي ..وراحت عمتي غرفتها وهي معصبه ..وفي الليل لما دانه راحت تراضيها لقتها ما تتحرك ولا تتنفس ..
سكت خالد ..الحين فهم سبب نظرات دانه له ..
عبير ــ دانه كانت متعذبه نفسيا ..وان السبب في موت انها الله يرحمها ..وكانت ناويه ترضى تتزوجك ..وقالت لي رغم اني اكرهه بس بفكر كل يوم انه زوجي ..وشوي شوي تأقلمت مع الفكره ..بس كانت كلهه تتمنى انها ما تتزوجك ..لانها لو تزوجتك ما بترتاح معاك وبتم تلومك كل العمر ..

ماعلق خالد ..لانه تقريبا استنتج هالاشياء ..من خلال ما قرأ الملف مال دانه ..
عبير ــ اشوف كلامي ماله اي رياكشن عندك؟؟
خالد ــ ها؟؟
عبير ــ من قال ها سمع ...ماشوف اي رده فعل عندك للي صار ..
خالد ــ ليش عيال عم بدور ما مانعوا زواجي بها؟؟ اذكر امي قالت ان عيال عمهم يبونهم؟؟
عبير ــ أنا وين وأنت وين ..
خالد ــ سألتج سؤال من اللباقه تردين عليه ..
عبير ــ اذا هذا مفهومك للباقه فأنا سألتك أول!
خالد ــ سألتيني عن دانه ..ودانه خلاص تزوجت ..لازم لا انا ولا هي نفكر في الاحتمالات اللي كانت بتصير ,..علشان ما نتعب أرواحنا ..يلا جاوبي على سؤالي ..
عبير ـ صج اني مافهمت ..بس ..انا اتذكر دانه قالت لي مره ان ناصر لمح انه يبي يزوج اثنين من عياله لاخوات ..واحتمال كبير تكون قمر وبدور . لانه قال هالجمله وزوجته طالعت له بنظره معناها لاتكمل ..ياني احقر الرياييل اللي يمشون ورى حريمهم ..
خالد ــ صدقيني بكره بتتزوجين ..وتبين ريلج يسوي اللي تبينه .. بس ردج ما جاوب سؤالي ..
عبير ــ ما ادري بس خلاص انت خذت بدور ..وأنا أشوف انها عاجبتك ..وماهي الا نسخه قمر ومن ناحيه الشخصيه ..صدقني ما يختلفون وايد ..توأم ..
*************

يتبع



_________

حلقة 12

حمد ــ شفيها يا عمتي؟ الدكتور ما قال الا انه عطاها مهدئ..شفيها؟؟
دانه ــ الدكتور يقول ما فيها شي عضوي ,,المسأله نفسيه بس ..
حمد ــ وليش ؟؟ مني يمكن اني خليتها تفقد اعصابها؟
دانه ــ لا ..مو انت السبب ..اختها البدور ملجت ..وهي انهارت ان بدور اختها التوم وملجت وهي بعيد عنها .بس ..وانت تعرف التوم مايفترقون وايد ,,
حمد ــ بدور ملجت؟؟ من خذت ؟
دانه ترددت انها تقول ..بس اذا ماقالت بيعرف ..ــ خالد ولد خالي ...
طالعها حمد نظره غريبه ..حست ان الالوان اشردت من ويهها ..نظره متشككه ..
حمد ــ مم..
ولف وطلع من الغرفه .
رجعت دانه لقمر اللي كانت نايمه ,, وطالعتها بحسره .. فاهمه اللي تمر فيه ..((آآآآآآآآآآآآآه يا بدور ..طول عمرج تعورين لي قلبي بقسوتج ....واليوم ذبحتيني ..وذبحتي أختج ...))
طلعت لحمد تيلس معاه لين ما تصحى قمر ..حمد كان سرحان وما انتبه لوجودها ..دانه ـ نحن هنا ..
حمد ــ ليش ما تيليسين مع قمر يمكن تصحى وتبي شي ؟
دانه ــ تصحى ما اعتقد...تشرب شي؟؟
حمد ــ لا ..ما ابي .
دانه ـ زين ..ما تبي تتعشى؟؟
حمد ـ وشو بتسوين العشا؟
دانه ــ في بيض ..في دياي تندوري نجتس ..في بيتزا بارده ..أحطها في الميكروويف ولا أحلى بيتزا هت .
حمد ــ ابي كل اللي قلتي ..يلا شدي حيلج ودخلي المطبخ ..
***********

دانه ــ يلا قمر ..تعبت وطبخت وقليت ..قومي ..
قمر ــ ليش تعبتي عمرج؟؟
دانه ــ اشتهيت ..يلا .
قمر تحاول تمسك دموعها ــ وشو العشا ..
دانه ــ بيض ..ودجاج تندوري مقلي و بيتزا بارده من الظهر حطيتها في الميكروويف ..
ابتسمت قمر ــ وطبختي؟ شاللي طبختيه اذا كل فاست فود ,
دانه ــ حمد متضايق ..وعلى باله انه السبب في تعبج ..قومي ..وبيني له انه ماشي صاير ..
قمر ـ .......... بس صاير اشياء ..ما بقدر أحضر العرس ..واذا يلست مع بدر شقول لها؟؟ هي نفسها بتحس بشي ..
دانه ــ لا ..ما بتحس ..وأنا ما بخليكم مع بعض ..بكون دايم وياكم ..
قمر ــ بترجعين تسكنين عندنا؟
دانه ــ لا .بس بزوركم كل يوم ..قومي اغسلي ويههج واترسيه هالميكياج اللي تحطينه دوم ..يلا وباني فرحانه لا يظن حمد شي ثاني .
قمر ــ وييييييه ...زين ..
كل شي تغيير ..بعد ما ارجعت دانه وقمر لدوحه .كل شي تغير ..معامله الكل لهم تغيرت ....
حسن ــ ها عمتي ..الحسناء .. كلها اسبوعين وتتزوجين؟؟
دانه ــ ايهه لاتعور قلبي ..هالشهر اللي مر ما ادري شلون مر ..كأنه يركض ..
سلمان ــ زين عمتي ..صدقت الشهاده لج ..بتقدمين؟؟
دانه ــ بسأل ضاحي اول ..
حمد ــ تبين اسأله لج؟
دانه ــ لا ..يات اللحظه اللي لازم احترمه وأستشيره ..بنفسي ..طول هالشهر وأنا نازله واسطات بقمور علشان يسمح لي اروح وأيي ..
حسن ــ أعتقد هالشي ماله دخل فيه ..
دانه ـ هو صار زوجي ..وخلاص ..والزوجه تلعن لاطلعت من دون اذن زوجها ..وهو نفسه قال لقمر انه مايحب اني اروح وايي وايد بدون علمه .
حسن ــ بدى يتحكم فيج ..
دانه ــ شسوي ..
حسن ــ عمتي ..بنسوي لج حفله عزوبيه الاسبوع اللي ياي ..
دانه ــ عشتوا ..هذا اللي ناقص ..
سلمان ــ خلاص ..اتفقنا على هالشي .. ومجهزين كل العده في الشاليه على البحر والديجي ..والبوفيه ..اعزمي صديقاتج واللي تبين ..وآخر الليل بننضم لج ..
دانه ــ انت من صجك؟؟ زين اذا ماصار فيني انهيار عصبي ..البنت ليله عرسها ماتنام من الرعب والخوف ..ومستحيل تلاقيها تبتسم كله دموعها على خدها ..
حسن ــ عمتي ..خلاص الحفله بتكون بينا بس...حنا الشباب وانتي اشيعي بجي ودموع وانهيارات ..
مشعل ــ شوفي عمتي ..أنا من راي حسن ...
دانه ــ قوموا ..تراني صدعت ..هالشهر منكم ..بروح لقمور أيلس معاها ..حمد توصلني؟
حمد ــ كنت طالع للبيت بس مو مشكله اوصلج ..سلمان تروح معاي؟
سلمان ــ اذا أبي أروح أخذ سيارتي ..خذ صالح لبيت عمي ..ابوه يبيه ..
صالح ــ صج الوالد عاوزني بيأوول ان ماشفنيش النهارده حيقطم رقبتي ..
حمد ــ قوم يا حبيبي ..أأوم ..لحسن ماماما حتقلق عليك ..
صالح ــ أنا باباي اللي عاوزني مش ماماتي ..
دانه ــ خلصت فكوني من اللسان العوي ..يلا ورانا طريج ..
*
خالد ــ اول مكالمة بينا ..شخبارج؟
بدور ــ اخباري تمام .
خالد ــ مافهمت القصد اني ما أكلمج طول هالشهر ولا أشوفج...
بدور ــ أمي ربت ..وماكانت تبي الحريم يقولون يابت الولد وزوجت بنتها في الوقت نفسه ..فقالت لي تسافر هالشهر معاي للبحرين عند يدتي ولما نرجع تسمح لنا نتكلم .خافت من العين بالمختصر المفيد ..
خالد ــ شسمه الصغير؟
بدور ـــ فهد ,
خالد ــ عاشت الاسامي وايد حلو ..
بدور ــ أبوي سماه ..كان يبي يسميه حسن ..بس ابن عمي اسمه حسن ..فغير ..
خالد ـ زين..بتسجلين في الجامعه؟
بدور ــ أمي تقول هالشي مقرر بايدك ..ياتسجلنني موازي ..يا تخليني في اليبت ..
خالد ــ وأنتي شتحبين؟
بدور ــ أبي أتوظف ..ما ابي دراسه وما أبي أيلس في البيت ..
خالد ــ طموحه ماشاء الله .
كانت أول مرة خالد يكلم البدور ....لانها سافرت شهر مع أمها ..شاف قمر مرتين بعدها وكانت مع الدانه ..شافهم في البيت ناطرين عبير تروح معاهم .للسوق ..هو متأكد بنفسه أنها يوم ابتسمت ابتسمت بحزن .. وماطالعته له في عيونه .. ضميره يأنبه الحين في اثنين ...الدانه وبنت اخوها ..
بدور ــ خالد ..خالد ..
خالد ــ نعم ؟؟
بدور ــ ليش ساكت؟
خالد ــ ولاشي ..ما أحب أطول عليج ..مع السلامه .
بدور ــ مع السلامه .
صكر التلفون وهو متضايق .. كأول مكالمة مع زوجة المستقبل ...كانت مكالمة سيئه .يمكن المكالمة الثانية تكون أحسن .
********************
********************

الدانه ــ قمر ..خلاص ..تنفسي ..
قمر ــ صدقيني عمتي .. هاليومين الي يات فيهم ماقدرت أكلمها كلمه وحده ..حتى مبروك ماقلت لها .
الداانه ــ بس ..لين هنا وامصخت السالفه .. لازم نتهين هالشي من راسج ..واذا كان في عزاء ..خالد كان السبب في موت يدتج .
قمر ـ شلون؟
الدانه ــ لا ..السب مو كله عليه ..جزئيا ...السبب انا ..بس كان بسبته ..له ضلع في هالموضوع .
قمر ــ عمتي أمانه قولي لي اللي صار ..تراني صج تهت ..
*
الدانه ــ ها ..هالحين خفت عوارض الحزن؟
قمر ــ مو وايد ..بس ..أنا نادمه على شي واحد .
الدانه ــ وشو هالشي ؟؟
قمر ــ أن علاقتي ببدور ماكانت قويه لدرجه اني أقول لها اللي في قلبي ,,على الاقل ..لو تدري ما رضت بخالد كزوج ..
الدانه ــ أرجوج يا قمر ..لاتحطين في بالج هالافكار وهالندم ..ويلا عطيني رقم خالج ..
قمر ــ شتبين فيه؟
الدانه ــ أبيه ..



_________

حلقة ............ 13



طالعت التلفون ..اذا ماعندها الجرأة تتكلم ..عندها لاجرأة تكتب مسج ..
وكتبت ..
(( السلام .انا دانه.اذا ماعندك مانع ياليت تسمح لي اجهز اوراقي لدخول الجامعه )
حست ان المسج جاف بالمرة ..وخالي من اي ذوق ..بس ماعندها حل ثاني .,, ارسال .

ثواني ووصل تقرير بالاستلام ...دقيقتين ووصل مسج .
(( ليش ماكلمتيني يوم دقيتي علي؟))



ارتبكت الدانه..على الاقل رد السلام .

(( كنت مرتبكه .وماكان عندي الجراه )
وصل تقرير الاستلام ..وبعدين مسج ثاني
(( أي تخصص تبين؟)
دانه ـ(اداره واقتصاد )
ضاحي( ( ماعندي مانع ))
دانه (( شكرا ))
مارد ضاحي بعد هالمسج ...حطت التلفون على جنب ..وحطت راسها تعبانه الصبح لازم تروح السوق ..شي واحد قررته انها تكره السوق




مر أمه المسكينه ..اللي اعتزلت في غرفتها من يوم ملجته ..من شهر ..
خالد ــ يمه ..
أم خالد ــ هلا ولدي .ادخل ..وينك ما أشوفك ..
خالد ــ في دوامي يمه ..
أم خالد ــ ها ..ربت منيرة ؟؟
خالد ــ يابت ولد ..
ام خالد ــ ما بغت ..مسكين نايف ..كبر على ولده ..
خالد ــ انشاءالله يعيش ويربيه .
ام خالد ــ كلمت حرمتك؟
خالد ــ اييه ..
ام خالد ــ متى تبي العرس؟؟
خالد ــ ما سألتها وهي ما قالت
.ام خالد ــ البنت انشاء الله زينه ..بس خلها بعيد عن منيرة ..
خالد ــ أشوف ..
ام خالد ــ كلمت ابوك ؟
خالد ــ عن ايش ؟
ام خالد ــ عرس عبير ..بعد ثلاث شهور ..وأبوك يبيه بعد سنه ..
خالد ــ بس اتنوا اتفقتوا مع الريال بعد ست شهور شغير هالكلام؟
ام خالد ـــ ابوك يبي عرسك قبل عرسها ..عبير الوحيده من خواتك اللي موب مشغوله بريل وعيال ..وانا كبرت ..وأبوك يبيها تشيل العرس ..
خالد ــ بس يمه ..الريال متفق مع ابوي ..
ام خالد ــ العنود بتولد ..وصالحه ماتقدر تهد ولدها ..توه صغير ..وبشاير متغربله في شغلها وزوجها مثقل عليها بطلباته هو والعيال,,,
خالد ــ انا ما ابي أفشل أبوي جدام ريل عبير ...الريال وهله حاجزين ..
ام خالد ــ دبر نفسك عاد ..عرس عبير شهر احدعش ..تقدر تعرس قبل هالتاريخ؟؟ تفاهم مع ابوك وقول لنا شرايك ..
ارتبك خالد..مافي غير هالحل ...طلع لبوه وتناقش معاه ..
***************
للمرة الالف قرت المسجات اللي طرشها ضاحي ..صج موب بخطه ...بس انها منه تخليها تقرأها عشر مرات ..وهي ما تقدر تفهم شي منها ..
مسكت ورقة ..وكتبت ..


(( قلق ...
كل ذره في جسمي تنبض بهالشعور ..كل نفس من انفاسي مغلف بهيبه .
أتساءل ...هل هو انسان يظلم ويجور ..ام انسان أحلى مافي قلبه.. طيبه ...
أكره الساعات اللي بكل بطء تدور ...وأتساءل درب بكره وراه اي خيبه؟؟
هل هو درب الخير والكرم مكلل بزهورولا درب كله تعب وخوف.وريبه)
حطت الورقه في درجها ..وهي مستغربة ..وين ملفها اللي تعودت تحط فيه هالمحاولات الفاشله في صياغه حياته؟
ماخطر لها ان الملف عند خالد ...مع ربكه التجهيز وصدمة العرس ..تخيلت انها ضيعته ..


دانه ــ صباح الخير ,,
سلمان ــ صباح النور والسرور ..
دانه ــ خلاص بقدم اوراقي للجامعه ..
سلمان ــ وافق السلطان ؟؟
دانه ــ اييه ..شتسوي في المطبخ؟
سلمان ــ ريوق ..لاتنسين عندي محاضرات ..والحمدالله قربت اخلص ...
دانه ــ الجامعه صعبه سلوم؟
سلمان ـ ام التسعين تسأل هالسؤال؟؟ عيل ام الستين شيكون سؤالها .
دانه ــ تشهد أعوذ بالله من عيونك .
سلمان ــ هههههههههه ,,, كأن محد غيرج ياب هالنسبة ..تعالي تريقي معاي ..
دانه ــ وين خوانك وعيال عمامك؟
سلمان ــ حمد راح الشغل بدري ..وحسن راح مع صالح ومشعل السنتر ..خالد نايم ..وهذا أنا ..بروح الجامعه الحين .
دانه ــ كم باقي وتتخرج؟
سلمان ــ كورسين ..وأخلص ..طبعا مع الصيفي .
دانه ــ وحسن؟
سلمان ــ لا ..حسن خلص أربع سنوات في الجامعه باقي سبع ..
دانه ــ يدرس طب هو؟؟ شسبع سنوات؟
سلمان ــ هذا هو ..ما أخذ خلال هاأربع سنوات الا ستطعش ساعه ..بس!! والمطلوب للتخرج ميه وعشرين!اذا خلال أربع سنوات خذ 16 ساعه ..و4سنوات اللي يايه 16 ..واللي وراهم 16 ..لا غلطت في الحساب يبي له تسع سنوات ..64 و64..اييه خلال تسع سنوات ..تقريبا ..
دانه ــ 16 ساعه بس ..في 4سنوات؟ في ناس ياخذونها في سنه!!
سلمان ــ حسون كان يصقط في المواد ويشيلها .. وكان ياخذ كل سنه بس تسع ساعات نصها صاقط فيها ..(شايلها ..)
دانه ــ وناصر ساكت؟
سلمان ــ أبوي ما يسأل وايد ...كل اللي يهمه ..حمد وخالد ..انه حمد يترقى خلال فترة بسيطه من شغله ..وخالد يترقى في الوزارة ..ويصير قريب منه ..
دانه ــ زين خلود ليش نايم ليش ما يروح الشغل؟
سلمان ــ شغل خالد حاليا مايبي منه الا توقيع بس ..عند بداية الدوام وعند النهاية .. شغله بسيط ..خلال هالسنه بتصعب عليه ..مع الترقية الجديدة ..حرف الواو وما يسوي ..
دانه ــ دام ناصر واسطته قوية ليش ما ينجح حسن في الجامعه؟
سلمان ــ لان حسن نفسه عاجبته حياه المهسترين ..حياة اللعب والعزوبية والدراسه ..وشلته في الجامعه مثله ..مهستره ..مو مهتم يتخرج متى ..بس شي يشغله عن نظر ابوي ومحاتاة امي ..بحجة انه يدرس لي متى ؟؟ محد بيسأل .
دانه ــ هناء خلقه ما تهتم في حد ..من عرفتها واعذرني لصراحتي مهما كان هي امك ..بس من يوم ماعرفتها ..وهي تهمها الاشياء الظاهرية .وحاليا قالت انكم كبرتوا وبتركز على بناتها الصغار تحولهم نسخه منها ..فما استبعد انها ماتدري عن حسن شي ..الا انه يدرس ..ايش وين وليش ..ماتهتم بالسؤال .بس بتظل امكم ...
سلمان ــ بتطلعين اليوم؟
دانه ــ مع قمر بروح السوق ..بتلاقينا مريم هناك ..والله يعلم شتشتري لي هالمرة .
سلمان ــ بدا العد التنازلي ..
دانه ــ صحيح والله ..بدا..
بعد الريوق رن جوالها ..
قمر ــ أنا تحت ..
دانه ــ الحين أنزل ..
رجعت الغرفة والبست شيليتها وعباتها ..وطلعت ..
***************
قمر ــ ترى مريم ما راح تيي ..
دانه ــ ليش؟
قمر ــ بتروح الدرزي (الخياط ) ..فستانها ما خلص ..
دانه ــ زين حنا وين بنروح؟
قمر ــ بمشيج اليوم ..بنروح السناتر ..
دانه ــ لا ..العيال هالحزة في السناتر ..عيال اخوي ..شوفي لج مكان ثاني ..
قمر ــ اوكي ..بنروح نتمشى في الاسواق ..نخلي الدريول ينطر ونتمشى ..
دانه ــ خل نروح الكورنيش ..
قمر ــ زين ..
دانه ــ أحسج متضايقه شفيج؟؟
قمر ــ اليوم بدور بيزورها ريلها ..ما تحملت أبقى في البيت ..ولما دقيت على مريم ..قالت لي انها ما بتروح معاج ..استغليت الفرصه وقلت أطلع معاج ..
دانه ــ خالد عندكم اليوم؟
قمر ــ اييه ..
دانه ــ زين قمر ..نسيت اقولج اني امس طرشت مسج لخالج وافق..
قمر ــ زين انه يوافق على الاقل تبقين معاي ,,
دانه ــ بتسجلين في الجامعه؟
قمر اييه ..
دانه ـــ كلمتي خالج واستاذنتي لي علشان الطلعه هاذي؟؟؟
قمر ــ دامج بديتي معاه بالمسجات موب حلوه اكلمه انا ..بعدين هالاسبوعين رخصج تروحين وين ماتبين ..بما انهم قبل العرس بيكون هو مشغول مو فاضي ..
طالعت دانه الناس الي تروح وتيي ..وهي وقمر يتمشون..حست بضيج|..
دانه ــخل نبعد..نروح المول ,
قمر ــ المول.؟؟ يلا على الاقل يمكن نشوف شي يعجبنا او فيلم ..
دانه ـــ تونا الصبح اي سينما هاذي المفتوحه هالحزه؟
قمر ــ خلاص نتحوط لين ما تفتح ..
******************
رن جوال الدانه ...
الدانه ــ هذي بدور ..شتبي؟
قمر ــ أكيد تتكل عن لقاءها بزوج المستقبل ..
ردت الدانه وهي ملاحظة حزن قمر ــ ألو ..
بدور ــ ألو ..عمتي الحقيني ..
دانه ــ شفيه؟
بدور ــ مصيبة ..عرسي بعد شهرين!!!
دانه ــ شلون؟؟
بدور ــ خالد توه يا وتناقش مع ابوي وأمي وافقت ..
دانه ــ زين ليش مصيبة؟انا نفسج ..تقرر بهالسرعه ..
بدور ـ دانه ..ما يمديني ..
دانه ــ لا تصيحين ..بجي بعد شوي مع قمر ..ونتفاهم ..
بدور ــ ناطرتج ..
دانه ــ بعد ساعتين بنكون عندج ..
بدور ــ ساعتين؟؟ أنا بطلع عندي مقابله شغل ..
دانه ــ خلاص أشوفج العصاري ..
بدور ــ زين ..مع السلامة ..
قمر ــ شفيها ..ما حطت مكياجها عدل ..ولا خرب شعرها ؟
بدور ــ تقرر عرسها بعد شهرين ..
قفط ويهه قمر ..وارتجفت ..وايلست على الكرسي وما كتمت دموعها ...
دانه ــ خلاص قمر ..كل مرة بنعيد الكره؟؟ خلاص صحتي قبل وهالشي كان مصيري..
قمر ــ ما اقدر يا عمتي ما اقدر ..
كانت القمر مكشفه ويهها ..بعدين تغشت .. دانه كانت لابسه برقع ..
دانه ما انتبهت للشاب اللي يحاول يغازلهم ...ولا قمر ..
الشاب ماكان بروحه كان معاه شاب ثاني ..وخالصث حطوا قمر ودانه في بالهم ...
دانه ــ خلاص قومي ندور العطر اللي كنت تبينه ..
قمر ـــ زين ..
مسحت دموعها ..بس خلت الغشوة على ويهها ..
مانتبهوا للشابين اللي يلاحقونهم ..
كانت تدخل محل عطور ..وهم يدخلون وراهم ..
دانه همست لقمر ــ هالشابين يلحقونا صح؟
قمر ــ لا ما اعتقد .. أبي هالعطر ..
البايع ــ هلأ بجيب من فوق ..
ودخل داخل ..
كان كلامهم واضح غزل ..
ــ ماهقيت ان البراقع يفتنتي ..,,
ـــ والمتغشيين أكثر يفتنون ...
ــ تهقى يقبلون الارقام.؟
ــ عيل وش يقبلون؟؟ أسمائنا؟؟
ـ أنا سيف ورقمي ******* وهذا الرقم ..
وأعطاها بطاقه لكن دانه ما مدت يدها ولفت ويهها..
ــ وأنا سعد ..ورقمي ******* شرايج (كان يكلم قمر )
قمر ــ تصلحون مهرجين أو أراقوز ..
الكزت دانه قمر وهمست ــ طنشي ..اذا رديت عليهم يتليعنون ..
ــ واو ..المتغشية تحجت ..والصوت با حلاته ..والجسم أحلى ..
قمر ــ جب ..صج حقير ..
ــ حقير؟؟ أنا حقير ؟؟ زعلتيني ..دموعي توذرف حزنا ..من قسوتك ..
دانه ــ خلاص قمر اسكتي ..
الشاب الثاني لف للدانه ــ الله ..عيونج حلوة ..
نزلت دانه راسها ولفت ومسكت بيد قمر تبي تطلع ..
وقف الشاب جدامها ..
ــ على وين ..نبي نسمع كلمه حلوة ..
قمر ــ انت قليل أدب ..
ــ وأنتي لسانج طويل ..بس شكلج حلوة ..
ومد يده وطيح الغشوة ..تبققت عيونه على الاخيرلما شاف قمر .وانبهر بجمالها ....اللي ما خافت ولا حركت لانها أصلا بالعاده ما تتغشى ..
قمر ــ وخر عن طريقي ..
الشاب ــ وان ما تحركت ..هالقمر اللي جدامي شراح يسوي؟
قمر ــ سهله ..صرخه وحده تير السكيورتي اللي هناك لهنا ..
الشاب ــ ومنتي خايفه؟؟
دانه ــ أرجوك أخوي ..أكيد عندك خوات ..ماترضى لهم هالبهدله اللي تبهدلنا اياها ..
الشاب ــ باين عليج مأدبه ..أكثر من أختج ..
قمر ــ امشي عمتي ..وخل نشوف شيقدر يسوي ..
الشاب ــ عمتها؟؟ احلوت ..بنت اخوج ؟؟
دانه ــ ممكن تبعد عن الباب ؟؟
طلعت جوالها
دانه ــ والا 999تتصرف ؟؟ أضمن ؟؟
الشاب ــ تهددين؟؟
دانه ــ ليش أهدد ؟؟ البايع الحين ينزل من فوق ..وتتسوى كل الامور ..وبيكون شاهد ..شي محتوم ..
قمر ــ اييه ..ليش من قال خايفين منكم؟؟
الشاب الثاني ـــ يلا سعد ..خل نطلع ...
الشاب ــ ونثبت لهم انهم انتصروا؟؟
قمر كانت تبي ترد ..بس مسكتها الدانه ..
الدانه ــ اذا تسمي هذا انتصار .. فما عندك سالفه ..
الشاب طالع الدانه معصب ؟حست الدانه انه ما بيروح بسهوله .وماكانت تبي تسوي اي مشاكل ..سمعت ربكه من داخل وحست براحه ..وتنهدت ..الشاب هو ورفيجه طلعوا ..وطلع البايع معاه كيس باسم المحل مع علبه سمبل مجانا ..
البايع ــ تفضلي الحساب ثلاثمية ريال ..
دفعت قمر ..والبايع يطالع ملامحها معجب ..
ردت الغشوة على ويها ..وطلعت ..
قمر ــ خل نروح السياره ..
دانه ـ لا الشباب ما طلعوا من المجمع ..ما أحب أنهم يلحقونا ..خلينا نروح الماركت ,,
قمر ــ كيفج ..
**************



بعد اسبوع ...
خالد ــ وينج؟؟
بدور ــ في الصالون ..
خالد ــ شتسوين؟ العرس بعد شهرين؟؟
بدور ــ أدري ..بس كنت اسوي بديكير ومنكير ..
خالد ــ اليوم صار معاي موقف غريب ..ادخلت لعندي مريضه ..مسكينه على بالها ..بدور ..بدور..انت معاي ؟؟
بدور ــ الو ..لا كنت أضبط القميص ...علشان ما يتوصخ تعرف من شانيل ما أخاطر يطيح عليه شي ..خاصه مواد المنكير ..
خالد ــ أنا وين وأنتي وين ..
بدور ــ أدري أنك مشغول وأنا مشغوله ..اوكي بكلمك بعد قناع البشره ..باي ..
طالع خالدجواله وهو موب مصدق ..
ــ شكلي بندم على اهم قرار اتخذته في حياتي ..
دخل فارس المكتب ..وخلال هالفترة صار من أعز اصدقاء خالد ..
ــ وشالقرار اللي كنت بتندم عليه؟؟
خالد ــ زواجي ..
فارس ـــ منت اول واحد ..اوقف في الصف ..
خالد ــ دكتور ..شفت الملف؟
فارس ــ أكيد .. الحاله مستعصية ..أنصح بتسفيرها للخارج ..
خالد ــ هذا بالضبط كلام الدكتور علي ..استشاري امراض القلب ..
فارس ــ أنت مصمم للسفر امريكا؟؟
خالد ــ اييه ..أبي أتخصص في جراحه القلب ..
فارس ــ ومتى ناوي؟؟
خالد ــ بعد زواجي انشاءالله ..
فارس ــ بس انت ناجح اكثر في الطب العام ..ماشاءالله نبيه وذكي ..ومايطوفك شي ..
خالد ــ رغبتي اني اتخصص في جراحة القلب ..وخيروني بين الصين وأمريكا ..اخترت امريكا ..المصيبة الكبرى ..هي شلون بقول لامي وابوي هالخبر ..وزوجة المستقبل نفسها ماعندها فكره ..لحد الحين مآخذه مني موقف بسبب تحديد حفل الزفاف بهالسرعه .لادرت بالسفر ..بيكون موقفها غير خاصه انها قدمت على وظيفه ..هنا ..

فارس ــ هونها وتهون .الله يسهل لك الأمور ..انشاءالله .
..
*******

تكملت حلقة 13

قمر ــ اوكي ..كلمت بدور واتفقنا على هالفكرة ..
دانه ــ بتخبلون الناس ..بس علشاان افرق بينكم انتي البسي اسوارة الالماس اللي عندج ..بدور ماعندها هالاسوارة ...
قمر ــ زين يا دانه ..قلبي يتقطع كل ماتقول لي بدور تعالي معاي السوق ..هي المسكينه تحاولي تيرني معاها ..بس أنا أتحجج دايم ..
دانه ــ زين ...أحسن لج علاقتج فيها تكون سطحية لين تتزوجين ..وتنسين ..
قمر ــ ما أقدر أنسى ..ما أقدر أنسى ..
(( أنا نسيت ..اللي عشت حلم كل هالسنين ..ماتنسين وانتي حلمج توه وليد؟؟ ))
دانه ــ قمر ..شوفي العرس ماباقي له شي كلها أربعة أيام ..وصي على الفستان تيبه لج بنت خالتج دامها في بيروت ..
قمر ــ انشاءالله ..بروح أكلمها ..هي تعرف المحل ..وشافت فستاني اللي يبته ..بوصيها تيب نسخه لبدور ..
اتفقت قمر وبدور انهم يلعبون دور الوصيفات في الزفة لعمتهم ..يلبسون نفس الشي ..ويظلون طول الوقت معاها ...
دانه ــ الحين ييون الشباب من بره ..يلا توكلي ..
قمر ــ طرده؟
دانه ــ لا ..أصون لج كرامتج ..انتي ماشفتيهم ..شرسين ..انا أحاول أحيا بينهم .. اذا شافوج بيقطعونج من تعليقاتهم ..حتى صلوح ومشعل ...ماتسلمين من لسانهم .
قمر ــ مو لها الدرجة ..بس أنا لازم أروح الحين ابوي كان يبي يطلع معاي السوق نيب شغلات لفهد..
ابتسمت دانه ..قبل هي اللي تطلع دايم مع اخوانها وتيب شغلات لعيالهم ..بس من اكبرلاوا الاخيرين ..استغنوا عن خدماتها .هي موب زعلانه بالعكس ..مرتاحه ..
طلعت قمر ..وبعد خمس دقايق دخل حمد ..
ــ دانه ــ من كانت عندج؟
دانه ــ رئيسة عصابة ..من يعني قمر ..
حمد ــ طلعت متغشية؟
دانه ــ وشالشي اللي يبهر في هالموضوع ؟؟ هي ..
كانت تبي تقول اذا تكشخت وتعدلت تشيل الغشوة ..واذا ويهها خالي من المكياج تحطها ...عكس خلق الله .بس تعرف حمد مايرضى ..
كملت ــ هي تتغشى بعض الاحيان ..
حمد ــ بس استغربت ..
دانه ــ ما كأن استغراباتك زادت عن قمر؟
قرب حمد من دانه ولوى يدها ــ اللي في مخج شيليه ..ماباقي الا هاذي الدلوووعه تصير حرمتي ..
دانه ــ شلته شلته آآآآيييييييييييييييييييييييييييييي عورتني حمد ..أنا عمتك وراي عرس حرام عليك ..آآآي ناوي تخلي يدي زرقا؟
امسكت يدها اللي عورها حمد بقوة ..
دانه ــ اوووووف عووووذه ...كليتني؟؟..وشفيها قمور؟
حمد ــ ما أطيقها هالسبب كافي ولا تبين سبب ثاني ..
دانه ــ خلاص ياخذها سلمان ولا حسن ولا خالد ..مو شرط انت ..
حمد ــ حتى اخواني ما يبونها ..يبون بنات خالتي نورة |..بنات مأدبات وحلوات ..وخاليات من الدلع ..
دانه ــ حشى كليسترول ..موب دلع ...شوف عيني ..بنات أخوي ألف من يتمناهم ...وموب ناطرينكم تمشون نصيبهم ..هذي بدور بتعرس بعد شهرين وقمر خطبوها اربع لكن اخوي مارضى ..
حمد ــ أرجوج .أسمائهم بس هي تطفش خلق الله ..قمر الزمان ؟؟ شالاسم التعبان .
دانه ــ أبوهم وراضي ..وخلق الله لو ماراضية ما تقدمتا لهم ,..
حمد يلس على الكرسي ..ومسك الرموت ..
ــ شغدانا؟
دانه ــ أنا عرووس ..ما أطبخ ..
حمد ــ زين يالعروس يالفالحه دامج ما تطبخين وخايفه على نفسج من ريحه الطباخ ما اتصلتي وقلتي لي ييب غداك معاك وانت راجع من دوامك؟
دانه ــ ماهونت فيك حبيبي تروح مشاوير هالحزه ..خاصه انها هالحزه الكل طالع من دوامه أكيد زحمه ..قلت حرام ..
حمد ــ حرام اتمشكل في الدوارات عشان أييب الغدا ومو حرام أموت جوع .. ؟؟
دانه ــ خسى الجوع خسى ..في شوية اشياء بحطها لك ..شابورة وشاي وزيتون ..
حمد ــ اذا انتي مسوية ريجيم ..أنا موب مسوي ..بقوم أنام و بطني تصوصو ..بس الشباب الحين ييون ..ويطبون فيج ..ولاتنادين حمود أنقذني ..خلي الشابورة تنقذج .
ابتسمت دانه ..دخل حمد غرفته وراحت دانه المطبخ ..كانت مسوي لهم الغدا كبسه لحم عجيبة ..ووصت البواب ييب الزبادي والشطة الحارة والبيبسي ..حطت الاكل وجهزته على طاولة الاكل ..
دخلت الشله اللي نصها كانت في المجمعات واللي في الجامعه واللي في شغله ..
دخلت تنادي حمد ــ حمد ..الحق بيطقوني ..
حمد ــ قلت لج مالي خص ..
دانه ــ حمود يابو غدا ومايبون يعزمونك ..
حمد من سمع طاري الغدا نط ..المسكين كان يوعان ..
ويوم شاف الاكل طالع عمته ..
دانه ــ كنت أغلس عليك يالفالح .
حسن ــ طباخج عجيب ..دندون ..يا حظه ضاحي فيج ..
دانه ــ وليش ..ضاحي ماخذني طباخه؟؟ لا عيوني اذا بطبخ بطبخ بمزاجي ..مو علشان حد ..
سلمان ــ ويييييييييييييييييييو ..كلتك ..
خالد ــ الا قشرتك ..
مشعل ـ وحطتك في الثلاجة ..وييييييييييييييييو ....
صالح ـــ ها؟؟
حمد ــ أيوا دانه ..بأقوى ما أتيت من قوة ..
مشعل ـ أبطال الديجتال .
حسن ــ خلي تجرب بس ..وتشوف شيصير لها ..
دانه ــ حسونه ؟؟ وشتقدر عليه حضرتك؟
حسن ــ أخليج تحضرين عرسج بعكازات ...
دانه ــ يمه ..هذا حفلة العزوبية الي تبون تسوونها لي ؟؟ تكسير ريول؟
حسن ــ اييه ..
خالد ــ خف عن عمتك شوي ....دانه اليوم أنا وأنتي بنطلع نتمشى ..
الكل =وحن؟
خالد ــ مالي شغل دبروا راسكم ..أنا وعمتكم اليوم بنطلع ..بس ها .. مو تلعبون بالاغراض ولا تفتحون الباب لحد غريب ..
حسن ــ زين بابا .
ابتسم خالد ...حست دانه ان فيه حزن ..بس كاتمه ..ي سالفه تقرقع في قلبه ..
دانه ــ واشربوا الحليب وناموا الساعه سبع ..
سلمان ــ هذا اللي ناقص ..أنا عندي امتحان .أبي الشقة فاضيه ..
دانه ــ ناموا علشان اخوكم الكبير يدرس ..
*********************



ــ شفيك؟؟
خالد ــ مافي شي ..
دانه ــ خلود ..حبيبي ..صج اني أصغر منك بست سنوات ..بس أحسك أصغر مني بعشر..واحس أنك متضايق ..قلي شفيك ..
خالد ــ انت الوحيده اللي حسيتي فيني ..
دانه ــ شفيك يا عمري ..
خالد ــ متضايق ..
دانه ــ تحب؟
خالد ــ لا ..بالعكس ..أنا مستغرب من نفسي لين الحين مالقيت وحده أعجب فيها ..
دانه ــ قال لي حمد ان عيونكم على بنات خالتكم نوره ..
خالد ــ بنات نوره ثلاث ..الكبار فيهم اصغر من حسن وسلمان ..والصغيرة في اول ابتدائي ..حسن وسلمان يبون الكبار ..وأنا مافكرت أبد فيهم ..
دانه ــ عيل شاللي يضايقك؟؟
خالد ــ .... أبيج تدورين لي على عروس ..
دانه ـ بس ؟؟ هاللي يضايقك؟
خالد ــ لا ..ماكان ودي اقولج ..بس بتنشغلين في العرس ..ومابقدر أقولج بعدها ..ادري انها بياخه أقولج .بس ..ومصاخه مني ..
دانه ــ خالد شغلت بالي ...شاللي بياخه ..ومصاخه ..قول شفيك ..
خالد ــ أنتي مستهمه علي؟
دانه ــ أكيد ..أنت قطعه مني خالد ..والله احبكم اكثر من ما أحب أخواني ..قولي شفيك؟ ..أنا موب مرتاحه ..
خالد ــ المصيبة ..ماعندي غيرج .. ..وما أقدر أقولج وعرسج بعد أيام ..
دانه ــ اذ1ا كان على العرس لاتخاف أنا خلقه موب فرحانه له ..قول ..شفيك ..
خالد ــ كنت أحس بصداع الفتره اللي راحت ..ويوم رحت الطبيب ..وبعد التحاليل ..
دانه كانت كاتمه نفسها ..
خالد ــ عندي ورم في المخ ..يبي له عمليه مستعجله.. وأنا ما أبي أموت قبل لا افرح اهلي في عرسي وعيالي ..
التفت للدانه اللي كانت ترتجف ودمع عيونه مغرق ويهها ..
كانت تبي تحضنه وتضمه حيل لها ..رغم انهم في مكان عام ..مسكت يده ..
ــ .لا ... مستحيل ..خالد ..توك بأول عمرك ..لا ..
خالد ــ دانه ..
دانه ــ خالد ..شتقول ؟؟ لاء ..مستحيل ..
خالد ــ دانه ..لاتخليني أندم أني قلت لج ..
دانه ــ ياعمري ..فيني ولافيك ..يا حبيبي ..خلود ..
خالد ــ دانه ..ايش خلود ؟؟ حنا وسط الناس ..بسج صياح ..
دانه ــ ما أقدر أتخيل ..زين ..متى العملية ..ومتى ..السوالف كلها ..
خالد ــ زين اهدي ..شفيج ترجفين ..المفروض هالشهر ..بس أنا بأجلها شهرين ..
دانه ــ ليش التأجيل مو من صالحك ..
خالد ــ قلت لج أبي أتزوج ..وهنا يي دورج ..أبيج تدورين لي على عروس ..تفهم وضعي وترضى تسافر معاي ..
دانه ــ زين من متى كنت تدري بمرضك ..
خالد ــ من فتره ..
دانه ــ والحين تكلمت ؟؟؟؟؟؟؟؟ قلت لناصر؟؟ لهناء؟
خالد ــ ولا راح أقول ..لين بعد العملية ..
دانه ماقدرت تمسك دموعها .. وكانت نفسيتها تعبانه ..الغالي ..يصير فيه جي.؟؟
خالد ــ شتبين عشا؟
دانه ـ ............ لاتتصرف ولا كأن شي صاير .ما أحب جي .
خالد ــ دانه ..أنا ما قلت لج علشان تنكدين نفسج بالدموع ..أنت الوحيده اللي تعرفين ..وأنا مأ"أبي حد يعرف غيرج انتي وحمد ..بس حمد مابقول له الحين ..بقوله لما اسافر علشان يسافر معاي ..أنا قلت لج علشان تدورين لي عروس ترضى بظروفي وبسرية تامه ..وبحجة السفر لشهر العسل نسافر للعلاج ..واذا تغليني ..ما أبي أشوف دموعج ..
دانه ــ ما أقدر ..دموعي هذي علشان اني اغليك ..ما اقدر أشوفك جي ..ما أقدر ..خالد ..يالله ..حرام ..توك صغير ..مستحييل ..
خالد ــ ............................................وبعدين ؟
دانه ــ عطني وقت أستوعب ..
خالد ــ للحينج ما استوعبتي؟ ماخبرتج بطيئة فهم ..
ابتسمت دانه ودموعها زادت ..كانت في حاله من الحزن ..أسوأ حالاتها .
خالد ــ من في بالج كعروس؟
دانه ــ ...ما ادري في بنات حلال وايد..
خالد ــ أبي وحده عقلها كبير ..بنت ناس وزينه ..ما أبيها مدللله ..

دانه ــ قصدك ماتبي قمر ..بنت نايف ..
ابتسم خالد ..ــ لا ..ما ابي وحده قريبه ..أبيها غريبة ..بس بنت اصل ..
أول وحده خطرت في بال دانه كانت ليلى ..صديقتها الصدوقه ..ليلى عاقله ..ومن عايله طيبه ..
دانه ــ أعتقد في وحده في بالي ..
خالد ــ عطيني عنوانها بكره أطرش أمي تخطبها ..
دانه ــ وشفيك مستعجل ..انطر ..اسأل عنها .. شوف امك يمكن ما تعجبها ..
خالد ــ ما يهمني ..كافي انها من طرفج ..وانتي تعرفينها زين ..
دانه ــ زين خلني على الاقل أكلمك عنها ..
خالد ـ ما يحتاج ..
دانه ــ على الاقل أكلمها عنك ..ولاتبي تخطبها وهي ما تدري شالسالفه؟
خالد ــ خلاص ..دبري لي هالموضوع الحين ..بكره الصبح تتصلين فيها وتكلمينها ..
دانه ــ زين ...
كانت دانه زعلانه حيل وقلبها يقطعها على خالد ..
خالد ــ أدري اني سخيف لاني خليتج تزعلين بهالخبر ..
دانه ــ والله اني زعلانه بس مو لهاالسبب ..السبب انك خشيت عني ..وتأخرت في علاجك .
خالد ــ شوفي دانه ..أبيج توعديني وعد ..
دانه كان ودها تسوي كل شي لخالد ..
ــ أوعدك ..
خالد ــ شفيج يائسه جي ..ما بموت لاتخافين ..الوعد ..انج ماتقولين لاي حد باللي سمعتيه اليوم ..أوعديني ..
دانه ــ آآآآآآآه يا خالد ..ولمن بشتكي اللي في صدري من وجع؟
خالد ــ اوعديني ..
دانه ــ وعدتك قبل لا تذكر الشي اللي تبيه ..ما مسكت دموعها ..وانهارت ...
****************************


حمد ــ دانه ــ شفيج؟
دانه ــ مافيشي ..
حمد ــ ايلسي معانا ..
دانه ــ بصلي العشا ..
حمد ــ بس انتي صليتيها قبل لاتطلعين ..
دانه ــ ها ؟؟ هذيك المغرب ..
دخلت ..وتيددت ..قفلت الغرفه وصلت ..وفي كل ركعه دموعها على خدودها تطلب من الله انه يشفى خالد ..
هالليله صاحت بشكل أكبر من صياحها يوم وفاة امها ...
*********************
من الصبح كلمت دانه ليلى ..وقالت لها انها بتزورها ..
دانه ـ هذا كل شي ..ما أبي رايج الحين ..هذي صور خالد ..وهذي شهاداته ..وكل شي عن مرضه قلته لج ..
ليلى ــ بس أنا تقريبا مخطوبه ..
دانه ــ من شخص ما يبيج ...
ليلى ــ بس انا ابيه ..وأحبه ..
دانه ــ ما بتكلم ..ارجوج ..اذا اتخذتي قرارج ..تعرفين تلفوني ..
ليلى ــ هالسبب اللي خلى دموعج أربع اربع؟ مو قله ذوق منه انه يقولج هالخبر قبل عرسج بايام؟؟
دانه ـ العرس ماهمني ..ولا كنت فرحانه له ..وانتي تعرفين السبب ..حاليا كل اللي يهمني خالد...أبي أعرف قرارج بسرعه ..علشان اذا ما وافقتي ..بدور له على بنت حلال . قبل لا اتزوج ..
ليلى ــ وين تلقين عروس بهالسرعه ؟؟
دانه ــ عمليته لازم هالشهر..وهو يأجل فيها ..علشان العرس .. بحط كل جهدي اني الاقيها له في اقل من اسبوع ..
ليلى ــ شكلج زعلانه عليه ؟؟
دانه ــ اييه ..توه باول عمره ..
ليلى ــ بفكر ..والليله أرد لج خبر ..
دانه ــ فكري زين .,,ادري اني اضغط عليج ..بس لاتفكرين لا فيني ولا في خالد ..فكري في نفسج ..وين تبين تكونين؟؟
استأذنت دانه وطلعت ...
************


ــ أبي أسمع منك كلمة أحبج؟
خالد ــ كم تدفعين؟؟
بدور ــ اذا حبك بفلوس .. أشترية بفلوس الدنيا كلها ..
استغرب خالد الكلام الحلو اللي تقوله بدور ..
خالد ــ واذا ما كفت الفلوس كم بتدفعين ؟
بدور ــ يستاهل يكون بهالغلا ..وأكثر ..أدفع روحي وكل الذهب والالماس ..بس لعيونك الغالين ..
خالد ــ هذا بيت نايف حسن؟
بدور ــ ............................. ليش تسأل؟؟
خالد ــ الظاهر اني مغلط ..أنا خالد زوج بدور ؟
بدور ـــ ههههههههههه ...تدري اني صدقت؟
خالد ــ هه ..
كانت ضحكته بارده ..خالد ..يصنف تحت فئة الانانيين ..اللي يحتفظون بمشاعرهم لانفسهم بس ..
بدور ــ وين غبت؟؟
خالد ــ موجود ..بدور ..بقولج شي ..
بدور ــ وش تقول الحين؟ ها ؟؟ بتجدم العرس شهر..
خالد ــ لا ....
تردد خالد ..بس قال لها عن خطته في اكمال دراسته والتخصص في جراحه القلب والشرايين..وغمض عيونه ناطر عصبيتها وغضبها ..
بدور ــــ صج؟؟؟؟ يااااااااااااااااااااااااااااااااااي ...بنسافر أمريكا ؟؟
خالد ــ اييه ..
بدور ــ ونااااااااااسه ...أحب أمريكا أموت في امريكا أبوي ماكان يرضى اسافر لها ..
وتمت بدور تتكلم وخالد المسكين ويهه منصدم لانه كبر السالفه ..وكان ظنه ان بدور بتعصب وبتكسر الدنيا ..
**************


حمد ــ ليش كله اليوم حاطه راسج في حضن خالد ..
خالد ــ وانت شدخلك؟؟ تغار؟؟
حمد ــ بس مستغرب طلعج مره وحده ورديتي بهالقرب منه ..أنا سافرت معاج ماسويتي جي معاي ..
تنهدت دانه ..ــ كلكم غالين ..أغلى من روحي علي ..تدرون من زمان مالعبنا اتحداني بشعر ..
حمد ــ اييه ..من سنه تقريبا ..من يبدأ ؟؟
مشعل ــ بس دانه ..لاتشعرين ..مانقدر نرد عليج ..
دانه ــ كل واحد يشعر يقول لمن هالشعر ..
حسن ــ ببدأ أنا ..ببدأ بقول لخالد الفيصل ..احم ..
سلمان ــ وش احم ذي انت بتقصد ولا تغني؟؟
حسن ــ تغيب الا عن الخافق حبيبي ...... بعيد ..الا من افكاري قريبي ..
أهوجس بك وأسولف مع طيوفك .. وأروح لك طواريقي وأجيبي ..
ردت الدانه ـــ بدر عبدالمحسن يقول ..
يطري عليه الوله ..وأطري على باله ...يا مرحبا لاضوى خلي على بابي ..
هجيت حدب الضلوع ونوخ جماله ..لاجله بكت دمعتي ولاجله ضحك نابي ..
خالد ــ ويقول الامير بدر (.
.يازين كأنك حزين ..فحالتي حاله ..يكفيك همك أنا بصبر على مابي ..
لو الشجر له نصيب فبارد ضلاله ..ماحرق القيظ جفني وأنت بأهدابي ...)

حسن ــ صح لسانكم ..حلو ..رديتو ..بشي حلو ..والحين من يبدأ ؟؟
سلمان ــ عندي بيتين حافظهم لاسير الشوق ..
حمد ــ سمعنا ..
سلمان ــ احترقت الشوق والشوق احترقني ...من غدا كل عن الثاني غريب
للشقى حظي مشى فيني وسبقني ..آه يا ظلم الهوى وظلم النصيب .

دانه ـ صج اني ما برقى لاسير الشوق ..بس بقول ...
دريت اللي صار بغاليي وذبحني ..ودريت أنه أمسى يدور حبيب..
سجنت حزني و دمعي فضحني ..وتعلقت بوعد في ذمتي صعيب ..


كانت الدانه سرحانه والوحيد اللي فهم كلامها كان خالد ..اللي رد ..
ــ ترى العمر يا مالك الروح محدود ...لياك تنزع باقي الروح مني ..
لخالد الفيصل ..
حمد ــ خالد ..ماهقيتك تعك في الرد جي ..اللي ردته الدانه كان حلو ..بس ردك ما يا في محله ..
ابتسم خالد ..
مشعل ــ دوري ...لنايف الرشيدي ..بقول هالبيت ..
والله ما أخونك ..لو قست سود الايام ..
لو خالفت دنياي واقع حياتي ...
رد حمد ــ
ياصاحبي لاتظاهر لي بحسناتك ...وأنت الخيانه تعشقك وأنت تعشقها ...
لمحمد مسفر العجمي
ضحك حسن وسلمان وابتسموا الباقيين .. ..

حسن ــ فهد عافت ..
(أنا لولاي انت من تكونين؟؟ ...أقولها وأنا نعم فيك مغرور !)
طبعا الشباب ماردوا ..
دانه ــ لمنادي بقول ..
هذا وقلبي معك خليتني ضدك ..من شاف ما يكرهه يعاف ما حبه ..
سلمان ــ واو ..رد غريب .بالعاده تشتمين..
دانه ــ هالمرة سماح .
صالح ــ أنا ما احفظ القصيد مثلكم ..بس حافظ بيت واحد ..عندي كمسج في جوالي ..
ماعاد لي قلب حتى يآخذه غيرك ..أفنيت كل المشاعر يا معذبها ..
سلمان ــ هالبيت اللي قلته كان لمتعب التركي ..برد أنا عليك ببيت لعذايب .. .
فيني مشاعر ..صعبة تصير ذكرى ...غربت عنها بالموادع واشرقت .

خالد ــ دوري ... لضاوي بقول ..
كيف بعتذر من نظر عيني ومحبوبي ..وأنا حبيبه ومجنونه وولهانه؟؟

دانه ــ لاتطلب هواني كل مافيني يعاني ..
وش يفيدك لو تشوف في عيوني المذله ...
(البيت لمحمد الفيصل ) ..

خالد ــ لبدر الرويلي بقول ..
أعرفك زين ماتنسى ..ماهو طبعك النسيان...لو بينت غير اللي في قلبك ..فيك أنا أدرى ..

دانه ــ لمتعب تركي اقول ..
لاتتعب اركابك ..شوف الللي يريحك ..ماتاقف الدنيا على فراق عشاق ..

ابتسم خالد ..هاذي دانه اللي ترادد في الشعر ..

خالد ــ للعميريني بقول ..
وآخر كلامي باكتبه لك بعبرات ..أنا أحبك لاتقولين شلون ..

الدانه ـ برد لك بشعري ..
ارحل ...وخذ معك كل الآهات ...ما أتحمل من يغدر و يخون ..

حمد ــ دانه ..خذي هالبيت ..لسالم غضيف ..
من يوم جيتي عالمي صرت في وهم ..انتي خريف العمر ولا شبابه؟؟

دانه ــ برد من شعري احم ..
الله بلاني وامتحني فيك يا عم ...شايب على آخر عمرك تصابى ...
خطوط وجهك اللي انحفرت بهم ...تستحي من شكواك الحب وعذابه ..

اضحكوا الشباب ..
حمد ــ دانه ...أتغزل فيج ..تفشليني ؟؟ زين خذي هذي ..
عيرتني بالشيب وهو وقار ..ياليتها عيرتني بماهو عار ..

خالد ــ حلووووووووووووو رديت عليها بقوة ..
حسن ــ اييه ..

صالح ــ النقاط ..دانه لحد الحين لها أكثر النقاط ..لانها تقريبا ردت على الكل ..والباقي بينهم فروقات بسيطه ..

سلمان ــ بقول .. لخالد عبدالرحمن ..
ياظالمة غضي من الطرف تكفين ..لاتودعين النفس بيض الاكفان ..

الدانه ــ حديث العين أجمل من كلام ذاب وسط الشفاه ...
ترى أجمل حكي نظرة وله في عينك وعيني ..

سلمان ــ برد عليج للراسية ..
تضيع أحلى السواليف بالشفايف ...ونموت بصمت واحنا ما حكينا ,,,
الدانه ــ غلبتني ..
حمد ــ صح لسانكم ..كان أحلى تحدي ..الاخير ..
حسن ــ بالعكس ..يوم ردت عليك شايب وتتصابى كان احلى ..
سلمان ــ بالعكس كل التحديات اليوم حلوة ...
رن تلفون الدانه ..طالعت خالد واركضت داخل ..
حمد ــ مو من عادتها تركض لتلفون ؟؟
**
كان رقم بدور ..تخيب أمل الدانه ..
دانه ــ ألو ..
بدور ــ وينج عمتي ..ماسمعتي شصار اليوم ..كانت عندي صديقتي ساره ..واتصل خالد ..وسارة كانت تتصنت وتعلمني شلون ارد عليه ..
طعا بدور قالت كل اللي صار معاها لعمتها ..اللي كانت تطالع الساعه وهي قلقه ..كانت الساعه عشر في الليل ..ودانه كانت ناطره رد ليلى ...
****
دخل خالد الغرفة ..
دانه ــ هذي بدور تكلمني عن خطيبها ..
خالد ــ يمكن البنت ما تبي ..لاتضغطين عليها ..
دانه ــ قالت لي بترد خبر الليله ..
ظلت دانه طول الليل تحاتي ..عرسها بغد يومين اذا ما حسبت اليوم ..كل شي قرب ..
الساعه 1 في الليل وصلها مسج ..وكان من ليلى ...

********


يتبع ..ياترى ليلى توافق؟؟ ولالا؟؟



_________

دانه ــ دموع حزن وعتاب وفراق ....دموع مظلوم باجر لكميشتاق ..
دموع انكتمت سنين باوراق ...واليوم توسعت لها كل الآفاق ..

خالدــ بنزفج بدموع ترى ..كاتمين دموعنا ..
دانه ــ عمري يفداكم كلكم ..خالد ..ديربالك على نفسك ..أرجووك ...
حسن ــ وليش توصينه على نفسه شفيه؟ مثل الحصان مافيهشي ..
دانه ــ وانت حسنسن ..
حسن ــ بشتاق لها الاسم وايد حتى راجو المسكين ..مابغى يخليني اسوق ..يبي يزفج بنفسه ..مسكين ..حتى هو تأثر ..تعالي ما سألتج ....شبتدلعين ريلج؟؟ ضححضح؟؟ضحك سلمان وخالد وحمد ..وابتسمت دانه ..
ــبدلعه ضحضوح ..أو داحي ..
ماتوا عليها من الضحك ..
ابتسمت ..
خالد ــوصلنا ..
نزل خالد وسلمان ..وكان حسن هو اللي يسوق السيارة مثل ما وعد ..
مسكيدها حمد ..ومعاه خالد وسلمان يصور ..المسكينه كانت ترجف ..وخطوواتها بطيئه ..علقحسن ..
ــ امشي بسرعه يالسلحفا ..
دانه ــ الفستان ثقيل ..
طلعت لهاالمصورة وخرعتها ..وصورتها والشباب وهم يزفونها ..وصلوها لين باب القاعه ..
خالدــ بنروح الحين ..
دانه ــ لا ..
(كانت خايفة وايد ..) ..
حمد ــ دندون ..بنرجع بزفة المعرس مع اخوانج ..لاتخافين ..
دانه ــ حسن ..سلمان ..
حمد ــهذي مريم وهذي امي يو يرتبونج ..يلا ..حنا طولنا ..بنروح خيمة الرياييل ...
حستدانه بالوحده ..يوم راحو ..يات بدور وقمر ..
وكانوا نسخة من بعض ..يجننون ..انهوين قمر ....خصوصا انهم لابسين نفس اللبس .. وماسكين سلال الورد والشمام والفل ..بيرمونها عليها .
ــ عمتي تهبلين ...تهبلين ..قمر..
دانه ــ مشكورة بدور .
قمر ــ صج دانه تهبلين ..تهبلين ..الحين بنرميج بالوردلما تدخلين القاعه اوكي؟دانه ــ بتذبحيني تفلعيني بهالورد ..
قمر ــ لا ..الورد كله ورق ..اللهعلى الريحه ..غاويه ..يرميني بسهام الغدر ..بورود الوفا ارميه ....
وقفت قمر علىيمينها وبدر على اليسار .. تذكرت دانه خالد ..ابن خالها ..ماتدري ليش ..بس طرى علىبالها ...وبعدين حست انها وحيده ..لام ولا اخت ..صج عيال وبنات اخهوانها ماقصروا .بس محد يحل محل الام ولا محل الاخت ..
قمر ــ دانه يلا قربي ..الناس تنتظروالشموع شبوها ..وطفوا الثريات والضوا كله .
حست ان ريولها ما بتشيلها ..فجأةلقت يد تمسك يدها ..التفت لقتها وحده ما شافتها من زمان ..وتذكرتها بالغصب ..
ارتجفت ــ عمتي زينب ؟؟زينب ( كانت عيوز كبيره ..ستينية متزوجة فيالسعودية من اربعين سنه ...ومايات الدوحه الا اربع مرات ولا خمس ..بعد الزواج ..))
زينب ــ اتصل فيني نايف ..وقال ..وحلفت محد يزفج الا انا ...
حست دانهبالعبرة تخنقها ..ومسكت بيد عمتها ..دخلت قمر وبدور ..ووراهم دانه ..وعمتها ...دانهوبدور كانوا يرشونهم بالورد ..ودانه منزل راسها مستحية ..وميته خوف ..ووجود عمتها ..ساعدها وايد ...البخور والاغاني ....والحريم اللي منبهره فيها سووا لها توتر قوي ..هذي اللحظة هي اقسى لحظة على العروس ..وتبي فيها سند ..رتبت لها قمر وبدور مكانها ...وجلسوها ..
بعد ربع ساعه ..صعدت ليلى وسلمت عليها ..
ليلى ــ تدرين أنالحريم منبهرين فيج؟؟ يقولون من هاذي القمر ..الظاهر انج ما تطلعين لهم دايم ..
دانه ــ صراحه أنا ما احضر مناسبات عائليه ..نادر ..من عرس نويروانا ما احتكفي الناس ..
زينب ـ الله يرحمها ..
دانه ــ الله يرحمها ..حتى عزا الوالده ماحضرته ..كنت في المستشفى ..
زينب ـ خلاص ..لاتقلبين الاحزان ..أنا ماصدقت يومقال لي نايف انج بتعرسين ..تخيلتج صغيره مثل ماشفتج من عشر سنوات ..بس ما شاء اللهغديتي حرمه ما احلاج لا عنج ولا دونج ..
ليلى ـــ كلام العمة صحيح ..الحريم هناكلهم منصدمين هالعروس وين كانت عنهم؟دانه ــ خلاص تمدح فيني ....
ليلى ــعبير يات ..وبتمرج بعد شوي ..بس تسلم على الحريم ..
دانه ـ ـاوكي ..
تذكرتدانه خالد ولد خالها ليش طرا في بالها ؟؟حست قلبها يدق بقوة ....قمر وبدور ماشاءالله عليهم يرقصون ..ويهبلون ..ومنيرة مب مقصرة بالنقوط والتصفيق لهم ..وهي شايلهفهد الصغير ..استجابت للمصورة ..وهي تحس انها بتختنق ..حاولت المصورة تخليها تبتسم ..بس محاولاتها كلها فشلت ..
عبير ـ فستانج وايد حلو.. والمسكه رووووعه ..شكلجكله روعه ..
دانه ــ عبير ..خلاص .جي استحي ..
عبير ــ أحلى مستحى ..بصورمعاج ..دانه ــ فستانج وايد حلو ..أول مرة أدري ان الازرق ينور عليج جي ..
عبيرــ بس انتي نجمة الحفل ..لايعلى عليج حد ..
دانه ــ بس عاد ..والله انج طالعهكوول ..
قربت قمر ..وهمست للدانه ــ هذي خالاتي ..يبون يصورون معاج ..
دانهــ ما يحتاج بطاقة دعوة ..خلي يصورون على راحتهم ..
....
الساعه 11:20 دقيقة ..
قمر ــ خالي بيدخل خلال ربع ساعه .
.دانه ــ اوكي..
***************
ــ شفيك مو طبيعي ؟؟ـــ احسن اني ناسي شي ..
عبد الرحمن ــ مثلايش؟خالد ــ ما ادري ...شوف ..دكتورة مها عيونها عليك..
عبدالرحمن ــ لاولله ؟ ..
خالد ــ ليش مشمئز ؟؟عبدالرحمن ــ لا حبيبي ..هي حاطتني الورقةالاحتياطيه ..
خالد ــ .؟؟؟؟عبدالرحمن ــ أول شي كانت حاطه في بالها فارس ..فارس وتزوج ..حطت في بالها انت ..وانت ما طولت ..وتزوجت .والحين ترسم علي؟؟ تلعبعلى جميع الجهات حضرتها ؟؟خالد ــ انت شتقول؟انت متأكد انك طبيب باطنية ولاطبيب نفسي ..؟ المسكينه كانت محترمة معاي وايد..ولا صار من هالكلام الليقلته..
عبدالرحمن ــ اي متأكد ..نظراتها حولك ما كانت شريفة ..
خالد ــ تعوذمن ابليس ....ولا تتبلى على البنت ..
عبدالرحمن ــ أنا ما أتبلى عليها..أنا اقولشي شفته ..أنا شفتها شلون كانت متجاهلتني ..وكانت كله عيونها على فارس ..وبعدينحولت عليك ...
خالد ــ ليش تتجاهلك ..بالعكس ..انت رجل تلتفت له النساء دايم .
********************

قمر ـ رفعي الرداء ..راحوا خوالي ..بقى بس عماميوعيال عمي والمعرس ..
كانت منزله راسها يوم الكل كان يرقص حولها ..وترتجف ..بسشافت يد تمسكها ..كانت يد حمد ..تعرفها من الساعه الرولكس اللي لابسها ..

قمر ــ بيرفعه خالي الحين ..
ارتبكت دانه ..
رفعه ضاحي عن ويهها .. وباس راسها ..بس ما حسته طالع لها ..
لانها كانت منزلة راسها بقوة .. رفعت قمرالرداء كله ..وانصدمت من ان قمر قاطه الشيله عن راسها ..
دانه ــ لبسي شيلتج ..عيال عمامج ..
قمر ــ زين ..
كانت بدور نفس الحركه واقفه عند خالها ..
دانه ــ قولي لختج ..
قمر لوت بوزها ــ زيين ..
ضبطوا شيلهم ..قربواالشباب ..مشعل وصالح اعرضوا ..وحسن دخل معاهم ...خالد وحمد وقفوا عندها ..سولفوامعاها شوي ..وسلمان كان واقف يصور ..ووقفوا جنبها ناصر ونايف ..وصوروا ..
قمروبدور وقفوا بعيد بعد نظرة حاده من امهم ..
نقطها ناصر بالالاف ..ونايف نفس الشي ..والعيال نفس الشي ...ابتسمت لهم ..ارفعت عيونها ولقت ضاحي يطالعها باستغراب ..كانه مذهول ...نزلت راسها ...
طبعا شكله يختلف عن الشخص اللي شافته فيالمستشفى ..كان مرتب لحيته ..وشوي ملامحه ..مألوفه ..ماكان بهالسوء ..اللي شافتهفيه اول مره .
طلعوا اخوانها والشباب وهم يوصوون ضاحي فيها خير ..
ماتدريشلون انتهت جلسة التصوير مع ضاحي ..خصوصا مع اللقطات اللي كانت تطلبها المصورة ..
وأخيرا ..
الساعه 1 في الليل ..
منيرة ــ يلا الدانه ..ضاحي يقول يلا ..
انخطف لون الدانه ..واخترعت ..وصارت ترجف ..كان وجودهم حولها هو اللي مصبرها ..
زينب ــ لاتخافين ..يلا ..أنا بسندج ..
منيرة ـ يسندها ريلها ..
دانهمسكت يد عمتها وهي خايفه ..
مسكتها عمتها ..ووصلتها مع ريلها للباب ..وباستها ..ونزلت ردائها عليها ..
صعدوا للجناح اللي مأجره ضاحي ..
ماتدري شلون ريولهاشالتها ..ووصلت لين الغرفة ..جلست ترتاح .. ضاحي المصيبة ما تكلم ولا حرف .. دخلالحمام ..
وهي ظلت متيبسه ..مددت راسها على الكرسيي ..وغمضت عيونها ..
(( خلاص ؟؟؟ ..يالله ..شلون بكون بعد يومين؟؟ زوجه سعيده ..ولا تعيسه ؟؟ ...العرس كتعبوالفستان كان متعب ..ودي بدش بااااارد ....اريح فيه عضلاتي ..وأنعنش .تعباااااانه ..))
**********
دخل خالد البيت .. كانت الساعه ثلاث الصبح ..
دخلت عبيربعده بلحظات ..
التفت لها وهو مستغرب ــ وين كنتي هالحزة؟؟ وليش متكشخه؟؟قطتعبير عباتها ..وكانت لابسه فستان ..
ــ كنت في عرس ..
خالد ــ اي عرس هذااللي رايحه له بروحج لهالحزه؟؟كان خالد هادي لانها ما كانت خايفه ..ولا متنرفزة ..وهو يعرف أخلاقها ..فما تسرع بالحكم عليها ..
عبير ــ عرس بنت عمتي ..
انصدم خالد ..ــ عرس دانه ..؟عبير ــ ليش عندك بنت عمه غيرها؟؟سكتخالد ..عبير اطلعت فوق ..
التفت ــ أمي ما قدرت تروح ..بس ابوي راح ..وصدقني لوشافك الحين كان ذبحك ..
انبهت خالد ..وتأثر بقوة .. هذا الشي لالي كان ناسيهاليوم ..العرس ..كلمته عنه بدور بس ما تكلمت وايد ..دخل الغرفة ..اتصل في بدور ..
ــ ألو ..
خالد ــ شلون كان العرسي اليوم؟؟بدور ــ راااااااائع ..عمتيطلعت رائعه ..تهبل ..غطت على الكل ..والخال كان مربوش المسكين ..ما شفنا منه اي ردهفعل .
كالعاده بدور استلمت دفه الكلام ..وصارت تتكلم ..وخالد يعلق ببساطه ..اييهولا ..صك من عندها ..بدور حتى ما سألته شخبارك ..ولا حضرت العرس لا لا ..كانت تقولله كل اللي صار معاها ..من الطقطق للسلام عليكو ..
تذكر دانه ..تذكر الشهر اللييلست فيه هنا ..تذكر اهتمامها كل ليله لما يرجع ..الحين حس انه كان في فرق كبير بينبدور ..وعمتها ..
فتح الدرج ..طلع الملف .حطاه قدامه ..رجعه للدرج ..خذ دوش ..وحط راسه ونام ..
*******************

فتحت عيونها ..من الصدمه ..تذكرت هي وين .. طالعت الساعه كانت ست الصبح ..
كانت على نفس جلستها امس ..باستثناء ان المسكه انشالت من يدها ..وتغطت بطانية ..ودبابيس شعرها في حد شالها ..
(( فضيحه !! نمت ؟؟ شيقول عني؟ ؟؟ يالله ..انا في حلم ولا واقع؟؟ ...معقول؟؟ ))
قامت وطالعت ويهها .. طلعت من شنطتها مناديل جونسون اللي تشيل الميكياج ..وشالته كله ..نزلت طرحتها ..
ورتبت شعرها ..طالعت فستانها اللي عليها ..وضحكت ..كان الفستان عليها جنان ..وهي من غير الطرحهوالمكياج ..حست انها ياهل ..خصوصا بعدما افتحت شعرها الطويل ..التفت كان احي يطالع لها ونظرة غريبه في عيونه ..ماافهمتها..بس ويهها انصبغ من الاحراج ..
دانه ـ آسفه نمت ..كنت تعبانه ..
ضاحيــ بنسافر ..
دانه ـ وين ؟ضاحي ــ تايلند .. مضطر اسافر ..تروحينمعاي؟دانه ترددت ..تذكرت خالد ..خالد ..ماتقدر تخليه ...تبي تظل معاه كل الوقت ..
ضاحي ــ بتروحين ..
دانه ــ لا ...ما اقدر ..
نزلت راسها مستحية ..
ضاحي ــ الساعه سبع ونص طيارتي ..وأنا توقعت انج ما بتروحين ..هالمهمةاسبوعين بالكثير وتخلص .. بيمرج حمد .. أشوفج بعد اسبوعين ..
باس راسها وطلعبسرعه ..
حست دانه انه موب طايقها ...احساسها انه يبي يبعد عنها هو الاصح ..
اسبوعين؟؟؟؟ زين ..فرصه تتأقلم ..بس هو ما بيكون موجود ..يمكن تكون فرصه افضل ..أنها تآخذ على هله ..وماتكون مشغوله فيه ..
راحت الحمام وخذت حمام ريحت فيهجسمها ..
بعد ما خلصت ..ياتها المزينه اللي اتفقت معاها ..وسوت لها شعرها وحطتلها ميك آب ..لبست بدله .واتصلت في حمد ..
******************
دانه ــ جب ..
حمد ــ قولي ..قولي ..
دانه ــ جب ..جب ..
ضحك حمد ..ــ حليلج عرووس ..
دانه ــ حمود ان ما سكت أقول لهناء تزوجك بنت منيرة ..
مسك بريك قوي بغىينصدم راسها بالزجاج ..
ــ حمار ناوي تذبحني ؟؟ ..
حمد ــ ان يبت هالسيرة مرةثانية ..اييه..






شرايكم؟؟ شلون بتتأقلم دانه؟؟ الحياه الجديده شلون بتكون؟؟وخالد شلون بيكمل مع بدور ..وهو كل يوم يلقى فيها عيب ؟؟

طالعت دانه قمر ..اللي كانت سرحانه ..واستنتجت انها تفكر في خالد ..

دانه ــ مافيني . ..ما اقدر ..خلي نروح ننام ..
قمر ــ هذا خالي فيصل ..
شافته دانه ..كان صج وسيم ..وطويل طول ضاحي ..نزلت راسها ..
فيصل ــ السالم عليكم ..
قمر ــ هلا خالي ..
فيصل ــ هلا ..
وأشر لها من هاذي؟؟
قمر ــ عمتي ..هذا خالي فيصل ززخالي ..هذي عمتي الدانه ..زوجه خالي ضاحي ..
فيصل ــ ضاحي تزوج؟
قمر ــ كنت مسافر صح؟
فيصل ــ اييه ..كنت في دبي ..اليوم العصر رجعت ..
كانت عيونه على دانه ..اللي رفعت راسها بهدوء ووابتسمت بخفيف ..
فيصل ــ .....................زوجه ضاحي؟؟؟
ما ارتاحت دانه لنظراته ..
قمر ــ سرينا يا عمتي؟
دانه ــ سرينا ..
بعد ما وصلت الغرفة ..ــ معقوله ما يدري بعرس اخوه؟؟
قمر ــ عمتي ...خوالي ما يكلمون بعض ..نادرا ..خالي ضاحي كله مسافر ..والوحيد اللي يكلمه في اليت هو تركي ..وخالاتي بعض الاحيان .

***************
مابقى شي ..العرس بعد شهر وشي ..وهالشهر بيمر بسرعه ..مرور الكرام ..لازم يرتب كل شي بيرفكت ..هو الابن الوحيد ولازم عرسه يكون كبير تتكلم عنه الدوحه كلها ..الامكانيات المادية متوفرة ...والحمدالله ...
ام خالد ــ خالد يا ولدي ..ما بتيوز عن قرار السفر؟
خالد ــ يمه ...أنا ندمت أني ما كملت على طول ...بس هالكم شهر ما بيأثرون وايد ..بسافر أمريكا ..ولاتخافين علي بكون مع زوجتي مو بروحي .
ام خالد ــ كيفك يا ولدي ..
تنهدت وطلعت لغرفتها ..
عبير ــ ...............................عاجبك؟
خالد صرخ فيها ــ جاااب ...موب كل مره بسكتلج ..كيفي فهمتي؟؟ لا تفلسفين على راسي ..يلا اذلفي غرفتج ..
قامت عبير وهي كاتمه خوفها ..أول مره يصارخ خالد فيها ..
قام خالد ..كان مواعد بدور يمر عليها ..
ليش يظنون أنه أناني؟؟ ليش دايم عى بالهم أنه مايحس؟؟ كل شخص له همومه ..وكل شخص له طريقته في التعامل معاها ..
(( يعني أنا ..سبع سنوت ضغطت على نفسي ..وكل سنه كنت أنجح بطلعة الروح ..المهم ما أعيد ..ولما لقيت الانسانه اللي تكملني رفضوها اأهلي ..شيماء كانت تفهمني ...كانت تفهمني وتقراني مثل كتاب مفتوح ..ولما رجعت ..انصدمت بكابوس دانه ..ما يكفيها اني السبب في وفاة امها ؟؟ يبوني أتزوجها علشان اشيل هالذنب للابد؟؟ ))
تذكر دانه يوم طلبت منه انه ما يتزوجها ....بس تذكر لما كان يدرسها ..لما كانت تنتظره في الليل ..هو موب غبي ..يفهم ..لا ...شيفهم ..دانه اقتنعت بفكرة انها تكون زوجته ..موب حب ...
بس ..
(( أنا اللي الحين حاير ..محد بيفهمني ..أنا نفسي موب فاهم اللي في قلبي ..أنا أحب دانه..أكيد أحبها ..البنت تزوجت شالكلام الماصخ؟؟ وشالحب اللي اكتشفته متأخر؟؟ .. ..آآآآآآآآآآآآآآآآآآه ..لو يرد الزمن .. .. .. ))
لبس غترته ..ورش من عطره ..وطلع .
(( يمه هالسفر ..والدراسه ..شي ..بيرفعني فوووق .فووق ..وماراح أسمح لحد يوقف في طريق طموحي ..مهما كان ..))
***********************
قمر ــ صباح خير ..
دانه ــ صباح النور ..
قمر ــ ما نمتي هالليله صح ؟
دانه ــ شدراج؟؟
قمر ــ ما خليتيني أنام ..كله تتقلبين ...
دانه ـــ صحيح ..ما ارتحت ....ليمالحين ما ألفت المكان ..
قمر ــ كم الساعه ؟
دانه ــ ثمان ونص ..نمنا متأخ وصحينا مبجر ..
قمر ــ بروح البيت ..
دانه ــ ليش؟؟؟
قمر ــ اليوم خالد بيي ..
دانه ــ ؟؟؟؟
قمر ـــ اليوم خالد يي ..لبدر .
دانه ــ ما فهمت ..خالد ياي لبدور ..انتي ليش رازة ويهج؟؟
نزلت قمر راسها ..
ــ ما شفته من زمان ..
دانه ــ أقول ...اركزي بس ..وتمي تغدي معاي ..لاتقطين ويهج ..خل عندج كرامه .
سكتت قمر ...
دانه ــ لاتزعلين ....بس..بعد اليوم ..حاولي تبعدين عن بدور ..وعن خال بالاخص !
قمر ــ قالت لي بدور انهم بيسافرون ..أمريكا ..خالد يبي يكمل ..دراسته ..السالفه بتآخذ سنين ....يعني ما ...
دانه ــجب ..جب ..انسيه صار ريل بدور ..صار زوج وحده ثانيه ..
قمر ــ .............أحبه ..
دانه ــ شحبين؟؟ من وين تعرفينه علشان تحبينه ؟؟ شفتيه مرتين وصار حب ؟؟
قمر ــ عمتي أشوفه كل يوم في احلامي ..أكلمه ويكلمني هنا ...
وأشرت على قلبها ..
دانه ـ قومي يالخبله ..قومي ..نتريق ...
تمت تصيح قمر دانه طالعت لها بشفقة ..ومسكتها من يدها وخذتها تغسل ويهها ,
*************
بدور ــ بشتري فستاني من باريس ..
خالد ــ باريس؟
ــ اييه ..بروح مع امي وبنات خالتي شوبنق ..
خالد ــ من باريس؟ كم بتظلين هناك؟
ــ يعني ..ممم ..شهر ..
خالد ــ العرس بعد شهر ..
بدور ـ اييييييه ...وناسه صح؟
خالد ــ بس شهر وايد ..روحي اسبوعين ..
بدور ــ لاء ..أنا مو أقل من بنات خالتي ..كان يروحون شهر شوبنق ..
خالد ــ .................
بدور ــ لاتزعل خالد ..أنا بطلع بأحلى طله ..أحلى من عمتي يوم عرسها ..ما تصدق ..الحريم انهبلوا عليها وقالوا وين كانت مختفيه؟؟ ..
خالد ــ ........................,,
بدور ــ أرجوك خالد ...بعدين بدور شي لونه ازرق ..
خالد ــ ازرق ؟
بدور ــ مم ..أو نحاسي ..علشان المكياج ..
خالد ؟؟؟؟؟؟؟؟؟؟؟؟
بدور ــ لون الباقه المسكه من لون المكياج ..بخليها زرقا ..بوصي عليها من فرنس ..
خالد ــ فرنس؟
بدور ــ باريس ..شفيك خالد مقفل ..
خالد ــ ولا شي ..دانه سمعي مني ..خذ فستانج من دوله قريبه ..أو وصي عليه من الكاتلوج ..شفيج تطالعيني جيه؟؟
بدور بعصبية ــ اذا نسيت أذكرك ..أنا اسمي بدور موب دانه ..وأيا كانت دانه هذي ..أحسن لك تنهيها من حياتك قبل زواجنا ..ولا ما بيكون في عرس .
قامت بدور ..وهي معصبه ..وقالت ــ بسافر باريس الاسبوع الياي ..وما يهمني رايك ..
سكت خالد .. والالوان شردت من ويهه ..قال دانه ؟؟ معقول زل لسانه؟؟ وبدور؟؟ ؟؟ انتبهت ؟؟ والمصيبه انه على بالها دانه وحده ثانية موب عمتها !!!!!!!!اكان يبي ينطق يبي يوقفها ..يشرح لها لكنها ما اعطته فرصه ..
اتصل برقمها ...حاول ..بس هي ماترد ..هذا بالضبط اللي ناقصه !!!!
طرش لها مسج ردي علي ضروري ..ما ردت ..
أكثر شي صدمه قواة بدور ..وشلون تكلمت ...وطلبت منه ينهيها من حياته ؟!..
طلع من البيت ..وما شاف طريقه ...
********************
حمد ــ تعالي هنا ..شسالفة الخطبة ..
ابتسمت دانه ــ خالد خطب رفيجتي ..ووافقت ..!!
حمد ــ وحنا آخر من يعلم ؟؟
تنهدت دانه ..لو يدري حمد بحال خالد شبيقول؟
حمد ــ ليش هالتنهيده ..؟؟
دانه ــ لان أنا مثلك ..تو اتصل فيني خلود وقال لي ان أنه خطب واهل العروس وافقوا ..وأنا لين الحين ما كلمت رفيجتي ...وشاء القدر انك تمرني ..
حمد ــ وينها بنت اخوج؟؟ ما تطلع؟؟
دانه ــ الحين تطلع ..اصبر شوي ...
كانت دانه في السياره جدام جنب حمد ناطره قمر ..بعد ما طلبت منها انها توصلها لبيتهم .
حمد ــ ما عندها خوات هذي رفيجتج؟
دانه ــ عندها ..وحلوييين يهبلون ...
حمد ــ اخطبي لي وحده منهم ..
دانه ــ انطر 12سنه ...
حمد ــ ليش؟؟؟
دانه ــ لانهم كتاكيت ..صغار وايد !!وحده عمرها ست والثانيه خمس !!
ضحكت دانه ..وحمد عصب !
دخلت قمر ــ السلام عليكم ..
دانه ــ وعليكم السلام ..
حمد ــ وعليكم..
وصل مسج لدنه ..كان من قمر اللي جالسه ورى (( استخسر فيني هالسبال كلمة سلام؟؟؟ شدعوه ولد اخوج ششايفني كافره؟؟ ))

ضحكت دانه ..
حمد ــ ليش تضحكين؟
دانه ــ كيفي ..
حمد ــ هاتي الجوال ..
دانه ــ مالك شغل..
حمد بند السياره وأخذ الجوال من يدها بعد معركه شرسه ...حاولت دانه ما تعطيه اياه ..
طبعا دانه كاتمه ضحكه هيووج ...التفت لقمر اللي ويهها صاير طماطه ..والدمعه انحكرت في عيونها ..
حذف حمد التلفون عي حضن دانه ..اللي كتمت ضحكه ...وشغل السياره وكمل الطريق ..طول الطريق وهو سلاكت ..دانه طرشت مسج ..لقمر
(( تستاهلين ما ياج بسبة طول لسانج !!))
ردت قمر (( شششش ..لاتكلميني لساني بلعته من الاحراااااااااج!!!))
ضحكت دانه مرة ثانية التفت لها حمد ....دانه توقعته ما ياخذ التلفون على اساس انه تاب ! لكنه مد يده وخذ التلفون .. .
دانه ــ اعنبوك استح البنت ورا !!!!
حمد ما رد بس ابتسم ورجع الجوال لدانه ..
طول الطريق كان حمد فاتح اذاعه سوا ...ومحد تكلم .لين ما وصلوا بيت قمر .. نزلت قمر وودعتها دانه ..
أول ما حرك السياره ــ بنت اخوج هذي من أخطاء الدنيا ا السبع !!
دانه ــ أي اخطاء سبع؟؟ كافي الاحراج اللي سببته لها ...اسكت بس ..
ضحك حمد ..ــ ما قدرت اقول ولا كلمه ..حسيت باحراج ..
دانه ــ انا مت من الاحراج ! شلون بقمور المسجينه .. !!
حمد ــ تستاهل ...عيل انا سبال ؟؟ والله مصدقه عمرها حضرتها ..
ابتسمت دانه ..
حمد ــ ليش تبتسمين؟
دانه ــ ولا شي ...حرام ابتسم؟؟؟؟
حمد ــ اييه ...ليش شاجه الحلج حضرتج ..شاللي في خاطرج ؟؟
دانه ـ أشوف شرارة ..
حمد ــ دانه ...تذكرين آخر مرة تكلمتي في هالموضوع شسويت لج؟؟
دانه ــ خلاص ..تووووووووبه ..
رن تلفون دانه ..كانت ليلى ..
دانه ــ الو ..هلا ..
ليلى ــ ما اعترض ووافق ..
دانه ــ ولش انتي متضايقة؟
ليلى ــ ما ادري ..ما تضايقت ..بالعكس انا اعجبني خالد وايد ..بس ..تمنيت ان تكون لي قيمه..على الاقل يفكر فيني كــ ...مدريشقول ..بس البنت تفرح ما تكتشف ان الناس تبيها..وهالكلام ..!!!!
دانه ــ الغبي ..
حمد ــ من تكلمين ؟؟..
دانه ــ أكلم رفيجتي ..
حمد ــ أشك .
ليلى ــ من الغبي ؟
دانه ــ هو غبي ..ضيعج من يده .. المهم..أنت راضيه الحين؟
ليلى ــ اييه ...مستانسه ...بس هالشي اللي تكلمت عنه من قبل شوي كدرني .بس تمي فرحانه وابوي مستانس وايد ..عاجبينه الخطاب .
دنه ــ تستاهلين يا عمري ..
ليلى ــ احم .
دانه ــ الجو غيم عندكم ؟؟
ليلى ــ اييه ..غيم أسود ..
دانه ــ حتى أنا ..أكلمج في الليل ..أنا الحين رايحه بيت اخوي ..ولدهم خطب اليوم ..
ليلى ــ اوكي .. اللي يفرحني اكثر شي ..هو انج في السالفه ..
دانه ــ بسكر قبل لاا تمطر ..مع السلامه .
ليلى ــ مع السلامه .
ابتسمت دانه ...الشفره بينها وبين ليلى ومعناها ما اقدر اكلمج الحين ..بس مفهومه ..صارت مكشوفه .
رن الجوال مرة ثانية طالعت الرقم ..كان رقم بدور .
بدور ــ عمتي ليش ما ييتي؟؟
دانه ــ وعليكم السلام ..شفيج؟؟
بدور ــ شفيني؟؟ اكتشفت ان زوج المستقبل على علاقه بوحده اسمها دانه .
دانه ــ ايش.......................؟؟؟؟؟؟؟؟؟؟؟؟؟؟؟؟
بدور ــ اللي سمعتيه ..
دانه ــ لاتكدرين خاطرج ..معقول؟؟ ما اصدق شدراج؟
بدور ــ اليوم وهو يكلمني ....بدل اليقول اسمي قال اسمها..
دانه ــ شدراج يمكن انا ؟
بدور ــ عمتي الله يهداج لاتزيدينها !!
دانه ــ هو شقالج؟؟
بدور ــ ليش ؟؟ له ويهه يقول شي ؟؟ اصلا انا ما اكلمه ..
دانه ــ حبيبتي ..شوفي ..طرشي لي الرقم ..وأنا ادبرها ..
بدور ــ لا تكلمينه هاالخاين .
دانه ــ عمري ..بس طرشي الرقم ..وأنا اتدبر السالفه ..وهدي عمرج ..يمكن ما في شي جايد .هو بس سوى الشي اللي قلتي عنه ؟
بدور ــ اييه ...ومارضى اسافر باريس ..
دانه ـ هذي سهله طرشي الرقم وانا اتدبرها ..وباجر بمركم ..اليوم ببات في بيت ناصر .
بدور ــ زين ..مع السلامه .
دانه ــ الله معاج .
حمد ــ شالسالفه؟
دانه ــ بطل عن اللقافه ..مالك خص .
حمد ــ بمن بتتصلين ؟؟ وعن مين كنتي تتكلمين؟
حست دانه السالفه فيها غيره .
ــ هذا الخياط ...خرب فستان بدور ..
حمد ــ من بدور؟
دانه ــ اخت قمر .
حمد ــ اذكر اسمها بدر . اي فستان العرس؟
دانه ـ لا عيوني ..فستان عادي ليوم الحنا .. بكلمه بعد شوي واتفاهم معاه .
حمد ــ وانتي وشو مديرة اعمالها ؟؟
وصل مسج لدانه .
دانه ــ لا ...بس عمتها ...وهالسوالف العمات هم المسؤولين فيها .
حمد ــ ما اشوفها اهتمت فيج بعرسج؟
دانه ــ حرام عليك ,...كافي انها اعطتني كورسات فن وضع الميكياج ..واشترت مكياجي كله ..وأشياء وايد ..ما قصرت ..
طرشت دانه لخالد (( السالم انا دانه .العمة .شسويت لبدور؟)
اتصل خالد على طول في دانه لكنها صكته في ويهه .
وطرشت مسج ( بالمسجات ما اقدر اتكلم الحين )
خالد (( زل لساني وقلت اسم غلط ..حرام؟))
دانه (( حبيبتك؟؟ ))
خالد ـــ(( لاء ... ما ادري طريت في بالي وزل لساني وقلت اسمج .))
دانه (( بس؟ ما صار شي ..بعد عشر دقايق .. دق على بدور .))
طرشت دانه مسج لبدور (( كلمي الريال ..خلط بيني وبينج ..وقال اسمي ..لاتخافين انا آخر وحده يخونج معاها ))
طرشت بدور (( ما اصدق ))
دانه (( لا صدقي وسمعي مني انا عمتج ..))
بدور ( بحاول .))
دانه (( لاتكلمينه الحين ..لما يدق هو عليج ))
بدور (( زين ))
طرشت دانه لخالد (( يا خي حاذر في كلامك بدور ملاحظتها قوية وكبرياءها اقوى ))
خالد ــ (( واله ما قصدي شي ...نسيت ..مبروك الزواج ))
دانه (( الله يبارك فيك ..وراضها ..سو الي تبيه ))
خالد ( شكرا ))
دانه (( ماله داعي هاذي الغاليه ))
صكت دانه جوالها ..حمد ــ من كنت تراسلين؟
دانه ــ رفيجتي ..
وصلوا ..وأول ما شافت خالد ..على طول اركضت واحضنته .. وباركت له ..
خالد ــ هلا في اللي عافها ريلها من اول ليله ..
دانه ــ جب يالحمار ..ما عافني بس سافر مضطر .
خالد ـ الكل يتطنزون عليج حتى صلوح ..
دانه ــ انا اراويهم الحمير ..
****************************



_________

****************************
طول الاسبوع اللي مر ..دانه كانت مشغوله في التفكير ...ليش زل خالد بسمها؟؟ ليش كان يفكر فيها ؟؟ وشلون؟؟ سافرت البدور بعد ما راضاها خالد بموافقته ..وبنفس الوقت .. تعرفت على اهل ضاحي ..الكل تقريبا ما يتكلمون عنه ..وما عجبها فيصل بنظراته ...
واللي صج ما عجبها انه ضاحي ما رفع التلفون وسأل فيها ...
***********
دانه ــ تركش ...أرجوك ..لا ..
تركي ــ انا المدير في هالمنتدى ..وأقدر اطردج أو أوقفج ايام ..لاتتحرشين ..
دانه ــ تركش بلييز ....
هدى ــ صج تركي ..لا تطردها ..الكل يحبها هنا ..
تركي ــ تستاهل ..تطاولت على المدير ...نادته تركش .
دانه ــ حرام عليك ..اسمك جي في الانجليزي ..
تركي ــ اادري ما يبتي شي من عندج ..
دانه ــ خلاص أنا أراويك الحين ..
تركي ــ دانه ....شتسوين؟؟
دانه ــ ولا شي ....
تركي ــ نشوف ,...
بعد عشر دقايق ..
تركي ــ ليش فصلتي النت ؟؟ مالي خلق اشبك من جديد ..
دانه ــ عادي .
أو ما شبك تركي ..
تركي ـــ ليش اسمي ما ..ليش في خطأ؟؟
دانه ــ تركش روح القسم العام ..الحق ..
تركي ــ اييييييييييييييييييييييييييييييش؟ المدير العام يعتذر من العضوة النمر الوردي؟؟؟؟؟؟؟؟؟؟؟؟؟؟؟؟؟؟ سرقتي باسووردي ؟؟
دانه ــ اييه ..أمس انا وهدى لقينا الطريقه ..سهله ما تحتاج هكرز ....وها ..علشان تستخف فيني ...هذا هو المنتدى صار بكره تحت اشرافي ..
تركي ــ الحين ارجعه ..وموب صعبه الطريقه وشوفي شبسوي فيج ..

دانه ــ تركش ...أرجوك ..لا ..
تركي ــ انا المدير في هالمنتدى ..وأقدر اطردج أو أوقفج ايام ..لاتتحرشين ..
دانه ــ تركش بلييز ....
هدى ــ صج تركي ..لا تطردها ..الكل يحبها هنا ..
تركي ــ تستاهل ..تطاولت على المدير ...نادته تركش .
دانه ــ حرام عليك ..اسمك جي في الانجليزي ..
تركي ــ اادري ما يبتي شي من عندج ..
دانه ــ خلاص أنا أراويك الحين ..
تركي ــ دانه ....شتسوين؟؟
دانه ــ ولا شي ....
تركي ــ نشوف ,...
بعد عشر دقايق ..
تركي ــ ليش فصلتي النت ؟؟ مالي خلق اشبك من جديد ..
دانه ــ عادي .
أو ما شبك تركي ..
تركي ـــ ليش اسمي ما ..ليش في خطأ؟؟
دانه ــ تركش روح القسم العام ..الحق ..
تركي ــ اييييييييييييييييييييييييييييييش؟ المدير العام يعتذر من العضوة النمر الوردي؟؟؟؟؟؟؟؟؟؟؟؟؟؟؟؟؟؟ سرقتي باسووردي ؟؟
دانه ــ اييه ..أمس انا وهدى لقينا الطريقه ..سهله ما تحتاج هكرز ....وها ..علشان تستخف فيني ...هذا هو المنتدى صار بكره تحت اشرافي ..
تركي ــ الحين ارجعه ..وموب صعبه الطريقه وشوفي شبسوي فيج ..

دخل فيصل في هاللحظة للغرفة ..
فيصل ــ .........شتسووون؟
هدى ــ عالنت ..
فيصل ــ باين بس شتسوون ؟
هدى ــ ولا شي ..
فيصل ــ ماتدرون متى يرجع ضاحي؟
دانه ما ردت ..
هدى ــ يقول بعد اربع ايام .
فيصل ــ لما تكلمونه خل يتصل فيني..
كان واضح ان فيصل يوجهه كلامه لدانه..اللي بس هزت راسها بأوكيه .
هدى ــ متى كلمج ضاحي آخر مرة؟؟
دانه ــ من زمان ..ماعندي رقمه ..
دانه ما كان عندها رقم ضاحي ..وماكلمته من يوم العرس ..
دانه ـ بروح غرفتي الحين عن اذنكم .
تركي ــ اذنج معاج ..شتبين في اذونا؟
ابتسمت وطلعت ..دخلت غرفتها ..طالعت صورة ضاحي ..ماكان قبيح مثل أول مرة شافته ..يعني ...صورته بدت تتحسن في نظرها ..رمت الشيلة ..وفتحت شعرها ..ومشطته ..تركته مفتوح ..تمددت على السرير ..الفراغ اللي تحس فيه كبير ..قبل عيال اخوانها معاها ..وكانت تآخذ راحتها ..الحين المكان الوحيد اللي تطلع له هو غرفة تركي مع هدى أو ساره ...
مسكت جوالها ..اتصلت في حسن ..
حسن ــ هلا و غلا ..ما بغيتي تتصلين؟؟؟
دانه ــ انت الحمار الوحيد اللي ماشفته من يوم عرسي ..
حسن ــ على جيه كم حمار شفتي؟؟ أنا صراحه رحت سيلين مع الربع ..قلت ما اخرب عليج ..عروس ..لين ما شفت خالد ..وقال لي ان ريلج مسافر من ليله العرس ..ههههههههههههههههههه...مسرع ما عافج ..
دانه ــ جب يالخايس ...راح عنده شغل وكان يبيني اروح معاه بس مارحت ..بكييييفي ..موب عايفني ..
حسن ــ ومتى بيرد؟؟
دانه ــ بعد اربع أيام .
حسن ــ خلاص بمرج الحين نطلع مع بعض ..
دانه ــ صج؟؟ والله كنت متملله وضايقه ..
حسن ــ الحين أمرج ..
دانه ــ الحين ألبس ..
تعدلت دانه والبست ..البست شيلتها وطلعت والبرقع في يدها ..
دانه ــ ساره ...ساره ..
ساره ــ هلا ..
دانه ــ بطلع مع ولد أخوي ..اذا اي حد سأل عنني اتصلي .ممكن ؟
ساره ــ اوكي ..مع السلامة .
اول ما طلعت كان حسن عند الباب ..
اركبت معاه على طول ..
حسن ــ بآخذج معاي للمدينة الالعاب ..
دانه ــ مدينة الالعاب؟؟؟ ونااااسه ...
حسن ــ بس أخاف تكونين حامل ..
دانه ــ لا ..لا تخاف ..هالفكرة مأجلتها عشر سنوات .
حسن ــ اوكي .لننطلق لمدينه الالعاب ..
دانه ــ 3..2..1 ..انطلق !!!
حسن ــ والله هذا احي ماخذ له ياهل ..
دانه ــ امانه حسنسن ..خذني ..
*********************
خالد ــ .شسويتي اليوم؟
بدور ــ ولا شي ..أنا وأمي رحنا الصالون سوينا بديكير ومنكير ..مثل كل شهر ..
خالد ــ قمر؟
بدور ــ اييه ..انت ولا مرة شفت قمور ..كل ما تجي تكون برا البيت ..زين خالد ..ما بتقول لي كلام حلو؟
خالد ــ ردينا؟
بدور ــ أرجوك خالد ..قولي مثل الافلام ..اي مس يو ..اي لوف يو ..يو آر ماي فلانتاين!
خالد ــ لوف يو بالعربي ما تمشي ؟
بدور ــ شوف خالد أنا زوجتك .لي متى بتم كاتم هالكلام الحلو؟؟
خالد ــ لاحقة عليه بعد أقل من شهر .
بدور ــ زين أبي أعيش فترة الخطوبة ..
خالد ــ بدور رئيسي في الشغل الحين يدخل بأي لحظة ويوجهه لي ملاحظة أن استراحتي زادت عن نص ساعه !!
بدور ــ بل ..صار لنا نص ساعه نتكلم .. مستحيل ..انا من شوي رجعت من الصالون ..
خالد ـ ربع ساعه ضيعتها أحاول أتصل فيج ..يلا باي عمري .
بدور ــ وهاذا انت كل مرة تتهرب من الموضوع ..ماني مكلمتك لين العرس !
خالد ــ لاتنسين ارجعي بعد ثلاثة أسابيع بس !!
بدور ـــ شلون بنسى وأنت اللي حجزت التذكرة ؟؟
خالد ــ بكلمج بعدين .
بدور ــ مدام اليوم ما بترجع الا الفجر ..هذا يعني اني ما بقدر أكلمك ..لاني لازم أريح بشرتي وأنام 12 ساعه ..
خالد ــ بشرتج؟؟؟ باي .؟؟ باي بدر ..
بدور ـ لاتناديني بدر !!
خالد ــ اوكي ..باي يالبدر .
بدور ــ اي جي ..باي ,,يا حبيبي ..
خالد ــ باي ..
بدور ــ اسحبها زين!! ما تستاهلها ..أي واحد في الشارع بقوله حبيبي !!
خالد ــ كيفج ..شوفي وين تلقين هاللي يفهم عرب ..باي هني .
بدور ــ حلوة هني ..حلوة ..امسك فيها .باي ..
خالد ــ باي ..
صكر من عندها ..وقام صب لعمره كوب نسكافيه ..عندي ربع ساعه بريك!! يريح فيه شوي ..
مسك جواله ..وقلب المسجات اللي فيه ..
(( حبيبتك؟؟))
كان المسج الوحيد اللي وقف عنده ...رقم دانه ....حبيبتك ..غمض عيونه ((.تزوجت ..تزوجت ...وانت تزوجت ..انت اللي فرطت فيها ما كانت عاجبتك ..انت اللي رخصتها ..لاتنسى انت تكرهها ...وهي ما تبيك ! اهم شي ..))
استغرب من نفسه تفكيره في الدانه صار غير طبيعي في الفترة الاخيرة ..غير طبيعي ..
دخل دكتور فارس ..
ــ أشوفك نايم...
خالد ــ لا ..بس كنت مغمض عيوني شوي ..أريح مخي ..
فارس ــ ...|أنا ييت أشرب عندك نسكافيه ..
خالد ــ تفضل ..
عطاه كوب ..
فارس ــ العرس قرب؟
خالد ــ أقل من شهر..
فارس ــ على البركه ,,حجزت .
خالد ــ اييه ,, بعد طلعة الروووووح .. مالقيت حجز بسهولة ...
فارس ــ مع أنك على آخر الصيف بتعرس .
خالد ــ بس في الوقت الضائع . ..
*********
ــ من عيوني ..
دانه ــ تسلم عيونك .. بس أبي شريط لطلال مداح ..
حسن ــ آفا عليج ..فتحي الدرج ..وتلاقين كل اللي تبين ..
دانه ــ وينه .,..ما أشوف لطلولي أي شريط !!
حسن ــ طلولج؟؟ هذا اللي ناقص ..
دانه ــ عاد ..لاتغير الريال الله يرحمه .
حسن ــ زين ..وصلنا ..
دانه ــ تشكر يا عمري على هالترفيه اللي صج رووووعه ..
وباست حسن ..
حسن ــ هيه ..يا حماره ..
دانه ــ ما حماره الا زوجتك ..هههه ... عاد كثر منها ...
حسن ــ شاللي بكثر منها ؟؟
دانه ــ هالمرور وهالطلعات ..باي يا عمري ..
نزلت دانه وراح حسن ..
دانه ــ في حفظ الله ...
دخلت البيت ..وصدمها ووقوف فيصل ...
ــ من هذا؟
دانه ما ردت ..ما عرفت ترد عليها بإجابه ولا ترد بسؤال انت شدخلك؟
فيصل ــ ما يعني أن أخوي يغيب تلعبين بذيلج من وراه ..
وتحولت نظراته نارية لما رفعت دانه حواجبها استنكار ..
فيصل ــ هذا حسن ..أكبر مغازلجي في الدوحه !!!! وطالع مع مين مع زوجة أخوووي المصوون؟؟ ولا بكل وقاحه تبوسينه جدام الخلق كلهم؟؟

كان يصارخ بأقوى صوت ممكن ..اجتمع البيت كله على صياحه ..دانه سكتت ..بس ما نزلت راسها ..علشان ما يعتبرها مذنبة ..سكتت ناطرته يهدى شوي علشان ترد عليه ..

وقط له كم كلمة جارحه ..دانه انطرته وكانت تواجهه بقوة ..
فيصل ــ ما ترديين؟؟
حست دانه انه هدى شوي ..
ــ بختصر هالكلام الجارح ..وهالاتهامات الباطله اللي أنا بريئة منها ..وهالتدخل من طرفك لشي مالك خص فيه بجملة وحده بس ....أنا اسمي الدانه حسن ,,,وهاللي كان واقف بره اسمه حسن ناصر حسن ...ويكون ولد أخوي ..أعتقد هاللبس انحل هالحين ...عن اذنك ..
بكبرياء راحت دانه غرفتها ..وانصبغ ويه فيصل بألوان قوس قزح من الاحراج ..الكل يطالعونه بنظرة عتب...
*****************

الدانه ــ بأي حق يكلمني جي؟؟
هدى ــ ما عليج منه .. هذا فيصل ..محد يقرب منه ..تراه عقرب ..
الدانه ــ ماتوصل لها الدناءة وقلة الادب ...
هدى ــ بس موقفج كان قوي ..ورديتي عليه بأسلوووب روعه ..برودج وثقتج في نفسج بعد هالكلام القاسي ..كانت في محلها ..
دانه ــ خل نروح لتركي .. نشوف آخر أخبار المنتدى ...
طلعت لتركي هي وهدى ...وتكلموا عن آخر المستجدات ..
تركي ـــ أدري فيصلوه مصخها معاج ..
دانه ــ لا ..عادي ...شو تركي تكلمت مع حسن ورضى يآخذك معاه سيلين ..ويقول الشرط الوحيد انك تجي بروحك ..لانها جمعة شباب ..
تركي ـ بس يالدانه أنا متردد ...أنا من زمان ما طلعت من البيت . ما أروح إلا مواعيد في العياده ..بس ...حتى المدرسة ما اروح لها ..
دانه ــ لاتخاف ...حسون أنا واثقة منه ..أكيد بيدبر لك رحلة عجيبه ..
تركي ــ اوكي .
دانه ــ اوكي ..شوف تركش ...ترى حسن بيمر الخميس يآخذك في الليل ..واذا ما عجبك الوضع كلمني على طوول ..
تركي ــ اوكي ..بس لاتناديني تركش ..
دانه ــ لاتزعل مني ..بس وصيت حسنسن يناديك تركش ..هههههه
تركي ــ أنا براويج .. الحين شيضمن لي ان ولد اخوج ما بيشيع هالتدليع بين ربعه ..
دانه ــ ولا شي ..لانه شاعه اوريدي ..ههههههههههه
تركي ــ الحين اسوي لج باند ..هالحين ,,
دانه ــ ما سويت شي يخليك تمنعي ..
تركي ــ لاتنسين أنا المدير لها المنتدى ..اوكي ...
دانه ــ ترى والله العظيم ياويلك . حرام عليك .أنا أكثر وحده تعاقبها في هالمنتدى ..
تركي ــ تستاهلين ..
****************

ــ حمدالله على السلامة ..
ــ الله يسلمج ..
دخل لغرفة كانت مقفولة طول الوقت ..
استغربت الدانه ..كان تبي تروح وراه وطالعت نفسها ..طالعت شعرها اللي فتحته ..والمكياج الخفيف اللي حاطته ..والبدله اللي كانت لابستها ..ما كلف نفسه وطالع لها نظرة ..مو كافي اسبوعين ولا مفتكر فيها؟؟
لمت شعرها ..سوت اللي عليها ..اتصلت في قمر ..
قمر ــ هلا عميمة .
دانه ــ هلا ..شفيج ؟ أحسج مكتئبة؟
قمر ــ في هالبيت بروحي ..ما تبيني أكتئب ؟؟
دانه ــ خالج يا ,..تعالي مري ..
قمر ــ ما اقدر اليوم ..ام الليل تبي تمرني ..
دانه ــ ليلى؟؟ الحمارة من ملجت ولا فتكرت فيني ..
قمر ــ ما أدري شفيها ..العرس بعد اسبوعين وهي متضايقة ..قلت أستدعيها وأشوف السبب ..ونفتح محضر ونشوف من المذنب و من البرئ ..
دانه ــ تدرين ...هالحين بيي ..انطري شوي ,,
قمر ــ خالي توه رجع من السفر ..
دانه ـ هو نايم هالحين ولا بيطلع .. مسافة الطريق وأكون عندج .
صكرت دانه من قمر ,...كل شي عندها ولا خالد وليلى ...أولوياتها تقتصر فيهم هم بس ..ودام ام الليل متضايقة لازم تنفرد فيها ..وتحاول تهديها ..
قربت من غرفة ضاحي ..ورفعت يدها تبي تطق الباب لكنها صوته كان وايد عالي ..
(( لا يا حبيبتي ...لاتخافين ..بعد بكره برجع أسافر بنغلاديش يومين وبمر لج اسبوع ....))
انصدمت دانه ...تيبست من الصدمة ..حبيبتي ؟؟ يومين وامرج اسبوع ؟؟ يمكن يكلم أمه ؟؟ أمه في البحرين ...صج هو ما يهمها ..وشلون ما يهمها وهو زوجها خلاص؟؟ ارتبكت ..خذت نفس ...وطقت الباب ..
حست بربكة داخل ..
فتح الباب ..
ـــ نعم..
دانه ــ بروح لقمر اذا ما عندك مانع ..
ــ ما عندي ..
صكر الباب في ويهها ..انصدمت ..ارتجفت يدها ..السالفة فيها إن ...
التفت تبي تروح الغرفة تبدل ..طلع ــ من بياخذج ؟؟
دانه ــالدريول ..مصطفى .
رد صكر الباب ....انصدمت دانه . هل هي متأكده أنها متزوجة هالشخص؟؟ اللي زين منه يطل في ويهها ؟؟ دخلت غيرت ملابسها ..وطلعت ..
******************
انتهى خالد من كل اوراقه ...وتأشيرات وأوراق الدراسه...بس بقى العرس ..اللي تقريبا انتهى من الحجوزات والاشراف ...حس أنه تعبااان ..أسبوعين ويخلص كل شي ...صج لاهم مثل هم العرس ولا وجع مثل وجع الضرس .
عبير ــ ..بو وليد ..
خالد ــ هلا ..
عبير ــ متى تييب العمال يسوون لك الغرفة والطابق اللي فوق ؟
خالد ــ مأجل الفكره ...انا وبدور ليله العرس بنسافر ..وبنيليس ست شهور قبل لا نرجع . زيارة اسبوع بعدين نرجع نسافر ..
عبير ــ واذا حملت بدور؟
خالد ــ فكرة الحمل مؤجله ثلاث سنوات ..يمكن أكثر ..
عبير ــ حرام عليك خالد ...
خالد ــ شفيج؟
عبير ــ أمي تبي تشوف ظناك ..
خالد ــ بعد ثلاث سنوات ..
عبير ــ ما أقساك يا أخي .ما أقول الا مسكينه هالبدور ..
خالد ــ جب ..جب ..
عبير ــ اييه ..ويا حريكم ما أحلاكم ..وويا خواتكم شياطين مسلطة ..أنا قايمة لغرفتي ..
خالد ــ أحسن .تريحيني افتك من وجع الراس .
حس خالد أنه قسا على عبير ... عبير كلها اسابيع وتنزف لبيت ريلها .وبيفضى البيت على امه وأبوه ...ما يقدر يترك بدور هنا ...توه متزوج ..وهي نفسها موب مالت واجبات ومايضمن انها تشيل امه وابوه في غيابه وتراعيهم ...
***************
فكرت دانه تتصل في خالد ..وتكلمة تسأله عن صحته ..وعن ليلى ..
مسكت جوالها .....وطلعت اسمه واتصلت فيه .
****************************
رن جوال خالد ...انصدم بالرقم ..كانت دانه ..دانه متصل فيه؟؟ عسى ما شر؟؟
ــ الو ..
دانه ــ هلا خلود ..حبيبي ...شخبارك؟؟ ألو خلود ..وينك يالغالي؟؟ خالد ...ألو ..خالد ووجع ..
طبعا خالد من الصدمة ..ماقدر يرد ولا يتكلم ...
دانه ــ ..خلود ..عمري ..ليش ماترد؟..ألووو ..ألوو ..
خالد ــ هلا دانه ...
طبعا دانه أول ما اسمعت صوت ثاني غير صوت خالد ...اسكتت ..حست بربكه..
ــ خالد ولد ناصر؟؟
خالد ــ لا ..أنا ولد خالج ...
دانه ــ اوه...السموحه ولد الخال ...أزعجتك ..كنت أبي خالد ولد أخوي ..ما أطول عليك ..
خالد ــ معقول ؟؟ لاسلام ولاسؤال عن الحال؟؟
دانه وهي بالعة احراجها غصب ..ــ اوه ...اعذرني والله من الربكة والاحراج ...شلونك؟؟ شخبار البدور؟؟ متى ان شاءالله ترجع من السفر؟
خالد ــ قريب ان شاءالله ..بتحضرين العرس؟
دانه ــ شي أكيد ..مع أني سمعت من البدور انك ماييت عرسي ..
خالد ــ معليش يا بنت عمتي اعذريني ...والله ماكنت فاضي ..
دانه ــ عذرك معاك يا بو وليد ..عن اذنك ..الحين ..
خالد ــ دانه..
دانه ــ لبيه ...
خالد ــ شلون ضاحي معاج؟؟
دانه ــ الحمدالله يعزني ويكرمني ولا بنت شيوخ ..
خالد ــ وأنتي بنت شيوخ .. اذا تعدى حدوده معاج ..أو ..
دانه ــ لا ..ما توصل يا ولد خالي لهالمواصيل ..لي أخوان أسند فيهم ظهري ..بس تسلم ...
خالد ـ صدقيني يالدانه..أنا موجود ..اذا تبين أي شي ..
دانه ــ تسلم ..والله يوفقك مع البدور ..تراها بنت طيوبه ..عن اذنك ..
خالد ــ اذنج معاج ..حياج الله ..
صكر من عندها ..وهو حاس بفراغ داخله ..دانه حسسته بهالفراغ ..حس أنه ضيع فرصة من يده ..صوت دانه شلون خلاه مو على بعضه ..وكلامها المتزن ..طبعا في البداية ما هو الا لبس ..
أما بالنسبة لدانه ..كانت غارقة بدموعها ...وتصيح بقوة..
شالمشاعر الغلط اللي داخلها ؟؟ وليش الحين موب قبل؟؟
( ( كلامة كان حلو وايد ..حسيت فيه لهفة ..حسيت ؟أن فيه ..أستغفر الله يا ربي ..أنا على ذمة ريال وأفكر في غيره ؟؟ أستغفر الله ..كل السبب منك يا ضاحي ..أنت اللي خليتني أفتح الدفاتر ..أنت اللي خليتني أنتقم لكرامتي بدون شعور ..))
وصلها مسج ..زاد دموعها بزياده ..
(( مدري رجا مدري وفا مدري احساس ..
أنطرك أدري قلت لي منت راجع ))
ومثل ما توقعت كانت من خالد . ...حذفت رقمه من الجوال ... وكتبت مسوده في جوالها ..
(( خبرتك انسان ذكي فاهم وواعي ..انسان يعرف قراره ماهمه وداعي ..
فلا تتمنى وترجى وتحاول خداعي ..ولاتذل نفسك ترى ماله داعي ))
اتصلت في خالد ولد ناصر .
ــ ألو ..
خالد ــ هلا ..دانه شخبارج؟
حست دانه أن خالد تعبان ..
ــ شفيك خالد صوتك موب طبيعي؟
خالد ــ لا ..بس اليوم كنت في دوامي ..وطحت عليهم ..
دانه ــ شلون ؟؟؟عسى ما شي جايد؟؟
خالد ــ ما شي جايد .. ما كنت مآخذ الدوا الصبح ..تضايقت أنهم قالوا لأبوي ..
دانه ــ قالوا لناصر؟؟ وشقال لك؟
خالد ــ كان يبيني أسوي فحوصات بس رفضت وقلت له انه انخفاض بضغط ادم ..من كثر ما كنت مشغول للعرس ..ما صدق ..
دانه ــ زين ..وأنت الحين؟
خالد ــ خذيت الدوا موب مشكله ..الطيحه مازادت عن عشر دقايق بس ..وقدرت أسند طولي لين ما وصلت البيت ..بس أخوج ..موب مقتنع .
دانه ــ يا عمري يا خالد ..يا عمري ..راعي نفسك ..ما نبي نخسرك ..
خالد ــ أدري .. بس كنت مستعجل ..يوم قلت ليلى ..تضايقت وبدت تصيح ..ندمت أني قلت لها ..
دانه ــ حرام عليك ..
خالد ــ أدري ..دانه أنا الحين عند الإشاره ..وبتحول خضرا في أي وقت ..وأنا مشتت ..
دانه ــ اوكي ..حط بالك على نفسك ..مع السلامة .
صكت من عنده ..وكان سبب كافي تنزل دموعها ...وانهارت تصيح بقوة ..بعدين هدت نفسها .. دقايق وتوصل بيت أخوها نايف ..
دخلت بيت نايف ..كانت قمر ناطره ..ومعاها ليلى ..
دانه ــ السلام وعليكم السلام ..
قمر ــ زين ييتي .. خذي ليلى وطلعوا عرفتي ..بسرعه ..
دانه ــ ليش ؟
قمر ــ بتييني اليوم يدتي ..من البحرين راح أبوي ييبها من المطار..
دانه ــ شلون؟
قمر ــ تو أبوي اتصل فيني وقال لي أنها تهاوشت مع خالتي ..ويات بتسكن هنا ..خصوصا بعد ما اكتشفت ان يدي مطلقها ..
دانه ـ شلوون ؟؟
ليلى ــ هاي ..
دانه ــ أنا بريحج مني الدريول برا ..تعالي ليلى نروح مكان عام .بكره بزورها أنا ..لأن ضاحي ما يدري ....ولا تدرين ..اليوم ان شاءالله في الليل بنيي ..
قمر ــ بيكون أحسن .
طلعت دانه مع ليلى ..واتصلت في ضاحي
دانه ــ هلا ضاحي ,,ضاحي ترى ما رحت لقمر ..اتصلت فيني خطيبة خالد وطلبت نطلع مع بعض اذا ما عندك مانع ..
ضاحي ـ زين .
وصك التلفون ..اتصلت في قمر ــ قمر ..محد يدري أني أدري أن عمتي موجوده ..أوكي؟
قمر ــ ليش ؟
دانه ــ بس جي ..اليوم المسا بزوركم مع ضاحي اوكي ؟
قمر ــ اوكي ..باي .






_________

التفت لليلى ..
ــ اتصلت في خالد ..وقال لي شصار معاه اليوم ..
ليلى ما مسكت نفسها ..وانزلت دموعها ..
ــ حرام ..والله خالد ما يستاهل ..
دانه ــ أم اللول ..بس ..بتقلبينها نكد؟؟
ليلى ـ المصيبة أني حبيته ..
دانه ـ صحيح ؟ في هالاسبوعين ؟؟
ليلى ــ ما تشوفينه يوم يكلمني ..غير ...انسان راقي مثقف ..محترم ..
دانه ــ أنتي متأكده تتكلمين عن خالد ولد ناصر؟؟
ليلى ــ اييه ..ليش شي قلته غلط ؟
دانه ــ لا .. حاشاج ..بس دايم ..الرياييل لهم ويهه ثاني مع حريمهم ..ما تعرفينه .
ليلى ــ يعني موب صحيح؟؟
دانه ــ لاء صحيح ..بس كنت شوي بخرعج ..
ليلى ــ اييه زين .. صج ضاحي رجع ؟
دانه ــ اييه . تدرين لو اللي في بالي صحيح .. والله العظيم ماني عايشه معاه دقيقة وحده ..
ليلى ــ وشو الي في بالج ؟
دانه ــ شي ..
ليلى ــ شكله جايد .
دانه ــ أييه .
ليلى ــ قولي لي ..
دانه ــ اوكي ..بس ننزل ..مصطفى ..خذنا البخاري ..
ليلى ــ بس أنا تغديت ..
دانه ــ أنا لاء ,,
فتحت ليلى حلجها على كبره بعد اللي قالته لها الدانه عن حياتها ..
دانه ـ طبعا هالكلام بيني وبينج وإن وصل لخالد بيكون آخر يوم في عمرج ..واييه .صكري حلجج لوزج طلعت لبرا .
ليلى ــ الحين تقولين لي أن ..
دانه ــ اييه ..
ليلى ــ وهذا فيصل؟؟
دانه ــ ما أدري ..بس موب مرتاحة له ..
ليلى ــ وخالد؟
دانه ــ ............................ ما أدري ..بس هو صار ريل البدور ..
ليلى ــ بس ..من كلامه ..
دانه ــ خالد ...مستحيل ..مو بس لأنه ريل البدور ..والسبب الثاني ..أنه ناصر قال له بتتزوجها ولا لا ..قال لاء ..يعني رفضني .هذا غير ان قمر تموت بترابه !!!!
ليلى ــ مسكينه قمر ..أتخيل موقفها لما عرفت بزواج خالد وبدور ...زين ..شبتسووين لو اللي تفكرين فيه صحيح؟
دانه ــ انت ..شرايج ..تكتشفين أن زوجج ..قضى أول اسبوعين من حياتكم مع بعض مع وحده ثانية ؟ هل بترضى كرامتج تكملين ثانية معاه ؟؟
ليلى ــ أنا واثقة في خالد ..
دانه ــ ليلى ..
ليلى ــ كنت أمزح ..بس ان شاء الله ما تكون شكوكج صحيحه ..
دانه ــ شسوي الحين؟
ليلى ــ حاول تهدين ..وبكره الستار ينكشف ..
دانه ــ زين شفيني ما يخليه يقرب لي؟؟
ليلى ــ يمكن الليله الأولى ..لما ..نمتي؟
دانه ــ والله ما كنت أدري ..موب قاصده ..معقول يآخذ مني موقف لها السبب ؟؟
ليلى ــ يا عمري يا دوين ...
دانه ــ الظاهر خالد يحش فيني دايم جدامج ..والا من وين يبتي دوين؟
ليلى ــ مرة ولا مرتين ..يتكلم أنج السبب في انه تزوجني ..ويشكر الله ..
دانه ــ ...متى عرسكم بالضبط ؟
ليلى ــ بعد عرس البدور بأسبوع وأربعة أيام .
دانه ــ قرب ..وفستان العرس؟
ليلى ــ مشى الحال واشتريته من دبي .
دانه ـ ما راويتيني اياه يالنذله .
ليلى ــ تعالي البيت أراويج اياه ..بس طلي ..موب مثل خالد ..مارضى حتى أنه يزورني .بس شوفي البرايت سايد ..
دانه ـ ها؟
ليلى ــ شوف الناحية الزينه ..هو قال وأقصد بهو ضاحي ..قال يومين في بنغلاديش وأسبوعين معاج ..يعني أسبوعين ويومين. ..وأنتي قلتي لي أنه غاب بالضبط بس أسبوعين ..!!!!!!!!
دانه ــ والله أنج ..مهسترة ..شتقولين ويا ويهج؟؟ ذي بالنسبة للمرة الياية اللي يسافر فيها ويا ويهج !!
ليلى ــ ما تدرين ..
دانه ــ قومي قومي ,,,تراني شبعت ...
ليلى ــ كيفج ..بس حاولي تتفائلين دايم ..وتذكري ..
دانه ــ شتذكر ؟؟
ليلى ــ لازم زواجج ينجح ..والا بتظلين بعدين متشحططة بين بيوت أخوانج ...ما بتلاقين أي بيت يضمج ..خصوصا بعد الطلاق ..
نزلت دانه راسها .
ــ لي متى بيظل محكوم علي بالتشتت ؟؟
ليلى ــ تذكري ..هالقرار في يدج ..
دانه ــ............... ما أدري .. في يدي ..أو في يد مين ..إذا الشخص اللي تزوجته ما يطل في ويههي حتى ..ليلى ..أحس أني ضايعه ..مالي مكان ..سواء كنت متزوجة ..ولا لاء ..
ليلى ــ دانه ..دانه ..أرجوج ..لاتصعبين الأمور وتهولينها لي هالدرجة ..
دانه ــ أحس أن حياتي ضاعت .. طول عمري أنا وأمي الله يرحمها كنا عايشين متطمنين ..ما همنا حد ..من توفت ..وأنا حياتي ضاعت ..صرت المربية الرسمية لعيال اخواني وبناتهم ..انا موب معصبة من هالشي ..بالعكس ..على الأقل ..عيال اخواني رغم أنهم أكبر مني يحبوني وأنا أموت بترابهم ..والبنات نفس الشي ..لكن ..أنا اللي ضعت . دايم ..من مكان لمكان شايله هالشنطه ...لاهم راضين يرحموني ..ولاراضين رحمة الله تنزل ..ندمت على قرارت وايد ..ما اتخذتها ..لو أني متزوجة عامر؟؟ لو أني رضيت بخالد أيام ما كانت أمي تحن علي بالزواج منه ؟ يمكن كان أحسن لي من هالضياع اللي أنا فيه الحين ؟
*****************************
فهد ــ خالد ..شفيك ؟
خالد ــ لا ..ما في شي ..شلون الزواج معاك ؟
فهد ــ لو أدري ..كان أجلته أربع سنوات ولا خمس ...الالتزام صعب ..
خالد ــ كلكم تقولون جي ..لكن لو رد بكم الزمان كان تزوجتوا بنفس العمر ..
فهد ــ خلص غداك ... لي متى بتظل تطالع في هالجوال ؟
خالد ــ ناطر مسج .
فهد ــ عذرا للتطفل ..من مين ؟
خالد ــ من المدام ..
فهد ــ آه ..المدام اللي في باغي ؟
خالد ــ في باريس ..وي .
فهد ــ وشاللي يخليك متأكد أنها هالحين في باغي مع هالوجوه السنعه والمناظر السنعه ..تفكر تطرش لج مسج؟
خالد ــ شافت أشياء حلوة ..أكيد بتتذكرني ..
فهد ــ يا غرورك يا خي ..مصدق نفسك .
خالد ــ تنكر أني أجمل منك ؟؟ وأوسم وأحلى ولو شافتني مرتك تتحسر على زواجها منك ؟؟
فهد ــ بس بس ..





_________

خالد ــ ناهيك لو عرفت أني دكتور ..
فهد ــ خلاص ..فهمت !!! وصلت الفكرة ..
خالد ــ ما أبي أمدح نفسي ..
فهد ــ للحينك ما مدحت نفسك ؟؟ شباقي بعد تمدحه ..
خالد ــ وايد ..ما بمدحلك شعري وعيوني ولا ملابسي ولا أخلاقي ..ولا سيارتي ..
فهد ــ باااااااااااااااااااس ..يا أخي والله فهمنا ... وصل الحجي ..بس ..اكرمنا بسكوتك ..الله يهني مدامتتك فيك ..

طبعا خالد كان ناطر المسج من دانة ...موب من بدور ..
فهد ـ خالد . .. ادفع الحساب .
خالد ـ كالعاده ماتغير فيك هالطبع الشين .
فهد ـ شسوي ..مفلس .وآخر الشهر بعيد .
خالد ـ ارحمني يا أخي وراي عرس بيكسر ظهري من مصاريفه ..وكافي دافع مهر ميتين ألف للمدام .
فهد ـ الله ,....ميتين ألف ؟؟ ششاري فيلا ؟؟
خالد ــ لا ولا حتى بيت شعبي ....الفلل هاليومين بمليون وطالع...
فهد ــ يا بني ..ماذا فعلت بك الأيام ليرتسم الحزن على ملامحك بقسوة؟ ؟
خالد ـ فعلت ما فعلت ..لين الحين تتذكر المسرحيات ؟
فهد ـ وأنا أقدر أنسى .. يمكن أشتغل ممثل ..
خالد ــ ممثل ؟
فهد ـ عندي الموهبة ...وبعدين..المربح أكثر .
خالد ــ خل نقوم .. برجع البيت أضبط أموري .
فهد ـ يالله ..
دفع فهد الحساب وعصب يوم خالد طلع بوكه ..وقال له انه ما كان يقصد إلا انه يمزح .
*****************
كانت دانه في غرفتها ..مرت غرفة تركي .. لكنه كان طالع ..ابتسمت ..أخيرا تركي شوي خفف من عزلته . من عرف شلة حسن وهو كل يوم معاهم ..
البنات طالعات للسيتي سنتر .. حست بضيج ..طلعت من غرفتها وتمت في الصالة تقلب في قنوات الريسيفر ..
طالعت الغرفة اللي حس فيها ضاحي نفسه .. حست بضيج أكثر . .بعد شوي تروح مع ضاحي لأمه .. ياترى شبتقول لها ؟؟ واذا سئلتها عن الحياة هنا شبتقول ؟؟
ــ في ايش سرحانه ؟؟
التفت ..وعدلت شيلتها ..
ــ أنا زوجج ..تعدلين شيلتج مني ؟
دانه ـ .......
نزلت راسها الدانه ..
ــ لها الدرجة ما تبين تطلين في ويههي ؟
دانه ــ لا ..موب القصد .. بس ..
ضاحي ــ اتصلت فيني قمر ..وقالت لي أن أمي يات . وطلبت مني أييبج معاي ..اوكي ؟
دانه ــ أوكي ..
ضاحي ــ وشفيج بالقطارة تتكلمين ؟؟
دانه ــ مافي شي ..
ضاحي ــ زين قومي بدلي ثيابج ..بنروح الحين .
دانه ــ الحين ؟
ضاحي ــ عيل متى ؟؟ الساعة خمس ونص ..
دانه ــ زين ..
طبعا كلماته خاليا من أي لون أو مشاعر ..كان يكلمها مثل ما يكلم قمر ولا هدى ..ماحست أنه ملتزم ناحيتها بشي ...
قفلت باب القسم .. وظل ضاحي برا ..وكانت تبي تروح غرفتها ..لكنها لقت الغرفة اللي كانت دايم مقفولة مفتوحة .. ما قاومت فضولها ..ودخلت .
طبعا ..غرفة ما فيها أي لمسات ..جرداء .. سرير واحد..كبير مع شرشف أبيض ..ومكتب كبير عليه أوراق وايد كثيرة .. الشي الوحيد اللي حست فيه حياة كان قلاس ماي فيه وردة فل وحده ..حتى الوردة مسودة شوي ..وريحتها شوي خفيفه ...ليش كان قافلها ؟؟ مافيها أي شي ..حتى خزانه مافيها !!طالعت الأوراق اللي على المكتب .. كانت معاملات .. بس ..أو مسودات ..يعني شغله .. والادراج مافيها شي غير أوراق ..عصبت ..مافي في الغرفة غير كرسي .. واحد ...غرفته تقريبا لاتكلمت فيها ..شو تكلمت ..لا تنفست بقوة بتسمع صدى نفسها ..الأرض سراميك مشجر ..لونه باهت .وماعليه إلا قطعه سجاد صغيرة ..
حتى الستارة .. كانت بيضا باهته ..
طالعت الأرض .. كانت شنطته على الأرض ..ما منعت نفسها من أنها تفتحها ..بس ما كان فيها شي . غرفة فاضية باهته .. ليش يقفلها ؟؟
شالسر يا ضاحي ؟ كان في تلفون وفاكس على المكتب .. ولاب توب .. اللاب توب موصول بالنت ..
فتحته بشويش .. وشيكت الإيميلات المفتوحة .. ماكان فيها شي .. كلها من أشخاص .. أجانب . وكلها دعوات وأمور رسمية . عصبت .. شالسر ؟
صكت اللاب توب . رمت بجسمها على السرير .. ومسكت لامخده وحظنتها بقوة ..
حست بقهر .. خل تطلع ..لايرجع ضاحي .. أول ماكانت تبي ترجع المخده ..انصدمت ....

كانت صور وايد تحت المخده .. ما مسكت دمعتها .. كان ضاحي مع وحده .. بسيطة .. باهته .. جمالها بسيط موب اللي يشد .. وشعر بني .. بس الصور تبين شي ثاني .ضاحي يضحك .. معاها .. وله صورة شايلها .. وصورة ياكلون مع بعض سندويتشات .. ويده كله على خصرها .. وصور لها وهي تضحك .. وهي تصارخ .. شي واحد كانت متأكده منه الدانه .. أنه ضاحي هذا اللي في الصور ..موب نفسه ضاحي اللي برا !!
الللي في الصور ..انسان ..ملامح ويهه تنطق أنه سعيد .. وفرحان .. مافيها أي قبح .. وهالانسانه اللي معاه ..فرحانه أكثر منه .. وهذا يعني أنهم يحبون بعض . .. طالعت الصور وخلفيتها .. ما كان مكتوب شي .. طالعت ملامح ضاحي .. كان شخص وسيم في هالصور .. أول مرة تشوفه وهو يضحك .. موب معصب . ولا عاقد حواجبه بطريقة مزعجة.. ولا نظراته نارية مثل ماهي هالحين .. رجعت الصور مكانها .. ورتب المخده مثل ما كات وطلعت برا الغرفة ورجعت الباب مثل ما كان . فتحت باب القسم .. ودخلت غرفتها .. وقفلت الباب .. دخلت الحمام .
(( مستحيل .. مستحيل .. شالحظ الردي .. شالحياة التعيسة ؟؟ حتى في زواجي ماني موفقة .. آآآآآآآآه يايمه .. ليش دعيتي علي ؟؟ ليش متي وأنتي موب راضية عني .. ليش يا يمه ليش ؟؟؟؟ ))
دخلت تحت الدش وفرغت كل الي في قلبها من دموع ..
*************
في السيارة ــ شتبين أحط لج أغاني ؟
دانه ــ ما أبي شي ..
( حتى راعي المطعم أو البقالة يكلمني بطريقة محترمة أكثر منه ,,))
كانت دانه مكثره من هالمكياج وضاحي كان كل مرة يطالعها مستغرب ..
ضاحي ــ شالحمار اللي في ويهج ؟؟
دانه ــ أسمه بلاشر ..أحمر خدود ..
ضاحي ــ وليش مكثر منه ؟
دانه ــ أنا حاطته بشكل عادي لاني مكثرة ولاشي ..
ضاحي ــ زين ليش معصبة جي ؟
دانه ــ موب معصبة .
ضاحي ــ شيلي منه .. تراج مبالغه وايد ..
دانه ــ حاضر .. طلعت البودرة وخففت شوي ..
ضاحي ــ مع أنه يبي له تخفيف .. بس جي أهون ..
(( شيبني ؟؟ أشبه ذي اللي معاه في الصور ؟ أكون شاحبه وباهته ؟؟ ))
كانت دانه لأول مرة تحط مكياج وايد كثير .. والروج غمجته وايد .. (كان أحمر فاقع . مطلعها وايد أكبر من عمرها مع أنه وايد حلو .. . .))
مر محل حلويات .. وشل معاه صحنين بقلاوة وبسبوسه .. وكنافة ..
كان طول الطريج ساكت .. وهي بس تطالع من الدريشة . كاتمه غضبها وعصبيتها ..
وصلت البيت .. سلمت على أم ضاحي ,.,
أم ضاحي ــ هلا بأم سبسب .
دانه ــ .................... ؟ هلا فيج ..
(( الدانه على بالها أن عمتها تسبها .. وما حبت تكون قليلة أدب وترد ..)
قمر ــ يدتي .. شاللي قلتيه لعمتي ؟؟ مسبة ؟؟
ضاحي كان منزل راسه .. ودانه ما طالعت له ...ناطره الإجابة من عمتها أم ريلها ..
أم ضاحي ــ كان أمها الله يرحمها تناديها جيه .. وهي صغيرة ..
قمر ــ وشيعني أم سبب ؟؟
؟أم ضاحي ــ والله أنكم بنات هاليومين ماتعرفون شي .. أم سبسب ..موب أم سبب .. و ينادون به البنات اللي شعرهم ناعم ..
ابتسمت دانه ..
قمر ــ يعني أنا أم سبسب بعد ..
أم ضاحي ــ لا يا يده ..أنتي الخوص ..
قمر ــ what ?
أم ضاحي ــ وطوطج الدهر .. أم سبسب اللي شعرها ناعم وايد .. والخوص اللي شعرها ناعم بس عادي .
قمر ــ يدتي المفروض تشتغلين في شركة شامبو .. علشان تحددين أنواع الشعر لهم,,
ضحكووا الكل على قمر ..
ضاحي ــ يوزي يا قمر عن يدتج ..
قمر ــ يا خالي .. المفروض أنك تزوجت المفروض تفج من هالعقدة ..
ضاحي ــ أي عقده ؟
قمر ــ اللي بين حواجبك ..
ابتسمت دانه لما ضحك شوي ..
قمر ــ عمتي ..تعالي معاي المطبخ .. أشوف الطباخ شسوى .
البست الدانه شيلتها .. وكانت لابسة دراعة من اليشمك ..لونها أحمر غامج .. وايد حلو والشك اللي عليها وايد حلو ..
في المطبخ ..
قمر ــ اووووه.. شالكشخه عمه . .. ماعهدناج تكثرين مكياج ..
دانه ــ تزووجنا . وتغيرنا ..
وصل للدانه مسج ..
(( أقول دانه .. مريني بكره )) حمد .
دانه طرشت ( وعليكم السلام وين أمرك ؟؟ في بيت ناصر ؟ )
وصل مسج ثاني (( عيل وين ؟؟ ))
حست دانه أن حمد . شوي معصب .. أو في شي مضايقة .. ماطرشت له مسج .. ردت لقمر ..
ــ شالعشا اليوم ؟
قمر ــ طابخ أشياء عادية .. بس قلت له يسوي لي دجاج ايطالي .. لي ولج ..
دانه ــ اوكي .. العرس قرب .. خلص فستانج ..
قمر ــ ليش أنا ما قلت لج ؟
دانه ــ لا .. ما قلت .. ايش ؟؟
قمر ــ يعني قلت لليلى .. مممممم .. ما راح أحضر العرس ..
دانه ــ شلون ؟؟
قمر ــ ما أقدر أحضر .. إذا حضرته بموت ..
دانه ـ لكن .. هذي أختج !!!الوحيده .. التوأم .. مابتحضرين عرسها ؟؟
قمر ــ عرسها بيكون جنازتي ... ما بقدر أحضر ..noo way !
دانه ــ قمر .. تخيلي البدور .. تخيليها واقفة هناك تبي أقرب الناس لها .. واللي هي أنت تكون بقربها .. يوم عرسها ..
قمر ــ أنتي وعبير تكفن وتوفون .. وبعدين ..البدور أصلا ما تبيني أحضر عرسها على كل حال ..
دانه ــ هي قالت لج جي ؟
قمر ــ لا .. بس من فترة موب قريبة .. قالت لي يوم عرسها .. أنا بخرب عليها .. لأن بنكون نشبه بعض وايد .. فما في مجال . .. وأنا بسوي نفسي مريضة ..أو أي شي ثاني ..
دانه ــ قمر .. ما ..
قمر ــ دانه ...بدور أي سبب انشاءالله أحذف نفسي على الدري وأكسر ريولي .. ولا أحضره ..
وصل مسج لدانه ..
(( تعال .. اليوم .. أنتي وين أيي آخذج ))
طرشت دانه (( في بيت نايف .. معزومة ..ما أقدر أيي بكره أشوفك ))
وصل مسج ثاني ( بمر بيت عمي خلال خمس دقايق أبي أشوفج ))
دانه (( حمد .ما أقدر ام ضاحي وضاحي رجعوا من السفر ))
حمد (( مو مشكله بكلم ضاحي وبقوله جهزي عباتج ))
دانة ــ شفيه هذا ؟؟
قمر ــ من ؟؟
دانه ــ حمد .. ما أدري شفيه متحرقص .. يبي يي ويآخذني ..
قمر ــ كلميه في التلفون ..
دانه ــ صج والله .. ليش ما أكلمه .
دقت عليه .. لكن ما رد ..
دانه ــ لين ما يي .. يصير خير .. قمر .. نرجع .. لازم تحضرين .
قمر ــ دانه لاتحاولين . ماني حاضرة العرس .. وأحسن شي أنهم بيسافرون لمدة ست شهور ..
دانه ــ ست شهور ؟؟
قمر ــ اييه .. خالد يبي يكمل دراسته ويتخصص جراحة قلب .. في أمريكا .. وبدور وايد مستانسه .. أميركا .. her dream,
دانه ــ زين ما فكرت .. بعدين ؟؟ لما يرجعون من أمريكا .. زوج أختج .. لازم تكلمينه .. تسلمين عليه ..
قمر ــ دانه ,, لاتنسين .. الغلطة غلطته ..موب غلطتي ..وأنا بتصرف كأن ولا شي كان .
دانة ــ أتمنى تتحسن اأمور .. والقلوب تصفى .
دخل ضاحي شايل بيده عباة وشنطة دانه ،،
ــ حمد ينطرج برا ..
انصدمت دانه .. ياب شنطتها وعباتها لين عندها ؟؟
دانه ــ زين .
ضاحي ــ أنا بروح البيت بعد العشا .. .. خلي يوصلج لين هناك ..
دانه ــ انشاءالله ..
راح ضاحي للمجلس .
قمر ــ شفيكم تتكلمون جي كأن بينكم ثار ؟
دانه ــ مافي شي ..
. ودخلت الدانه للصالة .. وكانت أم ضاحي موجوده ..
دانه ــ عمتي .. والله ما ودي أتركج بروحج ..بس ولد أخوي يبيني في موضوع .. بحاول ما بتأخر .. بس برجع لين هنا ..
أم ضاحي ــ الحين بنتي تيي .. ما بظل بروحي .. لاتخافين علي يا يمه .. روحي .. بحفظ الله ..
البست عباتها وطلعت ..
دخلت السيارة ــ ما بتنزل تسلم ؟ 0
حمد ــ مشي هالمكياج من على ويهج يلا ..
دانه ــ انزل سلم على عمك وريل عمتك ..
حمد ــ لاحق .. الأيام جدامي وايد ..
طلعت دانه منديل مزيل للمكياج .. ومشت الروج والبلاشر وشوي من مكياج العيون .. ورتبته ببودر خفيف . وحطت غشوتها على وجهها ..
حرك حمد .. وطلع من البيت بسرعه ..
دانه ــ شوي شوي حمد .. ليش طاير ؟؟؟
حمد ــ ولد أخوج ..
دانه ــ عاد أي واحد ماشاء الله ما أكثرهم ..
حمد ــ من غيره ؟؟
حست دانه أنه يتكلم عن خالد ..
دانه ــ خالد ؟
التفت لها معصب .. بس تحس أن في زعل وايد في عيونه ..
دانه ــ قال لك ؟؟
حمد ــ اييه ..
سكتت .. لكنها ما قدرت تمسك دموعها ..
حمد ــ ليش ما قال من أول ؟
دانه ــ شتبيه يقول ؟ أنا مريض وأبي أموت ؟؟ شتبيه يقول ؟؟ وهو نفسه مو قادر يستوعب هالفكرة .
حمد ــ ........................ .. الغبي .. سألت الدكتور .. ويقول كل يوم .. يمر يمكن يشكل خطر عليه إذا ما تعالج ..
دانه ــ أدري .. قال لي موب زين له اذا تأخر . لكنه .. يبي يفرح أهله فيه .. ويتزوج ..
حمد ــ يا شين العذر ويا ويهه ... لما يطيب يرجع يتزوج ..
دانه ــ امل نجاح العملية .. 50% بس .. يعني يا إي .. يا لاء ..
حمد ـ ما أقدر أنطر أسبوعين .. خلي يسافرهالحين ..
دانه ــ حمد ..
حمد ــ شذنب خطيبته تترمل امبجر ؟؟
دانه ـ اسم الله على عمره فال الله ولا فالك ...يا حمار ..
حمد ــ ليش يخدعها ؟
دانه ــ هو ما خدعها .. هي رضت بكامل ارادتها .. هو قبل لا يتقدم لها .. طلب مني أسألها .. وهي وافقت ..
حمد ــ بس ..
دانه ـ حمد .. خالد ما قال لك .. إلا وهو محتاج مساعدتك .. أرجوك حمد .. نفذ له كل الي يبيه ..أرجوك ..
رجعت في الليل .. ودخلت غرفتها وقفلت الباب .. مطنشه ضاحي .. اللي كان بره .. يقرأ جريده ..
اليوم الثاني صحت من النوم .. ويوم طلعت من الغرفة .. لقت ورقة نوته على بابها ..
(( سافرت بنغلاديش .. عندي شغل ))
دانه ــ وايد عليك ..
دخلت الغرفة وصكت الباب قوة ..
******************
دانه ـ بخمسة وعشرين ألف دولار ؟؟ هذا ؟؟
بدور ــ اييه .. من شانيل ..
دانه ــ هذا ؟؟؟؟؟؟؟؟؟؟؟
كان فستان بدور ناااااااااعم .. تقريبا التطريز اللي فيه بسيط ..وجيبونه بسيط شوي .. والطرحة غريبه من الدانتيل الفرنسي .. تقريبا .. من النوعية اللي تلبسها الاميريكيات .. ظهره في اكسات بسيطة .. الكتفين مطرزين بدانتيل بسييييييييييط .. كان حلو.. بس ناعم واااايد .. .موب فستان عرس ... فستان سهرة وايد عليه ..
دانه ــ وايد حلو ,,
بدور ــ اخترته .. علشان بعد عشرين سنة تلبسه بنتي ..
ليلى ــ الظاهر يالبدور تشوفين أفلام أجنبية وايد .. نشوف بنتج إذا رضت تلبسه ولا لاء ..
عبير ــ ما تدرين .. يمكن بنتها تشوفه متكلف وايد .. وتشتري واحد أبسط منه بخمسين ألف دولار ...
ابتسموا البنات ...
البدور ــ كيفها |.. تبي تلبسه ولا لاء .. بس أنا متأكده أني بلبسه كل شهر لخالد ..
دانه ــ ها يا عبير .. جهزتي الدخلة ..
عبير ــ اييه ... ييت أناديكم ..
بدور ـ أخيرا ..
دانه ــ شالموسيقى الغريبة اللي مختارتها ؟؟
بدور ــ موسيقى أحبها .. بس ها عبير .. لما يدخل خالد أغنية تونايت مالت ويست لايف اوكي ؟؟
عبير ــ انشاء الله ....
ضبطت نفسها البدور .. ووقفت عند الباب ..
دانه ــ تبين أساعدج ؟؟
بدور ــ أبي هاللحظة كاملة لي .. أنا بس .. الكاميرا تركز بس علي ..
ضاحي ما اتصل ولا قال متى يرجع . دانه كانت لابسة فستان مشمشي .. وكان متداخل معاه ألوان وايد .. كان شكلها طالع وايد حلو وفاتحة شعرها على طولة .. .. ومنيرة راجعة شباب .. عشر سنوات أصغر .. الظاهر مسوية عمليات شد ومد ,,
قمر طلعت لها حجة غريبة علشان ما تحضر العرس ..

(( اسهال شديد ..جرثومة ..!!!!!!!!! ))
بدور ما اعترضت .. حست الدانه أن بدور استانست وايد .. أن قمر ما تحضر .. ومحد يقدر يلوم أي وحده منهم ..
ليلى كانت واقفة حزينة .. لابسة فستان أسود ناعم .. وشعرها مرول ..
وميكب بسيط ..
دانه ــ شفيج ؟؟
ليلى ــ الأسبوع اللي ياي أنا بكون بمكانها ..
دانه ــ وهالشي يخليج مكتئبه ؟؟
ليلى ــ بالعكس .. يخوفني .. شوفي البدور شلون واثقة من نفسها .. حتى ما أسألت أحد شكلي حلو ولا لاء .. لو أنا بمكانها .. كان شلت منظرة في يدي بس علشان أتأكد أن الكحل ما ساح من الدمع ..
دانه ــ لا تستعجلين على رزقج .. قريب بتعرفين ..
مر العرس هادي ... منيرة نقطت بنتها وهي فرحانة .. ولا كأن بنتها بتسافر بعد ساعات لمكان بعيد لمده بعيده .. ودانه .. شايل همها اكثر منها ...
*****************
خالد يبتسم لربعه .. اللي يتكلمون معاه وينكتون عليه ... أنه معرس ..
فارس ــ اي خالد .. بعد الليلة مابنشوفك لين ست شهور .. ؟ هذا أطول شهر عل سمعت فيه صراحه ..
خالد ــ أحب أكون سباق للأمور ... الموضة اللي يايه شهر العسل برا البلاد لست شهور ..
حمد ــ الله يخليك .. تونا ما تزوجنا .. لاتروج لهالفكرة ..
فارس ــ يمكن هذا السبب الوحيد اللي يخليني أحمد الله أني تزوجت مبجر .. ولا .. أميركا ست شهور بتخليني مديون لين عشرين سنة جدام ..
خالد ــ عقبال الباقي ..
حمد و حسن ـ لا أرجوك ..شوف النسيب ..
خالد ــ أي نسيب ؟؟
حمد ــ ضاحي .. أبوه يا من زمان ..
خالد ما قدر يمنع نفسه من التنهد .. كان انسان واثق من نفسه .. ويهه فيه وسامة بسيطة .. بس موب مثل أول مرة شافه خالد .. كان مسنع العارض .. قبل كانت لحيته أطول وشواربه مسنعها ..
يا وسلم على خالد .. وعلى الشباب بعدين راح ويلس عند أبوه .. وسولف معاه شوي ..
بهرته بدور .. كانت طالعه حلوة وايد .. ببساطة ..
بعد ما قصوا الكيك .. وصوروا مع بعض .. اطلعوا للسويت اللي حاجزه نايف لبنته ..
الدانة ودعت البدور .. بعيد عن خالد .. خصوصا بعد آخر مسج منه

هدى ــ دانه ,,, ضاحي اتصل فيني وقال لي أنه ناطرج برا .. أنا بروح مع أمي ..
دانه ــ ضاحي رد من السفر ؟
هدى ـ اييه ..
طالعت دانه ليلى ..
ليلى ــ ............... روحي ..
دانه ــ بس .. ما ..
ليلى ــ أنا بروح مع الدريول .. ما عليج مني .. روحي لريلج ..
دانه ــ ............ ما أدري شلون بواجهه ؟؟
المعت دمعة في عيون الدانه ..
ــ تواجهين من ؟؟
كانت عبير تسأل دانه ..
دانه ابتسمت ــ محد .. كنا نتكلم عن خالد .. خطيب ليلى ..
عبير ــ دانه شفيج زعلانه ؟
دانه ــ ما في شي .. عن اذنكم ضاحي ينطر برا ..
اتصلت دانه بقمر ..
قمر ــ هلا .. خلص العرس ؟؟
دانه ــ تقريبا .. شلون الاسهال معاج ؟؟
قمر ــ قوي ..ههههههه...
حست الدانه أن قمر تصيح ..
دانه ــ زين .. بكلمج في الليل ..
قمر ــ ليش ؟؟
دانه ــ ضاحي ينطرني ..
قمر ــ متى يا من السفر ؟؟
دانه ــ ما أدري .. قبل العرس ماكان موجود .. متى ..
حست دانه أنها لو تكلمت ع ضاحي كأنه ما تعرف شي عنه ( وهي ما تعرف شي عنه )) بتشك قمر .
دانه ــ كلمته أمس .. وقال لي ما بيرجع لين أسبوع .. باي ..
قمر ــ باي .
دخلت السيارة وصكت الباب بعصبية ..
ضاحي ــ وعليكم السلام .
لفت ويهها بعيد عنه ..
ضاحي ــ برنسيسه ديانا .. ليش معصبة .
قالها بطريقة احتقار وسخرية ..
لفت له الدانه .. وكانت عيونها مليانه دموع .. طالعت له بكره .. ولفت ويهها مرة ثانية .. وقالت ..
ــ بسببك .. صرت طول اليوم بس أكذب .. صرت أتنفس كذب .. بسببك .. كل اللي يسألني .. أكذب .. كل ما أتكلم أكذب .. حرام عليك .. حرام عليك ..
حطت غشوتها على ويهها ولفت ويهها ..ولاسمعت كلمة منه لين اوصلوا البيت نزلت بسرعه .. وراحت غرفتها .. وصكت الباب .. حذفت عباتها .. وارتمت على السرير .. ودموعها على ويهها أربع أربع .. فجأة تراكمت عليها الأحزان والهموم .. .. فتح الباب ..
ضاحي ــ دانه ..
رفعت نفسها الدانه .. وحاولت تمسح دموعها .. تلخطت يدينها بالكحل والشادو .. رجعت شعرها لورى ,,,
دانه ــ ضاحي .. طلقني .. أرجوك .. الواضح أني ما أعجبك .. وأنا .. ما أقدر أتجمل زياده .. طلقني .. لو سمحت .. أنا تعبت .. تعبت ..
كانت نظرات ضاحي لها .. غريبة .. انهارت دانه في هالليلة ..
ضاحي ــ خلاص ,,
انقبض قلب الدانه .. وطالعت له بخوف ورعب ..
*********************
خالد ــ بدور .. شفيج ؟؟
بدور ــ الكلبة الحمارة ..
خالد ــ من ؟؟
بدور ــ الكوافيرة حرقت لي شعري .. الحقيرة ..
خالد ــ ها ؟؟؟
بدور ــ خالد .. لحين تروح وتيب لي حمام زيت .. فاشكول .
خالد ــ ايش ؟؟ هي يا ميينونه .. من وين أييب لج حمام زيت الساعة وحده الصبح ..
بدور ــ مال شغل .. ماني طالعة من هنا لين تيب لي حمام زيت فاشكول .. شعري صار جاف وايد ..
خالد ـ موب مشكلة .. بكرة آخذج للصالون .... بس يلا .. لاتحبسين نفسج داخل ..
بدور ــ والله ماني طالعة من هنا لين تيب لي فاشكول ..
خالد ــ انبوج من وين أييبه لج ؟؟
بدور ــ في صيدلية ولا كارفور ..
خالد ــ أنتي من صجج تبيني أروح كارفور ؟؟
بدور ــ فديتك يا خالد .. يا خالد .. شعري بيحترق اذا خليته جي الكلبة الكوافيرة ..
خالد ــ زين ..
نزل خالد وهو معصب من الفندق .. وهو يلعن اليوم اللي فكر فيه بالزواج يعني لازم تتسبح ؟؟ لازم ويا ويهها ؟؟ ..
ومن أقرب صيدلية .. اشترى له واحد ..
ــ خذي ..
بدور ــ بس هذا موب فاشكول ..
خالد بعصبية ــ بدووووووور ..
بدور ــ خلاص ..يكفي ويوفي .. تسلم يا عمري ..
بعد ربع ساعة .. طلعت . وكان شكلها روعة .. شعرها كان مبلل .. نازل على ويهها نساه كل تعبه .. وعصبيته ,,
****************

مع تحياتي UaQ - lover

________________

يارب تعجبكم
_________

يااااااااااااااااي تجنن القصة


>>> نتريا التكملة



تسلم UaQ عالقصة تجنــــــــــــــــــــنننننننننننن




بس توبة اقرى قصة بعدها تعذبت طويييييييييييييييييييييييلة



لكن على هالتعب مشكوووووووووووووووووووووووووووووووووووووووووووور



سلاااااااااااااااااااااااام

مشكووووووووووووورة على المرور يا+•»[ أنــوونـة ]«•+

مشكوووووووووووووور ع موضوع

اخوي قيوااني

مشكووووووووووووووور ع موضوع ياUaQ - lover

مشكووور اخوي على الموضوعــــــ...................................

تسلم اخوي